السلام عليكم
شخباركم ياشباب وبنات
طبعا انا صار لي اتابع المنتدى من 2005م
وكان لي اكاوندات وشاركت بس ضاعوا المهم
ندخل بالموضوع
انا ان شاء الله ناوي اسافر باريس شهر ( أبريل )
كل سفراتي كانت شبابيه هالمره بسافر مع المدام
المشكلة مسوي فيها شنب
واني ادل كل مكان في باريس ههه
وبصراحة كنت اركب المترو وسوالف مع شباب
هالمره انا بمسك زمام الامور المهم
أنا حجزت في فندق
( فريزر سويس لادفانس )
فأتوقع اقرب محطة لي اذا مب غلطان
Esplanade de La
Defense
فحاب تساعدوني شلون اوصل لكل الاماكن الي بذكرها، من المحطة الي عند الفندق
لان خطوط المترو بالخريطة تضيع
نبداء ببرج أيفيل (طبعا مراح نركبه لان المدام تخاف من الاماكن العالية)
اذا في احد ينصحن بمكان حلو حولين برج ايفيل
متحف اللوفر
متحف الشمع
(ولامرة زرته ماعرف اذا يستاهل)
ميدان الكونكورد
ميدان الأوبرا
هضبة مونتمارتر
كاتدرائية نوتردام
قرية بيرسي ( Bercy Village )
بصراحة مازرتها من قبل مادري بتكون اوكي في شهر ابريل وماعرف اذا تصلح
للمتزوجين
غاليري لافييت
وسمعت فيه غاليري لافييت 2 جنب برج او شيء جذي
في شارع سوق التجاري ( Soleil - Creteil)
مول الفصول الأربعة
شارع الماركات
Avenue De Montaigne
الاوتليت
قصر فرساي
دزني لاند
امم في بعد غابة بولينيا بس محتار لان اخوي يقولي كلها جرايم لاتروح مع زوجتك
والمدام حابة تشوف الطبيعه وشجر
اتمنى تساعدوني ووتفاعلون معاي وانتظر ردودكم
والي عنده اقترحات ياليت يتحفنا بقترحاته
مع العلم بأني مراح نحط جدول نلتزم فيه بنكون على راحتنا وبنزور الاماكن الي ذكرتها
مدة اقامتنا 9 ايام ، وصولنا بيكون يوم الجمعة اساعة 2 الظهر
، تتوقعون بيكون زحمة تكاسي واحجز تكسي من النت ولا مالة داعي شرايكم؟
وبعدن وانا اقر في بوكنق اراء الناس عن فندق فريزر قلت يمكن في تغير عن اخر مره زرته ، لقيت واحد ذاكر في سوبر ماركت عربي قريب من الفندق ياليت الي يعرفه يدليني
،
وسمعت ان فيه متحف للساحرات ومتحف للشرطة ماسمعت عنهم شيء بالمنتدى
واخيرا وليس اخران ، وزوجتي اول مره تروح باريس فحاب تكون ذكرى حلوة واول انطباع لها عن اروبا شنو اقترحاتكم عشان تكون سفره سعيدة
اذا على المترو مستحيل تقدر تحفظها كلها ولا تقعد تمشي بالاوراق
خذ هالبرنامج بيساعدك كثير
تحط اسم المحطه + المحطه اللي تبي توصل لها
بيطلع لك وين تبدل وكيف تروح
https://itunes.apple.com/sa/app/paris-metro-map-route-planner/id527534137?mt=8
وباريس عموما حلوه ونادرا تلقى احد يروح وما يكون مبسوط
لو تتمشى بس بشواارعها شيء جميل
ووقتكم بعد بيكون الجو حلو
والاماكن اللي تبي تروحها بعد جميله وممتعه
واذا ع الطبيعه ليه ما تروح لقريه من الريف الفرنسي ليوم ولا يومين وترجع لباريس ؟
ومول الفصول الاربعه بالاديفانس
قصر فرساي من محطة القريبه منك تاخذ القطار snfc ودايركت ع فرساي
بيوقف بكذا محطه بس انت ما تنزل الا باخر محطه
دزني لاند من الرير الاحمر A
والغاليري لافيت كلها جنب بعض اتوقع
بينهم جسر تلقاه ب الدور الثالث اذا ما خانتني الذاكره