السلام عليكم
اقترح انج تقضين وقتج بشي مفيد لج
مثلاً ادخلي دورات في معاهد تدريبيه مثلاً لغات او كمبيوتر
او اذا انتي مطوله في دبي تعلمي السواقه
واتعرفي على الناس وكون لج صداقات والله الوحده في الغربه محتاجه لصديقه او عائله تعرفهم

أنا من االناس اللي ما احي السفر بروحي
فما اشوف ان روعة المكان راح تونسني لو ماعندي احد
فماراح اقولج روحي المكان الفلاني
بس رأيي انج تكونين علاقات اجتماعية
وأسهل طريقة لتكوين العلاقات الاجتماعية اما عن طريق الشغل او الدراسة
او اذا تعرفون احد .. ممكن تزورونهم اكثر من مرة .. وشوي شوي تتعرفون على معارفهم
والله يوفقج

اول شي عزيزتي سجلي في كورس السياقه لان الموعد بيجيك بعد شهرين .. و بعدها روحي للمعاهد وشوفي الكورسات الموجوده عندهم و سجلي باللي ترغبينه ..
شارع جميره فيه معاهد حلوه ..
دبي فيها كل انواع الكورسات اللي تخطر على بالك .. حتى صنع الكيك و الحلويات ..
و بعدها فكري في العمل ..
اشياء كثيره تعتمد عليك و على ظروفك و شهاداتك ..
وضحي لنا علشان نساعدك اكثر
موفقه ..
و عقبال ما اعيش في دبي زيك

والله يا اختي فعلاً الوحده صعبة
اذا كنتي موظفة في احد الشركات ان شاءالله شوي شوي بتتعرفين على زميلات وممكن تقضين بعض الوقت معاهم
اذا ما كنتي موظفة ولسه مطولة في اقامتك في دبي انصحك بالتسجيل للحصول على رخصة قيادة لأنها مهمة جداً اذا بتعيشي في دبي واذا ما تحبي ممكن تدخلي دورة تجميل اذا كنتي من هواة هالشي.
ومن خلال هالاماكن بتتعرفي على ناس ويقل الشعور بالوحدة ان شاءالله.
والله يعينك ويسهل امورك
تحياتي

سجلي في مركز تحفيظ قرآن ومن خلاله ممكن تتعرفين على أخوات صالحات اتزورينهم ويزورونج
وعندج جمعية النهضة النسائية فيها دورات

اختي اذا تحبين تفكرين تسجلين في اي دوره خبريني
انا بايب لج كورسات