أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ان الله يسر باكون باذن الله في شنغهاي اول نوفمبر ومنها ساتجة لمدينة السلع الصغيرة وفويان ماركت
اذا احد حب يشارك (ليس بالغرفة بل بالمشوار التسوقي ) فالله محيية
الله يسهل دربك اخى ابن بطوطة وذا كان فيك تمشى وتسوق تجارى فعليك بتايون فكما سمعت ان بها بضائع جيدة وجاهزة للتصدير الى بلادنا العربية او الخليجية فغتنم الفرصة يا الذيب وترزق الله .
الاخ الهادي
الصراحة انا احب اسكن بالمركز التسوقي بشنغهاي شارع ننجن .. اما بخصوص الحجوزات ترا فية مواقع صينية تحجز مباشر وبدون دفع يعني بلوشي .. وانت ان وصلت هناك تدفع ..
اما بخصوص فندقك فهو خمس نجوم لذلك لا تسألني عنة لكن هالموقع فية افضل الاسعار تقريبا,,
اضغط الله يسلمك http://www.chinatravelkey.com/shanghai/fivestar/jcmandarin.htm
اما ان حبيت تعرف كم الرممبي بعملتك المحلية فعليك بهالرابط (بس اسعارة مش 100% صح )
اضغط لاحدث اسعار الصرف http://www.oanda.com/convert/classic
الاخ كردت الله يخليك لي ,, انا رجال من كم سنة وانا اروح الصين للتجارة .. ( طبعا تجارة تمشية حال مو اللي ببالك ) ... والحمد لله مظبط مكاتب هناك ومترجمين وكل شي وضعي للاعلان لمساعدة الاخوة الجدد على الصين .
الله يسلمك يا برق الرياض
ابوعبدالله - الكويت
ابو عبدالله يقول الشاعر حامد زيد ( حد علمى بالغلى يوم كنت تسوى كثير ) ونا اقول حد علمى بشنغهاى انها للتجار الهوامير ههه مجرد تخمين الله يوفقك يارب ويرزقك من حيث ماتحتسب .
كردت كلامك اكثر من صحيح .. فنادق السنتر غالية .. وحتى اسعار السلع (مفرد وليس جمله ) عندهم احيانا اغلى من عندنا
قصتي مع اول واخر مصنع شنقهاوي ازورة .
حدث مرة لي دعوة من احد المصانع المحترمة بشنغهاي (طبعا مو عشان انا تاجر مهم بس عشان ضفت نفسي بموقع مناقصات وتواجدت بشنغهاي لزيارة عميلي ) واللي كل ما حبيت اناقشة بالمسنجر او بالتيلفون يقولي بما معناة عندنا تعال ومالك الا طيبة الخاطر .. وفعلا كعادة مصانعهم يبعثونلك سيارة للفندق (او اقرب نقطة له ) وركبت مع الرجال وسلم علي وقال دعابه او ثنتين وبعدها على طول سلمني ملف الله لا يوريك اياة .. كلة دراسات وشهادات جودة وشهادات عملاء .. وانا مالي نفس اقرى كلمتين على بعض انجليزي .. المهم قمت اتصفح واظهر بعض الاهتمام وكل ما وصلت صفحة تلاقية ياشرلي على شي او يعلق تعليق مادري اصلا وشيقول .. المهم المسافة بيننا وبين المصنع حول ساعة بالسيارة تقريبا وانا طفشت وما تحملت قلت خلني اشيل عن نفسي هالهم وادخل في صلب الموضوع .. لان هالشهادات وهالبلاوي ماتهمني انا واحد صاحب بضائع رخيصة وموسمية .. ولا عندي كفاله الا على التشغيل .. وفهمته الموضوع .. فابتسم واصر الا انزل معه المصنع واشوف بنفسي .. واقابل صاحب المصنع شخصيا .. ووصلنا المصنع واذا