بسم الله الرحمن الرحيم
السلام عليكم جميعا يااعضاء اغلى منتدى ورحمة الله وبركاته
الحمد لله وصلنا اليوم من جنيف في رحلة متعبة شوي تخللها ترانزيت 6 ساعات في مطار عمان بالأردن.........
ادخل في صلب الموضوع:
استأجرت سيارة من شركة هيرتز فرع الخبر في السعودية بملبلغ 2778 ريال شاملة للتأمين بحيث يكون استلامها
من مطار شارل ديغول في باريس وتسليمها في القسم الفرنسي بمطار جنيف ..
عند الوصول الى باريس قال لي الموظف ان التأمين اللي انت اخذه(basic)واذا تبغى تأمين شامل لازم تدفع 270 يورو
اضافية قلت له وفهمته ان التأمين دفعته من السعودية جلس يقول هذا مو شامل وانا توني واصل ادور الفندق ابغى
ارتاح دفعت 270 يورو واستلمت السيارة وتوكلت على الله..
بعد 4 ايام من الستلام السيارة خرب ناقل السرعة (قير عادي ) كانت شغالة فية نمرة 1 و2 و5 والريوس اما 3 و 4
كانت عطلانه وانا بعدها بيوم كنت رايح على انترلاكن (المسافة تقريبا 700 كيلو) فرحت لفرع الشركة في محطة قطار
(gare nord) وغيرتها وانا ياغافل لك الله لما وصلت اليوم شيكت على الفيزا لقيت في نفس تاريخ اليوم اللي سلمت
فيه السيارة الأولى ساحبين مبلغ 1440 ريال !!!!!!!!!!
ايش الحل معاهم شركة النصابين الحرامية ذي ؟؟؟؟
المشكلة اتصل على فرع الشركة في الخبر وارسل لهم ايميلات والجماعة مطنشين ..