وزير الشؤون العاطفية
13-08-2022 - 06:13 am
السلام عليكم ورحمة الله
مساءكم خير وبركة وكل عام وأنتم إلى الله أقرب
بادخل في صلب الموضوع
لدي بكج للسكن مجانا في D VILLA في كوالالمبور ولكني سأصل قبل موعد check in بيومين
سؤالي وين افضل واحلى مكان اقضي فيه هاليومين قبل انتقالي لفندق D VILLA
وسلامة قلوبكم يالغالين
كل عام وانت بخير إن شاء الله
أفضل شي سيلانقور منتجع الصن واي لاقون إذا تبي الألعاب المائيه
ومنطقه حلوه وفيها سوق البيراميد منطقه حركيه ونشيطه
او في منطقة البورت ديكسون لو تبي الهدؤ والبساطه مافيه الشي الكثير
أجمل مافيها السكن بمنتجع قراند ليكزس وتر هومز انترناشيونال سابقا
كل غرفه ببركة سباحه خاصه بأسعار معقوله جدا
وفيه بعد مرتفعات جنتنق منطقه مرتفعه بارده جوها جميل جدا جدا بس
مافيه إلا الجو الحلو والألعاب وممكن السكن بفندق فيرست ورلد غرفه كلوب
وكل المناطق اللي قلت لك قريبن من كوالالمبور سيلانقور نص ساعه
بورت ديكسون ساعه ونص وجينتنق تقريبا ساعه
تبي الحركه والألعاب المائيه سيلانقور تبي البراد والألعاب جينتنق تبي الهدؤ وبركة سباحه خاصه بورت ديكسون
وطبعا فيه خيارات أخري مثل الكاميرون و مثل تيومان و بانكور بس انا حددت الأقرب والأنسب