السلام عليكم ورحمة الله وبركاته
صبحكم / مساكم الله بالخير جميعا
في البداية أحب اشكر جميع الاعضاء والقائمين على هذا المنتدى المتميز و جزاكم الله كل الخير
عندي كم نقطة واستفسار .. و ابي منكم الخدمة الله لايهينكم
و الله يصبركم علي و على اسئلتي الكثيرة :biggrin:ترى من اسبوع وانا اخطط واسجل ملاحظاتي في ورقة وصارت وش كثرها عاد اليوم جزمت انزل الموضوع واسألكم
متأمل فيكم الخير و ان شاءالله ماراح تخيبون ظني
راح نسافر ان شاءالله يوم 2 / 7 / 2007 إلى باريس ولمدة أسبوع
رحلة شبابية مكونة من 3 أشخاص و ودي نزور معظم الأماكن السياحية هناك " بما اننا اول مره نروح لها "
لكن مدري شرايكم هل يكفي باريس أسبوع لزيارة اغلب الاماكن السياحية ؟
اول نقطة .. ابي اسألكم اذا تعرفون فنادق حلوة تكون في مناطق زينه يعني مو شرط تكون على الشانز بس ماتكون بعيدة عنه :biggrin: يعني مشي عشر دقايق مو مشكله
برضو مو شرط تكون فخمه .. عادي لو ثلاث نجوم .. بس اهم شي تكون نظيفة و آمنة واسعارها معقولة في حدود ال 800 ريال الليلة :rolleyes: وتكون متوفرة من 2 / 7 إلى 8 / 7
و هل موقع booking مضمون و يرجع الفلوس في حال كنسلنا الحجز ؟ او على حسب الفندق ؟!
ياليت اللي مجرب او عنده خلفية يبلغني
النقطة الثانية .. بالنسبة للأماكن السياحية .. قريت موضوع : ©~®§][§®~©
https://artravelers.com/p/re/170642 اعجبني بصراحه توزيعه .. ماقصرت الاخت باريس فور ايفر ويعطيها العافيه
لكن في اشياء ابغى اضيفها .. مثلا بعض الاشياء المذكورة في هالجدول ومو مذكورة هناك
" الله يوفق اللي مسويه يارب "
ياليت لو توزعونه لي على مدى اسبوع .. يعني كل يوم و وش الاماكن اللي تناسبه
