انا كنت في ايطاليا شهر 2-2008
الجو بارد ولكن يختلف من منطقة لمنطقة ثانية
يعني برد روما نستحمله
ولكن برد فينسيا كان فظيع
ميلان طول الوقت مطر
بس المهم لازم تكون عدة البرد موجودة
جاكيت محترم للبرد
ملابس داخلية شتوية
قفاز
وللحريم سكارفات شتوية
وجاكيت طويل عشان يغطي جسمها
لان بالعباءة ما بتاخذ راحتها في المشي

ahab
مشكور عالرد
بس عندي استفسار
وقت المطر بميلان عادي نتمشي بالاماكن المفتوحه والا الوضع صعب والقعده بالكافيهات حلوة والا المطر يكون قوي؟؟
فينيسيا بنروح لها مشوار يووم فالجو ممكن تحمله والا يكون صقييع؟؟
وسؤال ثاني
الفتره الي رحت لها شنو الاماكن الي زرتها وحبيتها والجو كان حلو؟؟
انا ابي ازوركومو لوجانو فلورنس وبيزا واذا كان فيوقت كافي ودي نمر نيس وكان
اذا كنت عارف وضعهم بالفتره هذي ياريت تفيدني
وشكرا

8
8
ايه عادي بس دفوا انفسكم

1. بالنسبة لي انا احب السفر في الشتاء لاني احب البرد


2. اهم شيء في السفر في الشتاء (ملابس داخلية شتوية + جاكيت مناسب للبرد)

travel-aholic
بالنسبة لميلان كنا نطلع بالمظلة لان مطر قوي في الايام اللي كنا موجودين فيها بس الناس عادي تتمشى
اما الكوفيات ما جلسنا فيها وايد لان قعدتنا في ميلان 3 ليالي وكانت للتسوق والاوت ليت
فنيسيا حدها ليلتين بس تاكدوا ما يكون وقت مهرجان لان في شهر 2 كان مهرجان وزحمة ما نقدر نتحرك من مكان لمكان وبصعوبة لان فنيسيا عبارة عن ممرات وهالممرات تكون ضيقة
بس ميزة وحدة في المهرجان يوله والكل يتنكر ويلبس شي اما قبعه واما قناع وام رسم على الوجه
شوفي اختي
من 15-1 لين 15-2 تنزيلات وحاولي تكون سفرتج في هالوقت عشان تستفيدين من التنزيلات
انا زرت روما .. وكانت حلوة وراقية ومن روما طلعت زيارة لبومبي وهي عبارة عن قرية ضربها البركان قبل 300 سنة ... وشي عجيب وكيف كانوا مطورين قبل
وبعدين رحنا فلورنسا حلوة وجميلة وتراثية وتكفي ليلتين
وبعدها فينسيا ليلتين وكانت رومانسية للازواج وما تنفع للشباب .. وكان وقت مهرجان
وبعد ميلان للتسوق
وكنا نتنقل بالقطار والتذكرة عليها رقم الكابينة ورقم الكرسي لازم تنتبهين لهذا الامر موب مثل حالتي راكب كابينة ثانية وكرسي ناس جالس عليه
وبخصوص الامان فالبلاد امنة وما صادفتنا اي مشاكل وكنا نرجع بالليل ومتاخر
بس في نابولي شويه خفنا وما صار شي لان نابولي اكثر الخوال الافارقة يخوفون

بالنسبة لي انا احب السفر في الشتاء لاني احب البرد

اهم شيء في السفر في الشتاء (ملابس داخلية شتوية + جاكيت مناسب للبرد)

عندك مارك سبنسر عندهم ملابس داخلية شتوية جيدة جدا وموب خسارة الواحد يشتريها والملابس على انواع عندهم يعني التدفئة على درجات ولازم تقرون شو مكتوب على الصندوق وبالنسبة للجاكيت حاولي تسالين عن الجاكيتات اللي داخلها ريش النعام او الجاكيتات اللي يستخدمونها الروس فهذي ادفي
وحاضرين لاي استفسار

مشكور وماتقصر و ان شاء الله ياربي يرزقك من الخير كله

هلا.....
انا مجربة ميلان وفينيسيا بالبرد.......هو برد مرة
بس رائع......وخاصة اذا لحقتوا على كرنفال فينيسا.......الامطار في ميلان ماهي كثيرة في هذا الشهر
يعني عادية......ممكن فينيسا ابرد بكثير من ميلان لانها على بحر.....
والله يوفقكم برحلة سعيدة

حبيبتي مشكوره على الرد
بس متى وقت الكرنفال بالظبط
لان انا الدراسه ابتدى 14-2

هلا.....
حتى الان ماعندي معلومات محددة عن موعد الكرنفال.........
بس اللي اذكرة انه كان في نهاة شهر فبراير......ممكن اسأل لك واشوف الموعد بالضبط