مبارك الزعبي
13-03-2022 - 02:56 pm
السلام عليكم ورحمة الله وبركاتة
بسم الله الرحمن الرحيم اول مشاركة لي بالمنتدى بعد معانات بالتسجيل في موقع ياهو
احييكم اخواني على هذا المنتدى الرائع واللي صار لي كمتابع فقط 3 سنوات لين عرفت اسجل
بدش بالموضوع على طول
اخوكم عرسه بتاريخ 1-2-2013 بإذن الله
وبأمكان اللي يشارك بموضوعي انه يجعل شهر عسلي من أحلى الايام الي تمر بحياتي انا وزوجتي
طبعاً بالاول معلومة بسيطة ههه اني ما اعرف زوجتي ولا اهي تعرفني ولا قد كلمتها وماراح اتواصل معاها الا بعد العرس كعادتنا احنا البدو ((الا من رحم الله وعافاه ))
فأتمنى تشاركوني وتساعدوني واللي بيساعدني بدعي له بظهر الغيب كل ما شفتها استانست وبعطيه دعوة وحده بوحده عشان يتوفق طول عمره انشالله
نبدء الموضوع بعد المقدمة :
فكرت بشهر عسل وهذي اول مره اطب فيها دول غرب اسيا كلها واخترت الوجهة لماليزيا بعد ما شدتني مواضيع المنتدى العجيبه بس تبون الصراحة دخت من كثرت الاختيارات والصور والسوالف
انا اخترت خط الرحلة وبيكون (كوالالمبور - بيننغ - لنكاوي)
اشرايكم اخلي السفرة من 2-2-2013 يعني بعد العرس بيوم وله اطول شوي
انا ودي تكون السفرة من 2-2-2013 إلى 12-2-2102
مع العلم ترا التاريخ والمناطق قابله للتغيير يعني ممكن اشيل وحده من المناطق
اشرايكم اشلون اوزع الأيام ع المناطق
وشاريكم بالجو في ماليزيا بهالتوقيت يقولون رطوبة موت صج ؟
اما بخصوص الفنادق فأنا حبيت الفنادق اللي نظامها شاليه وله كوخ بنص البحر
وابي فندق اخر يكون داخله حمام سباحه خاص
يعني ترا عادي اغير فنادق بلنكاوي اقعد بهالفندق يومين وبفندق ثاني باقي الايام
اما بخصوص الطيران لحقوا علي بسرعه ترا لقيت عرض من القطرية والاتحاد للطيران تقريباً ب 400 دينار كويتي ...... اشرايكم بالسعر هل زين ؟ احجز ع بركة الله واي خطوط تنصحون
انا قلت بحجز كل شي من الحين وبخطط براحتي واستفيد من خبراتكم اشرايكم فيني اداري ناجح صح ههه
بأنتظار مشاركتكم بفارق الصبر والله
زواج مبارك وزيادة في الطاعة وان تكونون الى الله اقرب
الشي الثاني
لو جعلت السفرة الأولى الى بيت الله وتدعو الله بالتوفيق والتيسير ليبارك الله لكم وايضا
كل واحد يأخذ على الثاني
ومن ثم تذهب الى ابها
للجو البارد المنعش هذه الايام
وامن وامان
والسفر للخارج ولكونك تقول اول مرة افضل شي ان
تسافر داخل الخليج ومثل ماقلت من حيث الجو ابها روعة هذه الايام
اتمنى مااثقلت عليك وكل شكري واحترامي لك
والسفر لدول غرب آسيا خليها بعدين
أسأل الله ان يوفقك ويسر امركما الى مايحب ويرضى
إن كنت على سيارة لاتسرع فالسرعة لاتجيب الا المخاطر حمانا الله واياكم
منها
وان كنت على طائرة فلك ان تستأجر سيارة مع فندق في ابها
وانصحك الا تجعل المدام تأخذ ذهبها في سفرها
للحفاظ عليه عن الضياع او السرقه لاسمح الله
ترى ماقلت شي قلت راي وقلت وجهة نظر على ماقال اخينا سعود
اخوك ومحبك
ابو خالد