1. السلام عليكم :

السلام عليكم :

إخواني أعضاء المنتدى الحبيب .. أنا توي راد من ماليزيا وكنت فيها لمدة 6 أيام بس لغرض التسوق بس يعني كل معلوماتي تنحصر عن كوالالمبور بس ... ف أي أحد يحب يستفسر عن أي شي عن كوالالمبور أنا راح أكون بالخدمة ..
وأنا عندي نقطة حاب إني أناقشكم فيها .. ماشاءالله إخوانا السعوديين كثيرين في ماليزيا بس أنا لاحظت شي كل ما أقعد في أي كافيه سواء كان ستاربكس أو غيره اشوف الشباب قاعدين ومشغليم الاب توب ورايحيين شات (( طبعا هذه خصوصية وأنا أحترمها )) بس أنا إلي أستغربه ليش النت ونت مسافر ليش ما تطلع تروح وتستانس وتتمشى و و و يا أخي إنت في إجازة المفروض بالإجازة يصير تغيير للروتين .. وصراحه أنا كلمت هناك جم واحد واقولهم ليش جذي تصدقون يكون ردهم غير مقنع .. ف إنتوا شرايكم إنتقادي لهم في محله ولا هذه خصوصية انا تعديتها ؟
وكمعلومات عامه أو لمحة عامة عن ماليزيا .. الجو كان معتدل مابين ال 29 و 32 .. الأسواق ولا أروع منها وخصوصا هناك فيه مجمع كبير كبير كبير بمعنى الكلمه إسمه بافليون بانييه بنك التمويل الكويتي وصراحه ووايد روعه وممتع ...
وأنا قعدت في برجايا تايمز سكوير والصراحة أنا إنصدمت منه لأنه كمستو غرف تدنى واايد يعني أعطيه ك نظافة غرف 6 من 10 بس الصراحه خدمتهم حلوة . بس صج صج إنصدمت منه لأني لما آخر مره سكنت فيه سنة 2004 كان عجيب ..