..
اهلا وسهلا اختي
وعدتي ووافيتي بوعدك عن التقرير
واحسن شيء فيه التفاصيل الدقيقه اللي يحتاجها اي سائح لباريس
الله يعطيك العافيه والحمدلله على سللامتكم وان شاء الله تكونوا انبسطتوا
الفندق بصراحه اهم شيء النظافه فيه ولو وجدت هي لحالها بفندق كفت عن الباقي
كويس ذكرتي تجربتك فيه عشان غيرك لا يغلط ويحجز
ننتظر البقيه ان وجدت

تقرير مشوق من بدايته متابعينك

حمدلله علي السلامه
شكرا علي ذكر تجربتك
الفنادق مهم الرأي فيها
متابعين

بدايه طيبه كأول تقرير
خساره فندق ديزني دون المستوى مع انه اكثر مدة الاقامه كانت فيه
ناطرين باقي التفاصيل و الصور

الحمد لله على السلامة
ننتظر التقرير

romh و فيصل
الله يسلمكم, حبيت اعطي تفاصل السكن على امل احد يستفيد
محتري
كل الشكر
FANDA
الله يسلمج، في تكمله بس ما في صور لا تنطرين شي
محمد و يوسف 1
الله يسلمك

الحمد لله على سلامة الاسفار
متابع معكم ..

ههه
لاحظتي اني اعيد وازيد عسالفة الصور
انزين ناطره باقي التفاصيل وخصوصا ايام ديزني وشلون قسمتونها

