حسب معلوماتي البسيطه
الطريق من الاحساء افضل
السكن في الشارقه قد يضيع عليكم كثر من الوقت لان الحين اعمال طرق وزحمه فوق الزحمه اللي تعيشها دبي
والقريه العالميه على ما وصلني من اخبار انها فاتحه بمناسبة مهرجان الربيع وهالسنه اول مره يتم فتح القريه علشان الربيع
اتمنى اني قدمت شي مفيد

من ناحية السكن يفضل انك تسكن في دبي لان وقتك بيضيع في الطريق حاول انك تحجز عن طريق مواقع الحجز على النت تحصل اسعار ارخص
و10 ايام اشوف انها كافية

السلام عليكم ...
لو تكرمتي , كم الميزانية اللي حاطينها حق 10 ايام عشان نقدر نرتب لك جدول مناسب من كل النواحي سواء سكن او غيره .

حبيبتي انا معاي 15000 وعددنا 10 اغلبنا بنات يعني نمووت بالshooping و الطلعات البريه والبحريه وكل شي يجي ع بالك وابي اقعد 10 ايام اخر ابريل تكفين سااعديني مافيه وقت
ومشكوره انت وكل من يمر ويعلق

رحلة سعيدة ان شاء الله إختي ....
بالنسبة للطريق مالكم إلا طريق الإحساء بس معلومة لازم تفللون البنزين!!!! من الإحساء لان الطريق مقطعه مافيه محطات بنزين والسفر في النهار بدل الليل لخطورة الطريق نوعاً ما ............
ورحلة سعيدة ان شاؤ الله وننتظر التقرير بعد الرجعه بالسلامة ان شاء الله

توقيتكم جدا رآئع , الجو بيكون معتدل إلى حار نسبيا ..
فاتكم مهرجان دبي للتسوق اللي اختتم قبل شهر ..
وبخصوص السكن ماقدر افيدج , بس راح افيدج ب المواقع السياحيه :
جهزي ورقه وقلم واكتبي وياي ههه :
البدايه / اشهر مراكز التسوق :
مول الامارات , ديره ستي سنتر , ابن بطوطه , دبي مول ( اكبر مركز تسوق فالعالم ) , مركز الغرير ( طبعا فيه اكثر عن 100 مركز تسوق بس اللي ذكرتهن هن الافضل والاكبر )
الاسواق / سوق جميرآ التراثي ( بجانب برجع العرب )
مارينا ووك والجميرا ووك

الشقق المقترحةفي الشارقة
(1)
Golden Tulip Sharjah
0حالياً أحدث وأفضل شقق في الشارقة هي شقق
مطلة على بحيرة خالد
(2)
الراديسون ساس .... ممتازه
ومطله عالبحيره
(3)
شقق نجوم الإمارات بالشارقة (300)ريال
الموقع: يقع هذا الفندق في منطقة الخان بالشارقة وهذه المنطقة معروفة بشاطئها
Tel: +971 6 528 2525
(4)
برج المدينة للشقق الفندقية
رقم الموبايل 00971505655036
غرفتين وصالة 500 درهم غرفة وصالة اعتقد 250 درهم
وهذا المبنى جديد وموقعة جميل والمواقف متوفرة وفيه مركز تجاري صغير
(5)
الديار للشقق المفروشة
الشارقة – دوار الساعة
هاتف:5623326 6 00971
(6)
توليب ان 320 ريال
الشقق المقترحة في دبي
(1)
شقق ستار مترو البرشاء (460 ريال)
تقع هذه الشقق في منطقة البرشاء، خلف مول الإمارات والمسافة بينها وبين مول الإمارات حوالي دقيقتين بالسيارة و10 دقائق مشياً على الأقدام
المزايا

• من أرخص الشقق الموجودة حول مول الإمارات- الشقق جديدة ونظيفة- يوجد بجانب الفندق سوبرماركت ومغسلة للملابس- توجد مواقف لسيارات النزلاء تحت الفندق

(2)
ديونز للشقق الفندقية في دبي 350 ريال
الفندف موجود في ديرة في منطقة اسمها المحيصنة .. خلف مطار دبي
في شارع عمّان قريب جدا من الشارقة
(3)
نجد للشقق الفندقية
ت: 0097143619008
7(4)
ليجاسي للشقق الفندقية 400 ريال
ت: 0097144309191

الله يجزاكم الجنه حمستوني بالبس عباتي واوقف ع الباب الين وقت السفره
مشكور اخوي ناصر ماتتصور قد ايش افدتني
والشكر للجميع

اختي الكريمة ،،
فيه شقق في الشارقة سبق وان سكنت فيها العام الماضي
ستديو غرفه وصالة ب 300 ريال ، والافضل تحجزين عن طريقهم ارخص ، وغرفتين وصالة اعتقد ب 550 ريال ماني متاكد ،
هذا شي ، والشي الثاني الافضل اذا بتسكنين في الشارقة انكم ما تطلعون من الشارقة وتروحون دبي إلا بعد الساعة 4 عصراً تفادياً للزحمات ، والرجعة تكون بعد الساعة 1 بالليل إلى الشقة ، انا سويت هالبرنامج العام وارتحت من الزحمات في الذهاب لدبي الزحمة راجعة ، وفي الرجعة الطريق فاضي ..
واقترح عليكم الآتي //////
يوم تروحون مدينة الجميرا والامارات مول
واليوم الآخر مارينا دبي وابن بطوطة
واليوم الثالث ستي سنتر وفيستفال سيتي
واليوم الرابع حديقة زعبيل وسوق نايف
واليوم السادس القرية العالمية اذا هي مفتوحة
واليوم السابع دراجون مول
واليوم الثامن دبي مول
واليومين الباقية خلوها اختيارية لكم ..
فيه رحلات مثل السفاري مع العشاء وعشان في السفينه تدور لمدة ساعتين على الخور ، بتلاقون مكاتب في الاسواق ترتب لكم الرحلات وعندهم رحلات كثيرة
بالنسبة للطريق ،،،،
إذا انتم بتجون من طريق الرياض فانصحكم بطريق الرياض - الخرج - حرض - البطحاء - الغويفات - ابوظبي - دبي - الشارقة
اذا انتم بتجون من طريق حفر الباطن من الشمال مره زي ما قالوا الاخوان من الاحساء على البطحاء على الغويفات ............ حتى وصولاً إلى الشارقة ...
تحياتي لك ..