بالنسبه لفندقكم في بينانج فهو واقع على شارع السوق الليلي..يعني كل شي تحتكم...
بالنسبه للكاميرون مافيه مطار لانه جبل...
التاكسي بيلعب عليكم ياخذ مبلغ كبير
لذلك اتوقع الباص اصرف.وصدقني والله كل باصات الكاميرون مااشوف فيها الا ربعنا ههه
شكل الماليزيين تاركينها لنا...
هذا اللي اقدر افيدك فيه..
وان شاء الله الاخوان والاخوات الباقين يفيدونك اكثر

بالنسبة للمندرين اورنتل هو اقرب فندق للبرجين يفصل بينه وبين البرجين حديقة فقط
ويبعد عن شارع العرب مسافه بسيطه جدا حدود 5رينجت بالتكسي اما بالمشي مادري سمعت ان فيه ناس يوصلونه مشي
وبما انك بتسكن بعدين في ريجنت لاتهتم لأن ريجنت يقع في شارع العرب
منتجع ماينز يقع في منطقة سيلانجور تبعد عن العاصمه نصف ساعه وحسب علمي يسنى الخيول الذهبيه
بجانبه سوق تخترقه القوارب وملاهي وماعندي فكره عن سعره

السلام عليكم اخوي برنامجك كلة غلط بغلط وهذا راي شخصي قولى ليش ؟اقولك صن لا قون يوم ما يكفية لانة منتجع كبير حيل وحرام تروحلة يوم اقل ما فيها ثلاث ايام حلو هذا بخصوص صن لاجون ويستحسن تسكن فية صن لاجون احسلك---- اما بخصوص بيبانج اريحلك تروح بطيارة طيران داخلى احسلك تسكن هولدي ان لانة تحتة السوق الليلى بدال التكاسي ولا شي وفندق حلو وعلى البحر تاجير برشوتات وخيول وقوارب ومن الفندق نفسة رحلة للغوص فية اعماق البحر وهذا راي ببيانج ---- اما العاصمة عليك بفندق رويال اهم فندقين حلوين وبنص السوق والمطاعم العربية تحتك اما الكامرون وجنتج تروحلها وانت بفندق العاصمة من اول النهار الى اخرة قبل المغرب ترجع لفند قك --- اما لنكاوي بصراحة ما رحتلها ولا تعليق وشكرا-------

الله يوفقك اخوي وجميع الفنادق اللي اخترتها ممتازه
بالنسبه لفندق ماندرين جدا ممتاز وبجانب البرجبن يعني تروحله مشي بس اذا بغيت تروح لشارع العرب تحتاج تاكسي تقريبا 5 رينجت
وباالنسبه لفندق بارك رويال فهو بقلب السوق الليلي يعني ماتحتاج تاكسي اذا بغيت تروحله
اما بالنسبه لفندق لانكاوي لاغون انا توني راجع من ماليزيا وسكنت فيه جدا ممتاز وسكنت في سويت والسويتات هناك تكون المياه البحر تحتك منظر جدا رهيب واخذت السويت تقريبا 500 ريال
بالنسبه للكاميرون انا مارحت لها لان بصراحه شبعت من المناظر الخلابه في لنكاوي وقلت كفايه احسن من الذهاب والعناء للكاميرون
وترووح وترد بالسلاامه

شكرا لكم جميعا
بس مافيه احد عطاني رد يعجبني
انا طماع واطلب منكم الرد علي في اسرع وقت ممكن على الاستفسارات كامله ارجوكم

السلام عليكم ...
حياك الله أخوي مهتم ........
إختيار موفق للفنادق .... شغل معلمين
الترتيب يبيله تغيير بسيط .... الأفضل :
كوالا (بالطائرة إلى)
لنكاوي (بالعبارة أو بالطائرة .. والطائرة أفضل إلى)
بينانق( بالسيارة أو الباص والسيارة أفضل وعشان مايضحكون عليك ترا سعر التاكسي من بينانق إلى كاميرون يتراوح بين 200 إلى 280 رينقت )
كاميرون ( بالسيارة وكلم الفندق يحجزون لك تاكسي ويكلفك 300 رينقت إلى )
كوالا
الفنادق :
ماندرين أورينتال ممتاز ولصيق البرجين التوأم ... بعيد عن شارع العرب تحتاج تاكسي بسعر ما يتعدى 5 رينقت أو جرب القطار المعلق المونوريل وتذكرته للفرد رينقت ونص بس لازم تدقها كعابي إلى أقرب محطه ..
بلازا بارك رويال في بينانق أقرب الفنادق للسوق الليلي .... خطوات قليلة ...
عدد الأيام في كل مدينة حسب ترتيبك شبه مستحيل .... والأفضل تخليها كالآتي :
2 ليلتين ماندرين أورينتال أو صن واي لاقون( في ضواحي كوالا) أو الخيول الذهبية( مدينة الماينز اللي ذكرت وهي في ضواحي كوالا أيضاً ) .....
2 ليلتين لنكاوي ... وإختار واحد من الفندقين ... وأفضل لنكاوي لاقون ...
3 ليال بينانق ... بلازا بارك رويال
2 ليلتين كاميرون ... إكوتوريال
باقي الأيام في كوالا ويفضل فندق على شارع العرب .... وترا فيه فنادق أفضل من الريجنت
الأفضل ... ويستن أو ماريوت
بالتوفيق إن شاء الله

شكرا لك يااخي على هذه المعلومات اللي توسع الصدر