...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي ::.. https://artravelers.com/p/re/83948

جزاك الله خير على الرابط المفيد

اخوي اسمحلي انت ايش تخصصك
وايش شهادتك؟؟؟؟
وايش ناوي تدرس

هلا اخووي ساد انا ان شاء الله ناوي ادرس محاسبة وعندي ثانوية عامه

اخوي اذا بعثه ، اتوكل على الله و الله يفتح لك باب الخير
لكن لازم تفكر اذا بتاخذ زوجتك و ابنك معاك
لو تقدر تاخذ كورسات في المحاسبة في الامارات و بنفس الوقت تشتغل و تنسق بين دراستك و بين شغلك بيكون أفضل

اسمحلي اخوي كتكوت اضيف على الموضوع ولا نه بعد كلام المايسترو ما في كلام بس انا اخوي مر بنفس الي انتا فيه دحين مع اختلاف بسيط في الاحدات
اخوي عمره 24 سنة متخرج من جامعة الملك عبدالعزيز ادب فرنسي ماشاء الله عليه معدله مرة مرتفع بعد ما اتخرج قدم على البعتة لامريكا وانقبل لدراسة القانون ورتب اوراقة وكل شى وقبل موعد سفره تقريبا بشهرين جاته وظيفة في شركة اعمار براتب جدا مرتفع والله احتار في البداية لكن بعد ما فكر مزبوط قال عصفور في اليد ولا عشرة على الشجرة واشتغل في الشركة وشال موضوع الدراسة من راسه
فا نصيحتي لك يا الغالي انك تجلس بينك وبين نفسك وتدرس الايجابيات والسلبيات اذا سافرت او جلست في بلدك وبعدها راح تتضح لك الصورة ولاتنسى تصلي الاستخارة..ولاتنسى حتى تفكر بالايجابيات والسلبيات على عائلتك بما فيهم ولدك وزوجتك ربنا يحفظهم لك...
واسف جدا على الاطالة وان شاء الله اكون قدرت افيدك

ابن محفوظ
جزاك الله شييخي العزيز والله انا محتار بس يمكن الوضع في دول الخليج مختلف قليلاُ عن الامارات بخصوص الوظائف لانه الحمدلله الوظايف متوفره في جميع المجالات للمتعلم والي عنده شهاده جامعية
وانا طبعاُ ما عندي غير الثانوية العامه وجمعتلي مبلغ محترم والحمدلله يكفييني 3 سنوات لو درست برع البلاد
ومشكورين على مداخلاتكم الطيبه

كتكوت ابوظبي
ربنا يقدملك الي فيه الخير لك ولاهلك ومستقبلك يا رب واي خدمة انا بامر عيونك يا الغالي ولا تنسى تتطمنا عنك

ماشاء الله تبارك الله
الله لا يضرك
ثانوي وراتبك فوق العشرين ألف
ماشاء الله ماشاء الله ..
( متى يصير وضعنا مثل وضعكم يا اهل الامارات )
الله يبارك لكم ..
رأيي يا طويل العمر :
ليش ما تنتسب بأحد الجامعات العربية ؟
او تنتظم في الفترة المسائية ؟
وتاخذ البكالوريوس ؟
وبنفس الوقت تستمر في وظيفتك الحالية ؟؟
وبالتوفيق يا حبيبي