- الفوكيت طبعا معروف قهوته حلوه عندهم كلوب ساندوتش ام لذيذ مميز جدا
اهلين
انا من متابعين هذا المنتدى الرائع اللي لا يمكن اسافر مكان الا مشيكه على مواضيعه
لكن هالمره حبيت اشاركم في سفرتي
اول شي آسفة ماعندي صور عارفه ان الصور جدا مهمه بس انا ماني راعية تصوير ان شاء الله المرة الجاية بصورلكم
بعطيكم ارائي عن الاماكن والمطاعم الحلوه
حنا سفرتنا كانت من 26 ابريل الى 3 مايو في فندق hotel warwick champs elysees
وهذا موقعه http://www.warwickhotels.com/
هو فندق 4 نجوم موقعه وسط وسط وسط الشانز الليلة ب 1100 ريال
تقييمي للفندق
موقع روعه صراحه مكانه مرره خطير وسط الشانز قبال تيوتا والفوكيت
معاملة +الخدمة جدا رائعة
الغرفه حليوه
الطقس اول ماجينا كان شوي برد بعدين صار روعه وفي يوم سفرتنا صار جمده
المطاعم اللي رحنا لها
اول يوم رحناالمطعم الايراني اللي في الشانز الدور الثاني جنب محل نايك صراحه عادي ما يستاهل الروحه
المطعم الصيني اللي في وحده من لفات الشانز نفس الشارع اللي فيه الفورسيزونز مره حلو و راقي
مطعم نورا العربي انا رايي انه مطعم عربي حلو لكن مو مميز و معاملة القرسونات ما اعجبتني مادري ليش ينفخون
مطعم بيتزا بينو روعه السلطات والبيتزا والباستا جدا مميز
مطعم بيتزا روما انا رايي تروح بيتزا بينو احسن لانه نفس المينيو لكن بينو احلى
الفوكيت طبعا معروف قهوته حلوه عندهم كلوب ساندوتش ام لذيذ مميز جدا
لادوريه .... لادوريه وما ادراك ما لادوريه ... انا هذا ودي اخذه معي في الطياره ياهو خطير هذا مطعم على قهوه على حلويات روعة روعة عندهم هوت شوكليت فظيع ماعمري ذقت زيه كانها شوكلا مسيحه وانصح اللي بيروح ياخذ عندهم مينو يعطيك مقبلات +مين كورس +حلى بسعر واحد وقرسوناتهم مره محترمين حنا صادقنا واحد جزائري حبييب بس مسكين تعبناه معنا نقعد نطلب نص ساعه ههه نخليه يشرحلنا كل طبق
جورج في حنا نتكي عنده ناخذ شاهي حلو حقه
unesex انتبهو لا تطلبون قهوه عنده في اخر الليل يدبل السعر 3 مرات
ولي رجعه
ناطرين باقى التقرير