كيف الحال الغالين ..
من زمان ماكتبت مواضيع فحبيت اجدد النشاط مع كتابة هالموضوع وان شاءالله يعجبكم
موضوعنا اليوم عباره عن كيف نحجز سياره من شركة ميني كاب عشان تستقبلنا في المطار
وهالموضوع مهم خصوصاً للي عنده عائله كبيره ..لأنه بيحتاج اكثر من سياره عشان تنقلهم من المطار لين لندن ونفس الوقت التاكسي الواحد بيكون غالي ..يعني تاكسيين حوالي 110 باوند اما سيارة فان حوالي 75 باوند
فعشان كذا شركة الميني كاب اتوفر على الواحد مصروف + العائله كلها في سياره وحده ..
وإذا كان الواحد مسافر مع المدام بس الأفضل لهم وأوفر استخدام شركة ميني كاب لأنه ارخص من التاكسي ..
اما إذا كان الواحد امسافر بروحه او مع رفيقه فالأفضل قطار هيثرو اكسبرس ..
الحين بنبدا الشرح واخترت شركة الفا لسبب واحد انهم مايطلبون منك رقم الفيزا
بمعنى إذا حبيت تلغي حجزك في أي وقت ماراح يخصمون عليك شي لأنهم ماعندهم رقم الفيزا :8888:
هذا الموقع الألكتروني للشركه
http://www.alphaminicab.com/index_main.php
ونبدا مع الصور
اول ماتختار نوع السياره راح يطلع السعر فوق اتوماتيكياً ..وفي المربعات الي حددتها باللون البرتقالي حطوا نفس الخيارات الموجوده ..
ملاحظه ..هذا العنوان للي ساكن حوالين شارع ادجول رود وشارع اكسفورد ..

وفي الأخير اي استفسار احنا حاضرين وتحت امركم