- اليوم وصلت لي جاكرتا ولله الحمد الخطوط كانت طيران الاتحاد
- كان فيه سواقين بسيارات خاصه في مواقف الفندق ولاكن كان سعرهم غالي مره
اليوم وصلت لي جاكرتا ولله الحمد الخطوط كانت طيران الاتحاد
الرحلة من الرياض الى ابو ظبي كانت الطائره ممتازه ومقاعدها مريحه والمسافه بين المقعد الي امامي ممتاز. بعكس الطائره الي من ابوظبي الى جاكرتا كانت المقاعد تختلف وصغيره ومتعبه والمسافه بين المقعد الي امامي كان ضيقه مرره وكانو ضاغطين المقاعد لي تاخذ اكبر عدد ممكن.
انا الان في اللوبي في فندق استن مارينا الساعه تقريباً 5.30 الفجر. توني صاحي. الفندق موقعه مهو كويس ابداً الشوارع الي حوله زحمه تريلات وسيارات وبغيت اطلع الساعه سبعه باليل وجلست ساعه ونص انتظر تكسي حتى اني طلعت على الشارع ولا وقف ولا تكسي ورجعت وصار الامن الي في الفندق يبحثون لي عن تكسي يذهب بنا لي مطعم بتزا هت او كنتاكي وبعد انتظار وملل وجدنا تكسي كان تووه منزل زباين في الفندق.
كان فيه سواقين بسيارات خاصه في مواقف الفندق ولاكن كان سعرهم غالي مره
الغرفه الي اعطوني ليست جناح او شقه. هي عباره عن غرفه نوم فيها ممر عليه الاوفس او المطبخ وفيه جلسه صغيره موقعها غلط ولا فيها تلفزيون. التلفزيون مقابل السرير بس. الشراشف والمخدات وسخه مرره. حجزتها من بوكنق بحدود 92 دولار 365 ريال تقريباً. وبصراحه ما تستاهل السعرر. للعلم انا حاجزها يوم واحد بس لاني مخطط اروح بونشاك اليوم اذا الله سهل الامور ان شاءالله
ياليت تدلوني علي شقق حلووه مرره وافضل من استون مارينا وموقعها داخل جاكرتا قريبه من الاسواق. وتصلح لي العوائل وسعرها بحدود 400 ريال لي اخر خمس ايام
اخووي جاكرتاوي الله يوفقك ويعافيك علي تفاعلك في هذه البوابه. ولاكن ترا بغيت توهقنا عند سوالي عن وزن الامتعه للتذكره الواحده علي طيران الاتحاد في قسم الاستفسارات قبل كم يووم. جاوتنا بان الوزن لي التذكره الواحده 35 كيلو. وعند الذهاب امس لي المطار تفاجاة ان الوزن لي التذكره الواحده 23 كيلوو للاسف. والمشكله مافيه احد صحح معلومتك بنسبه للوزن في الردود.
وشكرا لهذا المنتدى والاخوان الي ما قصرو معنا وخلونا نروح لي الديره وكاننا خبررا فيها. وجزاكم الله عنا كل خير
