كلنا غزة
10-10-2022 - 02:45 pm
هذا برنامجي ل5 أيام بباريس
أبي رأيكم فيه
انا سويت موضوع وطرحت هالإستفسارات لعضوه
بس ولا أحد دخل وساعدني قلت احطهم بموضوع منفصل
يمكن احد يشوفني
واذا تبون احذف حاجه وبدالها احط شىء ثاني افيدوني بليز أنتوا أدرى
اليوم الاول
(1) ديزني لاند
(2) La Vallee Village
(3) Sea Life
بس ما أفضل يكون اليوم الأاول مباشرة ديزني والا ايش رايكم؟؟
بعدين ديزني لاند بروحها يبيلها يوم كامل
يمديني أروح القرية وعالم البحار شو فيه؟؟؟
خصوصا اني اموت بالألعاب
وبالنسبة للبطاقات عادي اخذهم من دزني لاند نفسها والا افضل من الشانز؟؟
وكيف الطريق من باريس لدزني لاند؟؟
يعني اروح اي محطه آخذ اي قطار التذكرة بكم ؟؟والا بباص؟؟ وكم الطريق لدزني لاند ؟؟
اليوم الثاني
(1) جولة بنهر السين –غداء
(2) برج ايفل والحدائق المحيطه والشانز
الجولة بنهر السين ناخذ التذاكر من وين ؟؟ وكم ساعه الرحله؟؟ وبكم للشخص؟؟
بالنسبة للشانز عرفت انه فيه سينما.. ليش هو في افلام بالانجليزي؟؟
خبري كلو فرنسي! ما ابي اروح واطلع غبيه ما فاهمه شىء لوول
اليوم الثالث
(1) متحف اللوفر
(2) ساحة الكونكورد
(3) جاليري لافييت
الجاليري كم يبعد عن اللوفر؟؟
اليوم الرابع
(1) الشانز
(2) الباص الأحمر
(3) قوس النصر
ما كثير تذكرون قوس النصر؟؟ والا مو مهم؟؟!! قلت اخذ الباص الاحمر واكيد بينزلني عند قوس النصر مو كذا؟!
تذاكر الباص الأحمر لما آخذها من الباص نفسه؟؟ ومن وين؟؟ وبكم؟؟ واقدر استخدمها البطاقه ليوم الثاني؟
اليوم الخامس
(1) Le Prentamps
(2) برج ايفل ونهر السين
المجمع شلون اروحه ؟؟
بالمختصر لهالخمس أيام .. شو استخدم أفضل بالتنقلات بينهم؟؟
القطار ام الباص؟؟ وأخذ تذكره لكم ؟؟ وبطاقة القطارات نفسها اللي بتاخذني لديزني؟؟
اذا مو نفسهم ما احسن عاد اخلي ديزني باليوم الخامس؟؟
اليوم السادس ابي اروح أنترلاكن بسويسرا ..
أي محطه أروح ؟؟ وشو التعليمات ؟؟ وبكم غالبا التذكره وكم المسافه ؟؟
وأي وقت يفضل أغادر؟؟ البعض يقول الظهر واحد يقول الصباح
عشان مناظر الطبيعه ما تفوتني
في النهايه احب اقولك شغله ولكل من حاب يسافر اي دوله او مدينه الشرط الاساسي للأستمتاع ولتغطية اكبر عدد ممكن من الاماكن السياحيه المشهوره بالتخطيط والترتيب الجيد يعني نمسك الخريطه ونشوف الاماكن اللي جنب بعض ونخليها في نفس اليوم ولا نكرر حاجه ونستغل الوقت قد مانقدر و هذا المنتدى انحط عشان يساعدكم تسووا هالشي اتعبوا على رحلاتكم شوي وخذوا لفه في المنتدى بتلقوا اجابات كثيره على اسألتكم هالشي يجيب نتايج خياليه يعني في ناس تروح مو مخططه وتجلس 10 ايام وفي ناس مخططه تروح تجلس 4 ايام وتشوف اكثر من اللي شافوه اللي مارتبوا امورهم
اتمنى اني ما عورت راسك بالكلام ههه بس حبيت اساعدك باللي اعرفه وفي النهايه الموضوع راجعلك حسب ذوقك واختيارك هالله الله بالتخطيط الجيد والدقيق واتمنى لك رحله سعيده موفقه ان شاء الله
واهم حاجه نستنى التقرير المصور ضروري جدا