ام الزهور
اهلا وسهلا بك اختي ام الزهور ورحله سعيده ان شاء الله
بلنسبه لسؤالك الاول الوستن فهوا على شارع العرب ولا يقارن بلماريوت الوستن افخم من كل ناحيه
وبلنسبه لبينانق فلسوق الصيني مهو بذاك الشي الي عشان الواحد يحسب له حساب يعني شي شعبي جدا وزياره وحده كفايه له وهوا عباره عن اكشاك تبيع حاجات رخيصه وعاديه في نفس الوقت هذي وجهة نظري.

حياك الله ام الزهور وعلى طاري الزهور لا تنسين تزورين حديقة الزهور في كوالالمبو واللي جنبها من الحدائق
نرجع لموضوعك الاصلي
تايم سكوير ليس على شارع العرب بل خلف شارع العرب يعني من الفندق الى شارع العرب ماياخذ ولا دقيقتين او اقل لكن فيه شارع حيوي بينهم يعني مليان سيارات اذا كان معكم صغار مشكله
اما الوستن فهو ابعد من تايم سكوير عن شارع العرب إن لم تخن الذاكره
ولكن الماريوت هو اللي في شارع العرب ولكن قد يعيبه مسأله الأفطار وهي ليست مثل باقي الفنادق بحيث يكون معك كرت وتختارين من انواع الموجودات من الاصناف بل يحدد لك كذا صنف في كرتك هذا الكلام اعتقد في شهر 122006م ولكن هل تغير الآن الله اعلم وأنا افضل الماريوت على الاثنين ولك الخيار
وتقبلي تحياتي اخوك تركي

ام الزهور
وعليكم السلام ورحمة الله وبركاته بالنسبه للوستن فهو ماعليه كلام اناماسكنته اعتقد سعرهتقريبا 600 رنقت لكن الفندق اللي سكنته واعجبني هو المندرين فخامه الاكزتف 650 رنقت لكن روعه تراه قريب من شارع العرب 10 دقائق مشي رياضه بالتوفيق ان شاء الله .

الوستن والماريوت تقدر تقول بجانب بعض
في اول البوكت بنتانج

التايمز سكوير
سكنت به أربع أيام وكانت غير مريحة للأسباب التالية :
1- مشكلة عند الوصول وهي عندما صعدت إلى الغرفة كانت رائحتها (شيشة جراك) قوية جدا جدا جدا !!! وطلبت تغييرها وبالقوة رضخوا لي عندما طلبت المدير .
2- الفندق مزدحم جدا والطريق الوحيدة للوصول إلى الغرفة هي عن طريق 6 مصاعد ولكنها تتأخر ومزدحمة جدا ، مثل الأفلام في مدينة نيويورك .
3- صالة الطعام مزدحمة جدا ومن الصعوبة أن تجد مقعد لك للجلوس فمابالك اذا كنتم عائلة من 7 أشخاص .
4- خدمة الغرف معقولة ولكن بالرغم من أن الفندق 5 نجوم إلا أنهم يرفضوا زيادة عدد المناشف .
5- لاتوجد اطلالة جميلة من الفندق .
6- بشهادة أحد العاملين أنهم العام الماضي كانوا يعانون من نقص حاد بالعاملين ، وهذا تسبب بسوء الخدمة .
7- بالإضافة إلى الزحام الكبير في الشوارع المحيطة للفندق .

فيه فندق قريب من شارع العرب سعره حلو ونظيف انا سكنت فيه وكان من أجمل الفنادق
فندق
وفي بينانق سكنت في فندق بي فيو بيتش ممتاز جداً لكن تأكدي ان الغرفة تكون ديلوكس مطلة على البحر وفي دور مرتفع

هلا ام الزهور اولا فندق وستن على شارع العرب مباشره وبينه وبين الماريوت خسه عشر متر فقط الماريوت خمسه نجوم والوبي جميل وفيه سوق ستار هل خاص بالماركات العالميه وعيب الماريوت الزحمه والازعاج الوستن خمسه نجوم ومستواه افضل من الماريوت بس الوبي صغير - فيه فندق خلفهم مباشره بعشرين متر تقريبا اسمه الرتز كارلتون خمسه نجوم وراقي جدا وهادي وافضلهم على الاطلاق من كل النواحي المندرين اورنتال خاصه الغرف الكلوب وبينه وبين شارع العرب ربع ساعه مشي والتكسي من الفندق لشارع العرب بعشره ريال والعادي بسته ريال التايم سكوير اقلهم في كل شي من كل النواحي وبينه وبين الماريوت اقل من عشر دقايق مشي وبالتوفيق ان شاء الله

في بينانق الرساسنق وبس على ناصيه السوق اليلي ولازم تكونين قريبه من الشارع اليلي لانه مافي شي باليل غيره وللمعلوميه انا سكنت بكل الفنادق الي ذكرتها ومره ثانيه بالتوفيق ان شاء الله

بالنسبه للاسعار ادخلي على موقع دليل ماليزيا وبتلقين الاسعار وزيدي عليها 5% تقريبا يكون السعر من مكاتب السفر يزيد او ينقص شي بسيط وافضل شي تحجزين من المكاتب المعروفه وهذا رابط دليل ماليزيا http://www.daleel-malaysia.com/modules.php?name=Forums&file=index لا انصح بالحجز عن طريق الموقع اعلاه وبالتوفيق ان شاء الله