اخوي بالنسبة للاختيار بين جنيف و انترلاكن ، اذا المدة طويلة في سويسرا قسمها بين جنيف و انترلاكن ، جنيف حدها ليلتين و الباقي لانترلاكن ( انترلاكن احلى بكثير حسب راي اغلب الاعضاء ) و بشهادة المتحيز لانترلاكن الاخ ابو فواز ،،
الفنادق في باريس عندك في هذه الحدود فنادق ال 3 نجوم ،، اذا تبغى الشانز عندك بارك اليزيه ، و اذا تبغى اللاديفانس عندك نوفوتيل في حدود 140 الى 160 بالافطار ،، و عندك فنادق ثانية بس هذه الي اعرف ناس مجربينها .. فيه ibis و mercure ..
بالنسبه للفيزا اذا مطلعها من سفارة و بلد الوصول غير ،، التعامل مع هذه الحالة يكون حسب نظام البلد ،، مثلا السفارة الفرنسية اذا طلعت الفيزا من عندهم عندك خيارين : اما ان تكون بلد الوصول فرنسا ،، او ان تكون اطول اقامة لك في السفر في فرنسا ،، يعني اذا السفرة 10 ايام ، اكثر من نصف عدد الايام يكون للاقامة في فرنسا ..
بالنسبة لحجز القطار انا سالت قبلك و اغلب الاعضاء قالولي اخذها من هناك ،، لان السعر ما يفرق كثير ،، و جربت اشتريها من النت بس مافي خدمة التذكرة الالكترونية و لازم يرسلوها بالبريد و حوسة ،،
الميترو اسهل مما تتصور ،، و فيه كرروت مخفضة ..
نصيحة اطلع على موضوع الاخ ابو مالك ، و الاخ ابو فواز ،، بتستفيد كثير منهم ...

يعطيك العافيه اخوي sereemjio يعني افهم من كلامك انه الفيزا الي طلعتها ماراح تدخلني فرنسا انه مرا راح اروح ايطاليا وانا طلعتها على اسا انه ادخل فيه الدول الاعضاء كلها

السلام عليكم
يامرحبا ومسهلا
اولا شكرا للاخت العزيزة سيريمجيو على ماتفضلت بة
وفعلا أنا من المتحيزون وبشدة لانترلاكن ياجماعة هالمدينة قطعة من جنة اللة في أرضة من أروع المدن اللي شاملة كل أنواع السياحة وأتحدى أي شخص يروح لها الا ويحب يكرر زيارتها ثاني وثالث ومليون
وجنيف مافيها شي يسوى الا كرنفالها ولا غيرة ابد ماكو شي حدها ليلة بالكثير ليلتين
والمدينة الثانية مدينة الرومانسية وتجديد الحب هي أسطورة المدن منترو فالمدينتين انترلاكن ومنترو هي من أروع المدن التي أحرص على زيارتها كلما تسنى لي ذلك
فليس فية افضل من برنامجك باريس وانترلاكن مايحتاج تروحون جنيف ومن انترلاكن تقدرون تطلعون بالقطار الصبح لمنترو وتردون بالليل فضروري جدا تمرون منترو

مشكور ابو فواز على تفاعلك وكم تبعد منترو ووش فيها مايميز
بعدين ابي تعليقك على موضوع الشنقن وابي الطريق الا انترلاكن من باريس روحه ورجعه بالقطار كم يكلف لشخصين

العفو وهذا واجبي تجاهكم
منترو هي مطلة على بحيرة جنيف ولكن من الضفة الاخرى تقريبا تبعد عن جنيف 90 كيلو ويميزها جمال المدينة وسوقها ونمط شوارعها وهي مدينة جبلية مرتفعة ومنحدرة الى البحيرة الرائعة
ما اعتقد تجد مشكلة فالدخول الى فرنسا مادمت تمتلك فيزا شينغين ولكن اتمنى التاكد من السفارة الفرنسية في بلدكم
وهناك قطارات من باريس الى انترلاكن حقيقة لا اعرف سعر التذكرة لكن لن تزيد فالدرجة الاولى عن 150 يورو للشخص الواحد وللامانة ذهابي الى انترلاكن من باريس عادة تكون بالسيارة واقطعها بحدود 6 ساعات برا وعن طريق السيارة

السياره ارخص لك في التنقل من القطارات..انا كنت مخطط اروح بالقطار بس يوم شفت الاسعار وقارنتها باسعار السيارة هونت..
خذ لك سياره مع نفقيشن احسن لك

مشكور ابو فواز على جهدك ومن جد استفدت منك لكن فيه اسئله باقيه من الموضوع ودي تجاوب عليها اخوي ابو فوراز او احد الاعضاء الكرام
اخوي cross-legged تتوقع القياده مريحه هناك لانه المواقف بفلوس يعني لو حسبتها تقريبا نفس الشي وانا ودي امشي احسن من السياره والف شكر لك

شوف انت خذ السياره من باريس لانترلاكن..واذا رجعت باريس سلم السيارة..لا تستخدمها في باريس لانك ماراح تستفيد منها كثير..
اللي عرفته من بحثي ان بعض الفنادق تعطيك موقف مجانا ..وبعضها تعطيك بمبلغ رخيص مقارنة بسعر القطار..
انا طالع في 2 اكتوبر انشالله لباريس..وباخذ سيارة من مطار باريس ل انترلاكن..ارخص لي بكثيير من القطار..

يعطيك العافيه اخوي cross-legged ابي ابحث بموضوع السواقه مع اني متخوف شوي
همتكم ياشباب تجاوبوني تراني ما استغني عنكم