ومنا للاعضاء
باريس ليست الشانز وفرنسا ليست باريس فقط

لا ادري ماذا اقول ؟
ياتينا واحد في بيتنا ويقول بيتكم ما هو زين !!
الجمال في عيون الناظرين
وفي نظري المانيا بلدة قشراء واذا احد قال لي ما تعرفها زين قلت له نفس الشيء انت ما تعرف فرنسا زين !!

باختصار شديد جدا
اي واحد يقيم في اي عاصمة عالميه مثل : باريس - جنيف - لندن - روما . . . الخ
ولا يستغل سفرته في التنزه والترحال واكتشاف اماكن تصلح للأستجمام وتغيير الجو من الحر الشديد الى البرد
والعكس صحيح
اذا ما استفاد من سفرته , فأعرف انه رايح للأستعراض فقط . . .

شكراً للمرور ونفس الكلام القديم نبي وش تطور في باريس هاه الى الان يلغبون علينا بس في الشانز او تحول الموضوع الى كل مكان وعرفونا فرنسا لو رجعت للموضوع القديم قلنا عنها انها جميلة بس الدعاية الي معموله لباريس ماتسوا بالنسبة لي هاك الايام ام الحين مادري وابي استفيد منكم ياخوفي انهم صارو يحجزون الماكدونلد بعد او الرصيف من بلدية باريس

يا اخوي كل مكان له برستيج معين !
اي شخص ما تفرق معه الاف او المية الف يورو !
اكيد بفلوسه بيحجز اول طاوله ومطله على الشارع او النافذه ! حتى لو كان في مخبز تميس !!!
الناس هذي رايحه استعراض , وزي ما قلت لك فلوسهم زي( الرز ) . . .
والشئ هذا ليس فقط في باريس , تشوفهم في جميع العواصم

ما ادري وش قصدك بتغيرت باريس
الاماكن التاريخيه لا تتغير يا عزيزي بحول الله
اما التكشخ وغيره وضح لك الاخوان
انت تبي تناقش ولا تبي تتمسك برأيك ولا ودك تغيره
عطني دوله تغيرت اماكنها التاريخيه
انت ليش حاشر باريس بالشانز تروح وترجع علي ان باريس الشانز
ولا كرهه العالم والخلق بفرنسا الا اللي شايف 2 كم( الشانز ) انها باريس ويحكم عليها
انت رحت باريس قولنا وين رحت بكل أمانه وصدق ونقولك وش صار جديد

اخوي باريس ارفق علي شوي هي اراء انا مريت الشانز مرة وحدة وتوبة زرت اماكن ثانية لوفر سين ايفل بس البلد مهيب وسيعت صدر هذا رأيي سبحان الله في مكان من تدخله ينشرح صدرك ومكن من تدخله ودك تمشي هذا الي اقصده وماقصدت اغصب احد انه يغير رأيه لكن المنتدى مفتوح لطرح وجهات النظر لذلك ودي اعرف من خبراء باريس وش سبب ضيقت هالضدر وهل انا لوحدي او فيه غيري يكرهها ويمكني غلطان اخوي فيصل هل انت فصولي الي في الموضوع القديم يعزيزي الي معه دراهم الله يرزقه وان بغى يحجز طاولة يحجز شايفنا طاقينهم انا انتقدهم ولي الحق زي ما انت تنتقدني ولك حق بس يريت تهدي شوي ولاتزعل لان اذا باريس معجبتك رح محد ماسكك بس انا اشوف انها ديرة ضيقة صدر وغم ومافيها الى الترزز حتى الفرنسيين يحبون الترزز
فرنسا روعة وماقلت انها باريس تبي تعرف انها جنة تفرج على فرانس دي تور او طواف فرنسا على قناة دبي الرياضية في الصيف صدقني بتستعجب من المناظر باريس شاخت ولم تجدد شبابها بالنسبة لي , هناك مدن اكبر منها سن وجددت شبابها
تعرف اعتقد ان العالم تسمع بباريس ومع الخيل ياشقرا راحو ومدحوها بس حسب ماسمعوا وليس ماشاهدو
قد تكون من عشاق باريس من حقك لكن ليس كل الناس عشاق لها

