نشر في تركيا

باقي ثلاث ايام على رحلتي وعندي استفسار مهم

ابوفيصل 1400

25-03-2022 - 01:03 pm

مساء الخير لاعضاء المنتدى الموقرين
عندي استفسار عن المواصلات في تركيا
هل استخدام تكسي عشوائي او سائق خاص مع توضيح الطريقة المريحة للتنقل بين الاماكن السياحية
مع توضيح اسعار تكلفة التنقل اذا كان هناك طرق اخرى
علماً اني لن استخدم الميترو والترام وقد طرحة اكثر عضو في مشاركة سابقة لي لانه مزدحم ولاارغبه
ودمتم بخير ومحبة

التعليقات (7)

الهجرة

25-03-2022 - 03:15 pm

خذ لك سيارة ايجار بالسواق اليوم لايقل عن 150دولار

اوزنجول التركية

25-03-2022 - 04:16 pm

نصيحه ابتعد عن التكاسي واتفق مع سيارة بسائقها اريحلك

طابعة خربانة

25-03-2022 - 05:17 pm

اخوي كان ماتبي المترو خلك على التكاسي انا اشوفها ارخص من السيارة الخاصة بسواقها اقل شي 150 الى 180 دولار باليوم
بالمقابل انتم كم مشوار بتروحون باليوم نقول الصباح بتطلعون و الظهر تاخذون تكسي للمطعم غدا بوبعدها تاخذون تكسي ترجعون ...ومثلها اخر العصر مشوار ثاني ومطعم ورجعه للفندق بالليل المشاوير مابين 15 ليره وان كنت جيد بالمكاسر بتقدر تركب ب10 ليرات يعني بالكثير 80 ليره التكاسي باليوم بالمقابل 150 دولار السيارة ... الخاصة ...
احسبها وشف ...
طبعا اذا شافوك خليجي على طول بيرفعون السعر بيقول عداد قل مابي عداد قلهم مابي عداد وطلع 10 ليرات اللي يعيي اتركة بتلقى احد بيركبك ويوافق حنا كنا كذا
ان كنت ساكن بتقسيم مشوار قصر دولمه بجه مايستاهل ولا 10 ليرات اقل انك بتركب على طول بتوصل ...
وسلطان احمد 10 ليرات بالكثير وجواهر مول ...
ان شاء الله اني افدتك حنا تونا راجعين من تركيا وكنا معتمدين على التكاسي والله ...ضحكو علينا اول يومين بعدها عرفنا لهم ...
مايمنع تاخذ السياره الخاصة للمشاوير البعيده يوم مثلا رحله للقسم الأسيوي ...واللي يريحك ..

الطيار2323

25-03-2022 - 06:18 pm

دام انت مع عائلة كلام الهجرة صح احجز سائق مع سيارة ليوم كامل

red strawberry

25-03-2022 - 07:19 pm

انا في تركيا حاليا ,,, نصيحه اذا تبي تستمتع لا تركب تكسي ابدا
اولا
حراميه بكل ما تعنيه الكلمه يعني واحد يوديك المكان ب50 و وغيره ب20
ثانيا
تعطيه ال50 ياخذها بسرعه و يعطيك خمسه يعني يوهمك انك عطيته 5 و هني زوجي بغى يرتكب فيه جريمه لاني شفته بعيوني يغير
ثالثا
نزرين يعني وايد جافيين و كلهم كنهم بيتهاوشون معاك وانت جاي على نياتك
رابعا
اغلب التكاسي ما يعرفون انجليزي يعني بتروح ملح ههه
خامسا
الجو حر موت و اغلب التكاسي سيارات صغيره غير مكيفه
سادسا
اذا ملزم تروح في تكسي لازم تساله قبل ما تركب و تتفق على المبلغ و اسال الشرطي او اي احد جنبك عن الاسعار عشان ما تنخدع
و فالنهايه الله يعينك ههه لاني في تركيا وبكره رايحه انشالله الى كان و كنت احسب الايام لانها ما عجبتني بالمره ,, اكره الاستغلال

أبو تركي

25-03-2022 - 08:20 pm

عزيزي ابو فيصل
بعد اذن جميع الاعضاء الموقرين .
اسعار السياره الخاصه مع السائق عند السائق ابو حسين كالتالي :

اذا كان السائق يأتي من الساعه 9 ص وحتى الساعه 6 م تكون التسعيره 100 دولار .
اذا كان السائق يأتي من الساعه 9 ص وحتى الساعه 9 م تكون التسعيره 130 دولار .

رابط ارقام السائقين وموجود فيه رقم ابو حسين :
https://artravelers.com/p/re/389753
اتمنى لكم رحلة موفقه

mosstashar

25-03-2022 - 09:21 pm

إبتعد عن الاستغلال و حاول تعتمد على المترو و الترام و العبارات في معظم مشاويرك
راح تستمع و تختلط بالشعب التركي و ترتاح من زحمة الشوارع و أستغلال سائقي التاكسي

تركيا المسافرون العرب

باقي ثلاث ايام على رحلتي وعندي استفسار مهم