مافي غير المجمعات والمطاعم وبس.............. والحر

ماعندك شيء مصدق ههه ؟!

نحن سياحتنا سياحة أسواق فقط لا غير
بسبب الحر الشدييد
أجل تبي إلى جاء وقت القايلة نطلع نتبرد في وادي حنيفة؟؟
ولا العصرية نروح لحديقة الحيوان والدرجة فوق الخمسين؟
مالك إلا الأسواق وإذا جت الساعة 12 الليل طردونا المحلات لأنها بتقفل
الله يعين

1. أخوي الغالي تريد ان نسوق للمنتزهات ...؟ ok


2. اخوي الغالي حسبه بسيطه لمنتزه تحب ان نسوق له فقط بسيطه

اخوي الغالي موضوعك جداً مهم وضروري وخاصه للقسم هذا لكن
لا أريد ان احبطك ولا أريد أن تؤخذ صوره سيئه بناء على كلامي

أخوي الغالي تريد ان نسوق للمنتزهات ...؟ ok

1/ منتزهات أشبه ما تكون استغلاليه بدرجة إمتياز إبتداء من سعر دخول المنتزه إنتهاء بسوء الخدمة المقدمه .
إحدى المنتزهات ياخذ على الدخول 15 وعند الدخول الجلسات ب150 ريال لكم شخص فقط بدون اي خدمه تقدم فقط جلسه والشاليهات لا يحضرني السعر لكن غاليه وبدون خدمه ولا تنسى امر مهم لا يمكن الجلوس في الشاليه بعد الساعه 2 صباحا يعني لو كنت سائح وحاب تسكن في شاليه في منتزه راح تواجه السكن سكنين سكن في الشاليه حتى الساعه 2 صباحا ثم تقوم بسكن خارج المنتزه في احد الشقق بكذا اسئلك بالله اي خدمه تقدم هذي
نتكلم عن الالعاب الموجوده داخل المنتزه في السابق كانت عوائل ودور على الشباب ودور للنساء لكن احب ابلغك تم بناء سور على الالعاب شبيه بالسور الفاصل بين غزه لكي لا يرى الشباب من بداخل الالعاب والدخول اصبح محتكراً على النساء والاطفال فقط وكان الشباب ليس لهم دورا ابد وكان بهم يقولون انت شباب خلاص جيب اهلك وامشي ولا تنسى اخوي الغالي الالعاب ليست مجانيه ايش المتبقي في المنتزه لكي تتمتع بقي سوق مصغر من كافي شوب وسوبر ماركت وكم محل لا اتذكرها بالضبط لكن اخوي الغالي عند محاولتك فقط الاقتراب فقط المحاوله تجد بودي قارد ضخم يقف امامك يمتعك بكلمة لو سمحت ارجع ، طيب انا بأرجع لكن وين اروح
تدري وين تروح فقط مسموح لك تلف على المضمار المزفلت المضلم فقط غيره لا
ولا انسى امر مهم جداً الا وهو العروض الوهميه التي نسمع عنها ولا نشاهدها على الواقع ابداً خذ هذا المثال
قبل سنه نزل إعلان اكبر طبق مثلوثه ونزل الاعلان في الموقع والجرايد والناس وانا اول الناس كنا متواجدين على اثر هذا الاعلان
واقسم بالله كان الطبق صحن مثلوثه تم توصيله من مطبخ الرومنسيه حتى لم يكن الطبخ علني او التحضير على الاقل فقط تم الاعلان عن الصحن وعند القرب منه انصدمت بهذه السخافه والاستغلال صحن عادي من الصحون اللتي تتواجد في العزائم .
لا انسى عروض الدبابات نفس العروض اللي كانت من 5 سنين او اكثر نفس الفرقه نفس الحركه نفس المكان
كانك وانت تشاهدها تتذكر ايام خلت
حتى الاطفال لم تعد تجذبهم هذه العروض لانهم تعودو عليها . او لأنهم اصبحو يشاهدونها في كل مكان و في الاماكن العامه .

اخوي الغالي حسبه بسيطه لمنتزه تحب ان نسوق له فقط بسيطه

الدخول للشخص 15 ريال x عدد أفراد الأسره + جلسه 150 لو كانت العائله صغيره + قيمه تذاكر الالعاب للاطفال والنساء + قيمة تذكرة دخول لعرض لدلفين نائم مهلك بدون اي حركة ممتعه والدليل المدرج لا يكون فيه سواك انت يا من أستخف بعقلك ودخلت للعرض + قيمة العشاء = ( إحسبها بناء على عائلتك ) . زيد عليها المعامله والصدمه اللي اخذتها وتعهدك بعدم العوده لهذا المنتزه راح تكون طلعت بخسارة فلوس وخسارة سعت الصدر لانك راح ترجع زعلان .
اخوي الغالي هذا منتزه فقط حاب احكي عن حاجه ثانيه ...؟ أنا جاهز عند الطلب
انا لست متحامل على احد لكن من حقي ك سعودي اني ارى خدمة وجوده تقدم والله اني من اشد الناس حرصاً على الضهور بأرقى خدمه لكن ما باليد حيله
تحياتي لك

الرياض بيئه عمل سمعتها قبل وآمنت بها
لكن فيها اشياء حلوه
اسواق ومطاعم وكوفيات مميزه
وغير الحدائق والمنتزهات العامة
وفيه مهرجان صيف ارامكو
راح يفتتح غدا موقعه خلف جامعة سلطان
بالقسم فيه تقارير منوعه عن مطاعم شاليهات فنادق
بالتوفيق ..

يعطيك الف عافيه نفس الموضوع كنت بتكلم عنه
من جد بوابه الوسطى والشماليه بس اسئله ينقصها حدا تقرير عشان الناس تعرف انه عندنا اماكن سياحيه
السياحه بالاصل اسواق ومطاعم ومنتزهات وفنادق صح معندنا ملاهي عوائل بس عندنا اسواق حلو وافضل المطاعم واكثرها خليني اجيب لك مثل بوبة البحرين والشرقيه مليانه بالتقارير وهي اصغر من الرياض بالمساحه واقل مطاعم بكثير لا ن الاعضاء بس يصورون وينزلون صور المطاعم والاسواق الي يرحون لها فاذا دخلتي تستفيدين مره تلقين كل ماتبين من فنادق ومطاعم
اتمنى انها تتغير وتصير افضل بكثير

دخلت اسأل بس ... السعودية فيها سياحة ؟؟؟؟

صراحه الرياض ما فيها شي
يمكن لانها محافظه عليها مراقبه
ليش ما يفتحوا كافيهات نسائيه
ما ادري احس جلست البيت ابرك
مع انوا الرياض مرتبه و شوارعها وواسعه
مو زي جده
و جده شوارعها حالتها بالبلا
بس فيها اماكن غير البحر كافيهات
و مولات احلى
مجرد راي
شكرا

نفس الي كنت افكر فيه للأسف
لو صار عندنا زوار من خارج السعودية صعب نشرح لهم ان مافيه اماكن غير التسوق
و المطاعم بس
دايم بيسألو عن المتاحف