السلام عليكم ورحمة الله وبركاته
مخططين ان شاءالله لزيارة ميلانو ( 4 ليالي ) من لوقانو في سويسرا ..
احنا عائلة 7 اشخاص فودي أعرف أفضل قطار ممكن ناخذه ولا فيه تبديل قطارات عشان شيل الشنط
بالنسبة للاوت ليت انا ودي اروح اوت ليت فيه الماركات العالمية المعروفه وبنفس الوقت فيه ماركات معقوله اسعارها ( زي اسعار زارا ومانجو وهالمحلات .. )
وش تنصحوني اروح اي واحد ؟
Serravalle Outlet
Franciacorta Outlet Village
Vicolungo Outlets
fidenza village
وودي اعرفلو لو بروح لأي واحد من اللاوت ليت الأفضل اروح له بسياره خاصه مع سواق ولا قطار ولا باص وش الاوفر والأفضل ( مع العلم اننا 7 اشخاص )
وكيف اروح لفينيساا من ميلانو نهار يوم واحد وش أفضل قطار اخذه لاني سمعت ان فيه قطارات سيئة جداا وفيه قطارات كويسه
ابحث عن اوتيل قريب جدا للدومو وسعره كويس وش تنصحوني فيه ؟
enterprise hotel
Hotel Straf
كم يبعدون عن الدومو - مشي -
هل تنصحوني فيهم ولا فيه غيرهم أفضل وارخص ؟
لو بتمشى داخل ميلانو اقدر اروح اغلب الاماكن مشي ولا بضطر استخدم المترو ؟
لو بروح كافيه جست كافالي مثلا اقدر اروح له مشي ولا بعيد ؟ وشلون اروح له
ملعب السان سيرو - اخوي مبلشنا فيه :112: - كيف نروح له ؟ وهل يمديني اروح له نهار يوم وارجع واروح مشوار ثاني ولا هو يبيله يوم كامل ؟ هل فيه جنبه اماكن تنفع للزياره يعني يصير مشوارين جنب بعض ؟
كيف الجو باوقست هل هو فعلا حر ما ينطاق ولا يجي ايام يصير الجو لطيف ؟ وهل الناموس مزعج صدق ؟
المكتب يقولي لازم تاخذون موعد من السفاره الايطاليه عشان الشنغن , هل المواعيد اللي يعطونا تتاخر مره ؟ اطلعها من سفاره غيرهم ولا عادي اخذ الموعد واقدم عليها ؟< متخوفه من ايطاليا