1. https://artravelers.com

مرحبابج اختي في دارج الثاني
بالنسبه للمطاعم الإيطاليه: مطعم توسكانا في سوق جميرا وهو التابع لفنادق مدينة جميرا(مينا السلام,القصر,دار المصياف) المطعم من المطاعم الخارجيه إلي تطل عالنهر الصناعي.
المكان رائع ومايتفوت..وبعد العشا تقدرين تاخذين لفه بالعباره فالنهر الصناعي حول الفنادق
أيضا مطعم ستيك هاوس في سوق جميرا ..متخصص في لستيكات
السيده درجة أولى يزاها الله خير اموضحه المطاعم والسوق في تقريرها

https://artravelers.com

مطعم ؟؟؟؟(إيطالي) ماذكر اسمه..بيكون آخر مطعم من مطاعم مرسى دبي.وله جلسات خارجيه حلوه.
مرسى دبي :عباره عن عدة مطاعم تطل على قناه او بحيره بها مرسى لليخوت..والمطاعم الهم جلسات برع وإذا تحبين الهدوء ولخصوصيه بإمكانك الجلوس داخل المطعم يكون فاضي المكان.المطاعم منها (الإيطالي,الهندي,العربي,الصيني,المكسيكي,الأكلا ت البحريه,وكوفي ستار بكس,وباسكن روبنز .....الخ) اسعارهم معقوله ماعدا السيفود اغلى عنهم.ويفضل لو يكون في المساء الجو يكون شاعري واروع..ومنظر النافوره الراقصه جميل..في منطقة الصفوح بعد برج العرب ومدينة جميرا..قريب من مدينة الإعلام.هذا تقرير لاخونا بو اليازيه يزاه الله خير عن المرسى+سكي دبي
https://artravelers.com
مطعم جيلاتو(إيطالي) على شارع الشيخ زايد..بس إلي ذكرتهم فوق احلى من ناحية المكان ولجلسات
المطاعم الامريكيه ماعرف كثير.منها تشليز:في مول الإمارات, وع شارع جميرا,في الستي سنتر , ومقابل فندق الستي سنتر.
وفرايديز:في مول الإمارات يطل على لسكي من فوق..
وإذا تحبين البوفيهات

• بوفيه مطعم المنُى في ميناء السلام حلو وجلساته حلوه .. الشخص ب140 او 160

الأخت السيده درجة أولى اموضحه في تقريرها المطعم

• مطعم البوم..عشاء بوفيه+جوله في خور دبي..مدة الرحلة ساعتين.من 8:30 الى 10:30 سعر الشخص=100 او 120 ماذكر بالظبط

ومن 10:30 الى 12:30 الشخص =75درهم
والاكل يفرق في الرحله الاولى غير عن الرحله الثانيه ..ويفضل الحجز مسبقا من داخل الإمارات
3243000-04 جنب جسر القرهود وقريب من حديقة الوندرلاند

• باتو دبي

https://artravelers.com
وإذا تامرين بشي نحن حاطرين

إخواني وأخواتي
السلام عليكم.
أنا عندي زيارة عمل لدبي في الماريوت الي جنب مركز حمر عين لمدة أسبوع بعد تقريبا شهر, وأحتاج المساعدة في الآتي:
1. أفضل سكن راقي وملتزم وليس غالي مرة
2. سكن يكون قريب من معارض السيارات وبنفس الوقت يجعل الوصول للماريوت سهل
3. أريد أن أتسوق للعائلة بجودة عالية كألعاب الأطفال ودهن العود والبخور
آمل منكم إسداء المشورة وجزاكم الله خير

مشكوره على مساعدتك بنوتة الامارات ان شاء الله نساعدك اذا جيتي للسعوديه
abomousa:
بالنسبه لمراكز التسوق امتع شي مول الامارات جدا رائع وكبير ما تقدر تخلصه في يوم وبرجمان بالنسبه للماركات والازياء الراقيه ووافي بعد حلو اما بالنسبه للعود والبخور فيه سوق شعبي اسمه سوق مرشد يبيع هذي الشغلات وفيه محل هناك اسمه عبالله فولاد عنده دهن عود جدا رائع من احلى دهن العود الي جربته في حياتي وعنده عود بعد مره حلو وجنبه محل اسمه ارض الزعفران مره حلو زعفرانهم واتمنى اكون افدتك..

