1. البرنامج كالتالي :-

يا مشرفين و اعضاء هذا الصرح الشامخ ..
السلام عليكم ورحمة الله وبركاتة .....
انا ودي اخدم واحد من زملائي عزيز علي في برنامج شهر العسل ..
تم حجز رحلته ولله الحمد بمبلغ 4680 ريال على رحلات الخطوط السعودية .. المدينة ..كوالا .. المدينة
بس يا رب ما يأجلونها او يكنسلونها .. الله يستر ...
الذهاب الاحد 3 يوليو الوصول الاثنين 4 يوليو الساعه 1 الظهر .... والعودة الاثنين 18 يوليو الساعة 3 الظهر يعني 14 ليله و15 يوم ..

البرنامج كالتالي :-

ليلتين كوالا :- فندق تريدرز... وانا اخترت منطقة البرجين بدلا من منطقة سلانقور لسببين اولهما وهو الاهم ان رحلت زميلي هذا توصل يوم الاثنين الساعه وحده الظهر يعني حيوصل الفندق ويرتاح ويقوم اليوم الثاني اللي هو يوم الثلاثاء ويلقى الصنواي لاقون مقفل وماحيستفيد شي , والسبب الثاني ان الشخص لما يزور ماليزيا اول مايخطر بباله البرجين وقلت ابغاه يكون قريب منها ويشوفها ويزور الاماكن اللي فيها واللي حولها ..
4 ليالي لنكاوي :- فندق بلانجي بيتش ...او ... لنكاوي لاقون ..او ..برجايا لنكاوي ..او .. انتم رشحولي الي تشوفونه مناسب لو غير الفنادق اللي ذكرتها .. لان خبرتي قليله في لنكاوي وانا سنة 2006 سكنت بلنكاوي لاقون في كوخ على البحر ... وزميلي هذا يبغى يسكن بكوخ سواءا بالغابه او على البحر ويكون يليق بشهر العسل ..
3 ليالي بينانق :- فندق ( شانجريلاجولدن ساندز ... او ... فندق شانجريلاراسا سايانج ... او ... بارك رويال ... او ...؟؟؟ ) انتم رشحولي واذا فيه افضل وارخص من هذي الفنادق فيدوني ..
ليلتين سلانقور :- فندق صنواي لاقون .. او صنواي بيراميد ( وممكن اخليها ثلاث ليالي ايش رايكم )
3 ليالي كوالا :- ابغى اتركلكم الاختيار سواءا في شارع العرب او يكون قريب من البرجين .. انتم ساعدوني لاني ودي اتجمل مع زميلي هذا ..
ودي الليلتين اللي في سلانقور والثلاث ليالي الاخيره اللي في كوالا اخليه يزور فيها جنتنق وافاموسا .. هذا مخطط البرنامج اللي وضعته ... عطوني رايكم فيه هل هو مناسب واذا فيه تعديلات تعتقدون اني لازم اعدلها فيدوني ..
ولكم خالص الشكر والتقدير