مع التقارب في كل شئ
الا ان هناك سبب جوهري يرجح كفة باريس
باريس حياة 24 ساعة ولندن بعد 12 بالليل روح نام بفندقك
باريس ليلها مثل نهارها وابدا مو موحشة بالليل عكس لندن ليلها يخوف

انا اعجبتني باريس اكثر
لان اماكن التمشيه فيها كثيرة وكل مكان يحتاج له يوم عشان تعطيه حقه وتشوفه زين
وقهاويها احلى وفيها ديزني وكل شي صدق من قال "باريس غير "

انا احب باريس ولندن
في الصيف لندن وباريس نفس الشيء زحمة في زحمة
لندن طول السنة فيها ناس وعرب ....وخصوصا المواسم والويكند يكون الخليجيين في المدن الثانية يجون لندن
في لندن تضمن النظام في المطاعم في الحجوزات ...في المقاهي
باريس وخصوصا في الصيف والمواسم اغلب المقاهي تعتمد على الحجوزات (بزيادة التب وقيمة الحجز النقدي )
لندن نهارها رائع والتجول فيها ممتع ...نفس الشيء باريس
لندن لما تغيب الشمس ويمتد الليل يسود الهدوء الرائع يعني مافي تمشي
باريس تغيب الشمس تبدأ حياة ثانية الشانز وحشرته لين ماتتعب وهو حشرة
مع كل هذا وذاك انا تعجبني لندن اكثر ....احس فيها براحة غير

جو لندن افضل من باريس بالصيف وذلك لبرودته
ولكن باريس ارقى من لندن والسبب يعود لنوعية السواح المتواجدين فيها
باريس النظام العمراني فيها احلى من لندن وكلاسيكي وعجيب
لندن اللي مخربها كثرت العرب

باريس .... و كفى

لندن حياه غير ومانشستر احلى واحلى
روعه , والجو روعه , بس زحمه موت
باريس توي باروحها ,, ما ادري عنها بس احس اني بحبها كتير

ارى ان لندن افضل
جوها ابرد وفيها استمتاع بالطبيعه
النظافه فرق كبير والالتزام بالانظمه
الشعب ارقى ولاتلقى العرب المقيمين الي يسببون ازعاج وشحاذه
باريس فقط الشانز وغيره تسوق فقط
الشانز في اغسطس مزحوم بالعرب وناس كثيره تريد التمشيه بدون مايكون فيه ناس كل همها التشخيص وفحص الاخرين!!!!

لندن منظمه ومافيها سهر وزحمة العرب في كل مكان بدون استثناء
التسوق في لندن بالنسبه لي افضل من باريس لانه فيه تنوع ومجال كبير بعيد عن الماركات الغاليه
النهار في لندن طوويل وحلو انك تتمشى من الصبح بدري لكن اذا تحب السهر مالك غير البيكاديلي وانا اكره هذا المكان
صغير وزحمه ومافي غير قهوتين وكم مطعم بس
باريس فيها روح مختلفه عن لندن تحسسك بالرقي والاناقه في كل مكان
السهر في باريس له طعم ثاني وهذا يمكن اكثرشي يرجح كفتها عن لندن
في لندن خيارات المطاعم مفتوحه وفكل شارع تلاقي مطاعم من كل الاقطار بالعالم الايطالي والاسيوي والعربي
لكن في باريس تتميز المقاهي بكثيير عن لندن
عموما يظل لكل وحده منهم طابع مميز وانا بالنسبة اعشق اثنينهم لكن لندن بالشتاء احلى من الصيف
وباريس احلى وقت لها هو الكريسمس وراس السنه واثنينهم لهم جو بالصيف مع زحمة العرب والخليجيين
تحياتي

والله انا رحت الاثنين ومن اللي شفته اقدر اقول لك
اذا تبي الرومانسيه وماتبي العرب روح باريس
اذا ودك بوساعه الصدر والاسواق روح لندن
اذا تحب القهاوي وقعدتها اكيد مالك الا باريس
واذا تحب الاكل اللبناني اللي ماتلقاه باي مكان غير لبنان مالك الا لندن ومطاعم الاجوررود
بشكل عام الطبيعه متقاربه في البلدين بس ميزه لندن ان كل شي قريب من بعضه تلفهم بيوم واحد ويمكن مشي خ عادي اما باريس تحتاج الى مواصلات في تنقلاتك لان اماكنها الزينه بعاد عن بعض شوي
بس الحق ينقال لو بتقعد مده طويله اكيد انصحك تروح لندن لان فيها عرب وونيسه بكل فصول السنه تلقى ريحه هلك فيها
ولو خيروني بين الاثنين بقول هاذي عين وهاذي عين خ اروح لهم الاثنين او اروح كل سنه ديره وانا متشققه كلهم عسل على قلبي