يقابلوني مقابلة الابطال شايب وسكرتيرة وخلوة يلفني على كل شي بالمصنع حتى الكراتين الفاضية قام يشرحلي عنها وانا مبتلش ابي الفكة .. لان رغم كل هالمشوار ما شفت الا اشياء تدل على التبذير .. (صناديق ملونة عالية الجودة - فلين - نوعية صبغ البضاعة نفسها .. يعني اشياء ترفع السعر على الفاضي وانا بضاعتي بضاعة قناصة وحداقة وكواشيت يعني بالعربي ماتهمهم هالسوالف .. الوكاد حانت لحظة الصفر وتم الاجتماع وبعد مقدمة ثقيلة عن جودتهم وعلاقتهم بامريكا وغيرها وصلنا لسؤالي عن الخصم اللي اريدة ... وبدون حيا قلت السعر اللي انا اساسا من سنين اتعامل فية واني جاي هالمرة اسعى للاقل .. فابتسم الشايب قال يعني كم .. فقلت السعر اللي ببالي .. وعطوني سعر خصم .. وزهقت اكثر وصارحتهم قلت انا بديرتي ومن مصنعي القديم اقدر ابيع اقل من هالسعر اللي تقولون عنة خصم .. فقال مستحيل .. وسألني عن اسم اللي اتعامل وياه .. ومن كثر الضغط قلت اسم ذلك المصنع .. وعينك ماتشوف الا النور (وانا اعلم بخطأ افشاء المعلومة لكني بلشت فيهم ) وصار الشايب يتحلطم بالصيني و يترجمون لي انه يقلل من شان ذلك المصنع وان الحكومة رايحة تسكرة لانه خسران .. قلت مو مشكلة اذا عندك سعرة ولن اقول اقل من سعرة مستعد اتفاهم وياك وغير هالحجي ماعندي .. وكلمت موظفهم قلتله يالله ردنا فندقنا ... والشايب استنزل يزف الموظف اللي جابني .. وبالنهاية عرفت انه فصل وقال ما نرجعك فندقك .. !! انا طبعا لم اتفاجأ لكن هذا الزهق وما يسوي (ماحبيت اكذب واعمل نفسي مهتم وبعدين اسكب فيهم ) وارتحت نفسيا انها خربت وياهم على الاقل ارتاح من حنة الموظف حقهم اللي كان داوشني حتى بالمسنجر ... الوكاد موظفهم طلع نشمي وما خلانا بهالخلا الاخضر .. راف بحالنا ووصلنا بنفس السيارة لمحطة الباصات .. وانزاح الهم وحذت الكرفته ونقطة عالسطر وحبيتك . مع ان شكل القصة مافية عبرة لكني عصرتها وعصرتها ونقطت منها عبرة حليوة .. يا اخوان اللي رايح يشتري (اي كان المبلغ ) لا تخليهم يقنعونك اذا منت مقتنع ولا تنحرج من المعاملة الطيبة يدلعونك يوم وتبلش بالبضاعة سنين وماتخلص .. وقل الصراحة فالناس الطيبين يقدرون الصراحة ووحدهم المشبوهين هم اللي تزعلهم الصراحة . واعتقد من القصة خمنت مستواي المادي وصدق لو اعرف ارفق صورة كان وريتك كل شئ على الطبيعة اما سبب اني اروح شنغهاي فهذا لانها البوابة للمدن الرخيصة فعليا عكس قوانزوا اللي ما فيها الا الاثاث والمعرض . وشوف الصورة المرفقة للمصنع .. ولصحيبي الصيني .. والسلام ختام ..
أخي العزيز
لقد زرت الكثير من المناطق الصينية
ولدي خبرة واسعه في كوانزو
وكان لي مكتب فيها
إلا أنني لم أزر شنغهاي ولا مرة لعلمي أنها غالية وأنها تصلح لتجار الجمله الكبار فقط
فهل بإمكانك أن تشرح لنا كيف أن شنغهاي هي بوابة المدن الرخيصة ؟
ونرجو التفصيل
وكيف حصلت على الفيزه؟