أبغى أعرف إسم دهن العود لوسمحتي لإني من عشاقه

وهل سوق مرشد في مجمع الوافي

اخوي AL-MAHROOM
سوق مرشد يختلف عن مركز وافي
سوق مرشد سوق شعبي فيه بالجمله والمفرق .. تقريبا خلف سوق الذهب
مركز وافي ..سنتر مغلق تغلب فيه محلات الماركات

مشكورة على التجاوب السريع بس أبغى أعرف لو تكرمتي إسم دهن العود بالضبط إذا كان عندك مكتوب على علبته وأكون شاكر لك. أنا بصراحه جاي دبي الأسبوع الجاي يوم الأثنين وودي أقضي وقت حلو جدآ في بعض الأسئلة ودي أحلها قبل لا أوصل بإذن الله :
1-أول شي الفندق علشان أنا جاي مع صاحبي لازم إني أتنازل عن أشياء هو مايحب يسكن إلا في أماكن أسعارها معقوله مع إني حصلت عرض في فندق إسمه ترادر مدوحه لي ناس كثير وبسعر 600 ريال لشخصين إلا إني حسيت منه إنه يبغى أقل من كذا وأنا أقول له حتى لورحنا دبي يمكن ما نلقاه بالسعر هذا ؟
إذا عندك أوعند الإخوان تعليق أو إقتراح فندق بأقل بس يكون في الرقة الله يخليكم لا تبخلون.
2- إذا في أماكن جلسات رايقة في العصر والظهر تستاهل زي أنا شفت ناس تمدح ميناء السلام .
3- فندق Court Yard في أي معلومات عنه.
4-مطاعم أكلات بحرية قريبة عند الرقة.
5-مقاهي حلوه.
لا تبخلين إنتي والإخوان علينا .

مرحبابك اخوي
لا شكر على واجب
بالنسبه لدهن عود إن شاء الله صاحبة الموضوع تفيدك
بالنسبه للفنادق انصحك تحط السؤال في موضوع منفصل عشان الاخوان يفيدونك
فندق Court Yard
https://artravelers.com
اخوي الكوفيات ولمقاهي منتشره في كل مكان..شارع زايد الله يرحمه....شارع الرقه ....شارع الضيافه
مول الإمارات فيه عدة كوفيات حلوه واحدهم يطل على لسكي.وأيضا مطاعم
المرسى المكان حلو مطاعم وكوفيات وله جلسات في الخارج والداخل عباره عن عدة مطاعم اطل على مرسى لليخوت..المطاعم متنوعه (لبناني+هندي+اكلات بحريه,غالي شوي+مكسيكي+إيطالي+كوفي ستار بكس.....الخ
https://artravelers.com
وإنته ذكرت مينا السلام.. او سوق جميرا وهو التابع لفندق مينا السلام والقصر..جلساته حلوه وبالذات لو عالعشى المكان رايق ومنهم مطاعم خارجيه جلستاهم اطل عالنهر الصناعي منها(الإيطالي+البناني مايصلح للعوائل فيه شيشه.........الخ وفيه عدة كوفيات أيضا
وبعد العشى تقدر تاخذلك لفه بالعباره حول الفنادق.اموضح في الرابط السوق
https://artravelers.com
سؤالك عن مطاعم الأكلات البحريه في شارع الرقه .. مطعم الشوكه الذهبيه
أيضا -مطعم البوم..عشاء بوفيه+جوله في خور دبي..مدة الرحلة ساعتين.من 8:30 الى 10:30 سعر الشخص=100 او 120 ماذكر بالظبط
ومن 10:30 الى 12:30 الشخص =75درهم
والاكل يفرق في الرحله الاولى تنوع الاكلات البحريه ..غير عن الرحله الثانيه ..ويفضل الحجز مسبقا من داخل الإمارات
3243000-04 جنب جسر القرهود وقريب من حديقة الوندرلاند
https://artravelers.com
وإذا عندك اي استفسار نحن حاظرين

مرحبا""
دهن العود مكتوب على العلبه اسم المحل فقط وهو عبدالله فولاد وتلقى رقمه في الدليل في اي فندق تروح له لكن احسن شي اغلى اثنين عندهم انا يعجبني الثاني احسن من اغلى واحد ورائع صراحه قيمته تقريبا بعد الخصم التوله ب 1000درهم.
وفي جلسات مطاعم مرره حلوه مفتوحه ورى المريديان الي جنب المطار فيها مطعم ايطالي ولبناني وغيرها..