انا بجاوبج على اللي اعرفه...عن الشركات اللي تسوي عروض رحنا لكذا مكان معاهم بس مادري عن الاسعار لان زوجي الي يدفع بس اشوف لو تروح بروحك احسن خصوصا انكم شباب ماتحبون تتقيدون وذولي يقيدون وقتكم شوي غير انهم ممكن يلفون على اكثر من فندق يعني يبيلك ساعه لين توصل مشوارك الاساسي فروح بالمترو احسن
واللوفر اكيد النهار احسن من الليل وعموما الساعه في باريس مو ليل تكون الدنيا بعدها منوره...والمتحف كبير يبيله وقت
وعن تمشي الليل عندك الحي اللاتيني حلو وبرج ايفل مع التمي في نهر السين...او لاديفانس هناك المكان وايد حلو وبس هذا اللي اعرفه لان احنا نصحى بدري وننام بدري مو مال سهر
وعن الاماكن الثانيه اللي ممكن تزورها روحو قصر فرساي بعد حلو وفي منطقه نسيت اسمها اللي كلها رسامين وهي مرتفعه هالمنطقه وايد وايد حلوه

جزاك الله كل الخير أم ياسمينا
اشكرك على تجاوبك و ردك ماقصرتي والله
وياليت كل الاعضاء يفيدونا باللي يعرفونه
بانتظاركم ،،

1. هل في احد قد جرب الرحلات هذي .. وكيف كانت عروضهم واسعارهم وخدماتهم ؟

- حبيت اسأل عن تذكرة المترو .. بما اني راح اجلس في باريس اسبوع
سمعت عن تذكرة اسبوعية .. مدري هل هي ارخص وافضل من التذاكر اليومية والا لا ؟
وكيف طريقتها .. يعني لما اشتريها اقدر اتنقل بالمترو لأي مكان في باريس مجانا والا لا ؟
شوف يا غالي هذه البطاقة هي باريس فيزتي ممكن تاخذها لخمس أيام وممكن لأسبوع مثلاً وسعرها أسبوع ممكن 35 يورو وممكن تتنقل في الباصات والمترو والرير ( قطار للأماكن البعيدة مثل ديزني وقصر فرساي ) مجاناً لكن لازم تحدد البطاقة تشمل أي دائرة يعني واحد و إثنين فقط ولا من واحد إلى ثمانية وكدة .

• سمعت عن كرت باريس فيزيت .. بس مو عارف وش قصته بالضبط

هل يسوي تخفيض للاماكن السياحية والباص والا الاسعار تكون مجانا ؟
ياليت اللي يعرفه او سبق واستخدمه يشرح لي بالتفصيل الله لايهينه
باريس فيزتي للتنقل فقط لعى ما أعرف يعني مالها تخفيض للأماكن السياحية فقط التنقل

• بالنسبه للبرامج السياحية اللي اشوفها هنا او في مواقع السفر والسياحة .. كلها تكون في النهار

طيب في الليل وش الاماكن اللي ممكن ازورها .. يعني غير التمشي في الشانز او المقاهي والمطاعم
ابي اعرف اذا فيه عروض او اشياء حلوة اقدر اشوفها بالليل ياليت تفيدوني عنها
ما أعتقد إنه فيه عروض في المساء أنا عن نفسي الليل في الشانز أدور في المحلات .

• متحف اللوفر .. بما انه يفتح الى الساعة 9 بالليل .. خليت زيارته بالليل حتى اقدر ازور مكان ثاني بالنهار

لكن سؤالي هل المتحف بجميع أقسامه يكون فاتح بالليل يعني اهم شي القسم الاسلامي والموناليزا
للأسف ما عندي فكرة هل كل الأماكن في اللوفر تفتح في الليل أو لأ .

• الحين فيه مكاتب يسوون رحلات يومية .. مثلا يقولك زيارة برج ايفل مع رحلة في نهر السين

هل في احد قد جرب الرحلات هذي .. وكيف كانت عروضهم واسعارهم وخدماتهم ؟

أخي العزيز أنصحك تترك القروبات إنتو سباب روحوا لحالكم وعلى فكرة برج آيفل لاصق في نهر السين يعني إنتوا تروحوا إلى سباك التذاكر وتحاسبوا وتدخلوا في برج آيفل وجنب البرج تلاقي النهر في قوارب كبيرة تطلعوه تكون كلها كراسي دورين فوق وتحت تدفع لهم وتدخل فقط يعني مالها داعي تدفع لشركة سياحية ودام إنه معاك بطاقة باريس فيزيتي خلاص روح بالمترو لأي مكان في باريس وعلى فكرة الأخوان نصحوا تاخذ الباريس فيزتي للدوائر واحد و إثنين فقط لأن أغلب الأماكن السياحية فيها .

• في الديزني لاند .. بما انها زحمه وتاخذ وقت كثير .. ابي اعرف احلى الالعاب الموجوده في البارك واللي تصلح للكبار

لاننا بنروح لها يوم واحد .. وفي البداية بنخش الاستوديو .. واخاف مايكون عندنا وقت في البارك :frown:
والله حتى انا ودي أعرف وش أفضل الألعاب فيها زيك بالضبط

• سؤالي الاخير عن تفتيش المطار .. انا باوصل مطار شاري ديغول ان شاءالله

وراح يكون معي لاب توب .. هل يفتشون عن البرامج المنسوخة زي امريكا والا لا ؟
ما أدري الحقيقة ومنتظر جواب معاك وتروح وترجع بالسلامة عزيزي .

يعطيك الف عافيه اخوي شكري ع الاجوبة
ماقصرت والله افدتني من ناحية الباريس فيزتي
حلو يعني هي تخليني اتنقل بالمترو مجانا داخل المناطق اللي اختارها
ياجماعة سفرتي قربت .. وابي اعرف ع الاقل تفتيش اللاب توب
معقول مافي احد قد سافر باريس واخذ معه جهازه ! علمونا الله لايهينكم

عزيزي خذ اللاب توب وانت مطمن ولا تفتيش ولايحزنون انا اخذته معي اكثر من مرة وترى الفرنسيون مهذبون جدا ولا راح يسالون عنه بس وانت خارج من باريس سيكون مطلوب منك ان تخرجه من شنطته وتحطة بالسلة عند التفتيش بيمر من الجهاز وهذا للبحث عن مواد متفجرة وليس برامج منسوخة
توكل على الله