صباح الخير للقريب ومساء الخير للي هناك ( البعيد )
احس عنوان الموضوع قوي شوي :112:
ولكن تعوذوا من الشيطان واذا قريتوا الموضوع راح تعذروني على كتابة العنوان
اخواني واخواتي عشاق باريس
انا مثلكم اعشق هذه المدينة وزيارتي لها بأستمرار في آخر شهر جولاي أو بداية شهر اغسطس
وكنت اسمع من اصدقائي ان باريس بعد نصف اغسطس سيئة للغاية وما كنت اصدق الكلام اللي اسمعه الين ما تفاجأت هذا الصيف وكانت صدمة كبيرة لي ..
قبل تاريخ 15 اوقست كانت ايام حلوه الطاولات على قفى من يشيل اجلس في اي مكان حتى مقهى مادريغال كنت اجيه في اي وقت واجلس فيه بدون لا احتاج للوقوف ولكن في تاريخ 16 جيت مبسوط اقول للشباب الوعد مادريغال وانا امشي والابتسامه تشق وجهي ويوم جيت بجلس الا جاني مديرهم الطويل الغبي اللي ينطبق عليه هذا المثل ( الطول طول نخله والعقل عقل صخله ) وقال الطاولات كلها محجوزه قلت انا اشوف اكثر من النص فاضيه ولا فيها احد وأبتسم بأبتسامة ما ادري من وين جايبها وقال محجوزه ل ...... الله يعز جميع حكومات دول الخليج خيرهم سابق علينا وحتى حنا في الخارج
قلت له انا دايم اجي هنا بأستمرار واتفاجأ منك تقولي محجوزه وناظرت فيه بنظرة استحقار وقلت له هذا مقهى مو ديسكو ومشيت الا وجاني واحد اقرع من موظفين المقهى شحليله دايم يخدمني وقال عط المدير 50 يورو وراح يخليك تجلس قلت لو يطلب يورو واحد ما ر اح اعطيه اذا ادارة المقهى استغلاليين هذه المشكله وبعدها مشيت وما صرت اجيهم سواءاً بالعصر او بالليل رحت لمقهى الماريوت ونفس الحكايه ادفع تعيش ما تدفع تخيس
وعلى هذا المنوال جميع مقاهي باريس المشهوره ما عدا هاجن داز بس مشكلته بتتكسر رجيلاتك وانت واقف تنتظر طاوله ومن بعد اللي شفته قلت وش ابي بالمقاهي اللي ع الشانز ووجع الراس خلني اشغل سيارتي وابعد عن الشانز وعن نظام شوفني واشوفك واريح بالي وصرت اروح العصر سان جيرمان وبالليل اشوف اي مقهى بعيد واريح بالي من خفافيش الليل اللي متسدحه على مقاهي الشانز الكلام هذا موجه لفئه معينه فقط اللي نظامها
واول ما وصلت السعودية قابلت اصحابي اللي دايم يقولون باريس حلوه بس قبل شهر اغسطس وقلت هذي بوسه على رووسكم والعذر والسموحه اني ما سمعت كلامكم وقلت رددوا وراي قالوا ايش
قلت خليجنا واحد وشعبنا واحد
وهذا موجز عن باريس في نصف اوقست