يوم السفر طيارتنا المفروض تطير من البحرين الساعه 4:00 الفجر بس تأخرت و طارت الساعه 5:00 و الطيارة الثانية المتجهه لباريس من دبي تطير الساعه 8:00 الصبح ف معناته عندنا بس ساعه في مطار دبي المهم طرنا الساعه 5:00 الفجر و الطيارة كانت عادية ما فيها شي مميز كلها ساعه ووصلنا دبي بتوقيتهم الساعهكانت 7:00...الا النداء الأخير على طيارتنا و بدينا الماراثون...ركيض على كبر المطار، قرصني قلبي وسألت موظفة الكونتر الي عند الطيارة عن شنطنا اذا دخلت الطيارة؟ ردت بعد ما جيكت و قالت أي دخلناهم 6 قطع. دخلنا الطيارة و كانت 380 الطيارة طابقين...يمه تخرع جنها عمارة طبعا احنا تحت في الدرجة السياحية الكراسي على مد البصر والطيارة متروسه ولا كرسي فاضي المهم لأن تونا راكبين الطيارة الي يايين فيها من البحرين ف حسينا بالفرق في الكراسي في ذي الطيارة، كانوا وايد اوسع و اريح و ابدا ما تضايقنا، المساحة واسعه و مريحة بالنسبه للدرجة السياحية. بعد ما طرنا بشوي يابوا الفطور و بعد ما شالوا الفطور داروا علينا بالعصاير و بعدها و قبل النزول بساعتين نجبوا الغده بصراحة ما عليهم قصور ابدا...و مساكين المضيفات الابتسامة ما فارقتهم (يبين اني متعقدة من مضيفات طيران الخليج صح؟) و لا قعدوا طول الرحله رايحين يايين انا طبعا ما قدرت ارقد في الطيارةلأن قومتي من الصبح و مواصله ف راح وقت النوم ف في لحظة شوي تحسفت اني فكرت في الاماراتية و لو اني ما خذه طيران الخليج بدل هال الركضة و المرمطه، بس الحمد الله لما شفت صديقتي بباريس و كانت يايه ع الخليج و شكثر ذمت فيهم و في طيارتهم و خدمتهم طار الحسف كله ووصلنا باريس و الاخت تنطر الشنط، و طلعوا كل الركاب و الأخت تنطر و طال الأنتظار الا....اسمي يلعلع في مطار شارل ديجول رحت استفسر الا يقولون لي شنطي كلها و شنطتين لبنت خالتي ليحين في دبي و بيوصولون في الليل الساعه 9:30 و بيوصولنهم لنا للفندق (لا قصوركم اطق هالطريج كله) امرنا لله ما باليد حيله طبعا وصلوا لنا الشنط س 12 للفندق، بس شنطة بنت خالتي كان القفل مكسور و كيمرتها مبيوقه، بس ما ندري هل من البحرين او دبي او باريس؟ ما يندرا. المهم طلعنا من المطار و الحمد لله ما أجرت سيارة و لا حجزت، وقفنا صوب التكاسي و خذنا 3 تكاسي طلعت الاسعار 55 – 60- 70 يورو وصلنا الفندق و الحمدلله الغرف كلها يم بعض جاهزين
بعد ما طلعنا من الفندق رحنا نتمشى في الشانز و تغدينا في بيتزا بينو طبعا المطعم كان مليان خليجيين واصلنا تمشي و بعدها رجعنا الفندق لأن كنا منتهيين خلاص وبكذا خلص يومنا الأول اليوم الثاني - السبت طلعنا من الصبح للفطور في الشانز فطورنا كان في Brioche Doree الفطور كان خفيف و لذيذ اهم شي انه عجب اليهال بعد الفطور توجهنا لمحطة الباص الأحمر و دفعنا ليوم واحد نزلنا في برج ايفيل وطبعا لو كنا واقفين في الطابور جان ليحين ما ركبنا اعداد مهوله من البشر ما حصلنا تذاكر ع النت و بصراحة تعييزنا نوقف في الطابور و اليهال بروحهم غيروا رايهم لما شافوا الطوابير و اكتفينا بالتصوير تحت البرج ركبنا الباص بعدها متجهين الى اللوفر و نزلنا عند جسر الأقفال و طلعنا عصاية السيلفي و صرنا فرجة للناس كل من يوقف ويصور العصا، طلعوا ما قط شافوها من قبل و طلعنا العرب سباقين و لله الحمد بعدها دخلنا ساحة اللوفر و صورنا و طبعا كان وايد زحمة من برع و لما سألنا قالوا تحت أزحم, واصلنا مشي و ردينا ركبنا الباص نخلص الجولة (تقدرون تقولون ان استعملناه تاكسي) و نزلنا في الشانز مكان ما ركبنا تمينا نتمشى و نتسوق في الشانز و في شارع Avenue Montaigne و بعد ما تمكن التعب منه رحنا ندور مكان نتعشى فيه طبعا الخطة ان المفروض نروح مطعم مقابل فندقنا ايراني اسمه ست جت او جت ست شي هلون، بس لما رحنا طلع المكان ما يصلح في الليل للعوايل و اليهال خصوصا ف طلعنا من الباب الثاني الا جدامنا شوارما بصراحة من الذ الشاورمات الي ذقتها في حياتي المطعم للبنانيين و اسمه Snack Le Baron Restaurant و بكذا خلص يومنا الثاني اليوم الثالث - الأحد اليوم الثالث لنا في باريس كان المفروض نروح الباص لي فرساي واللي قلتولي اكتب لكم تجربتي عنه للأسف اني ما رحت فرساي لان اليهال ما بغوا يروحون (مايقدرون الفن و التاريخ) الجو ذاك اليوم ولا ابدع، غايم و برد حلو ف قضينها ذاك اليوم مشي في ضواحي باريس بديناه بالفطور في الشانز و بعدها اتجهنا مشيا الى المسله و ساحة الكونكورد مرورا باللوفر، نزلنا المجمع الي تحت اللوفر The Carrousel du Louvre مجمع صغير و نظيف تغدينا و واصلنا مشي الى الحي اللاتيني تمشينا و جفنا لنا جم عرض وبعدها رجعنا الشانز بس بالتاكسي لان ما فينا طاقة بعد خذت منا هالجوله من 10 الصبح لي 5 العصر بس كانت جوله جميله استمتعنا فيها بالتفاصيل الصغيرة للجسور و الشوارع و المباني الجميله واصلنا تمشي و تسوق في الشانز، الغريبة انه يوم احد و المحلات كلها فاتحة ختمناها بعشوه عند راعي الشوارما طبعا اليوم الرابع – الاثنين الخطة اليوم لتسوق صبحنا الصبح متجهين الي جاليري لافاييت فطرنا هناك في ستاربكس و بعدها افترقنا في الجاليري على ان نتلاقى بعد ساعتين عشان نتجه الى ديزني لي هني و خصلت ملخص باريس اتمنى اكون فاديت احد لو بمعلومه صغيرة