حبيب قلبي ما زعلت ولا شيء
وانا مش فصولي اللي تقصد
باريس ما اعجبتني يكون بعلمك ولا أخذت جزء من محبتي الي لندن او اغادير او بالي او مدريد
وثق ثقه تامه اني ما زرت الشانز الا مرتين خلال سفراتي فقط ولا أحبه بس الشيء بالشيء يذكر يا عزيزي
باريس حلوه وناس كثير انبسطوا فيها ورأيي ورأيك ما نفرضه علي الكل بس باريس بلد تاريخي فيه اثار ومتاحف ومقاهي للمثقفين بجانبها مكاتب يمكن انت ما تستهويك هالاشياء بس تبقى باريس حلوه
مع الخيل يا شقراء ذا كان زمان الحين الناس اللي تسافر عن طريق المنتديات أتصور الكل يعرف ليش سافر واختار البلد

اولا" اخوي رحلة حلوة يسعد الله كل اوقاتك بكل خير ولايهون الاخوان
انا بصراحة شفت النقاش وحبيت اشارك مع العلم ان عندى مثل معروف للجميع وهو
(الكلام في الماضى نقصان بالعقل)
ومحشومين جميعا" مو القصد
بس بعقب على كلامك وكلام الاخوان
اول شي من معرفك الشخصي والله ماصارت رحلة حلوة ههه
صارت نحاسة عليك باريس
انا معك وضدك في نفس الوقت ..تقول لي كيف اشرح لك
اذا انت كرهت باريس بيرجع السبب لعدة عوامل
اولها نفسيتك لحظة وصولك لها واول موقف يواجهك هذا من اهم الاسباب
ثانيا" يمكن وقت روحتك بشهر 7 او8 وهذا شهر اجازات بكل العالم تقريبا" وهو صيف يعني
اثريا ومشاهير وفنانيين العالم يتجهون للمدن الاوربية ومو بس باريس علشان كذا
هذا شي طبيعي ..تشوف كل شي محجوز وهذا من ابسط حقوق من يملك المال والله اغناة
اجل تبي واحد زي الوليد او شارلز يجلسون ببيزا بينو ويخلون الفوكيت مثلا" ويجلسون بطاولة على الرصيف
فكر بعقل شوي
باريس ولندن وروما ومدريد وميونخ وجنيف مدن تعتمد بسياحتها الرئيسية على كبار المشاهير وامراء وشيوخ كل العالم
وفايدتهم الاكبر من هالناس وطبيعي يكون وضعهم بالتوب
وقد ماتدفع قد مايهتم فيك الجميع ..ويهمش من يكون اقل درجة وهاكذا
عالعموم باريس روعة وكل العالم تروح لها للسياحة والقليل يروح لها للترزز وبوقت الصيف انا معك
وهذى الطبقة من المراهقين وهم من يسبب المضايقة للسياح وبكل صراحة
بس كل مافي باريس رائع من مناطق اثار او شوارع او قصور او حتى تعامل
وماراح تتغير باريس واذا بتقول فية مدن تغيرت بالعالم انا اقولك غير صحيح كل المدن اللى ذكرتها لك زي ماهي
وباريس من افضلها مع احترامي لك يجي بعدها لندن ورما
كلامك هذا عن كرهك لباريس يخصك وحدك ولعل السبب انت تعرفة لو رجعت شريط رحلتك حتلاقي السبب بكرهك لباريس
عوامل داخلك اثرت بنفسيتك بتلك الرحلة ممكن اهمها كرهك لمن هم من الطبقة المخملية
وان شاء الله تروح لباريس وصدقنى المرة هذى بتغير رايك
بالتوفيق لك حبيب قلبي