اول شي حياج الله
وان شاء الله تستفيدين من المنتدى وتفيدين
بالنسبة للمخطط انتي اخترتي المناطق الحلوة
بس المسافات بعيدة
شلون طريقة تنقلكم
بالقطار ولا بسيارة
وبعدها ممكن نساعدج

مشكوره حبيبتي على الرد
الغاليه نحن مقررين نتنقل بالقطار
يلا عاد الغاليه ريحيني الله يريحج
فديتج في أمان الله

هلا وغلا ام حمودي
ويشرفنا ان اول مشاركه لك تكون في بوابة ألمانيا
اول نقطه يجب التفكير فيها .. اي مطار راح توصولون ومن وين راح تغادرون المانيا
نصيحتي كالتالي :
يكون طيرانكم عبر الخطوط الاماراتيه
الوصول لدوسلدورف 3 - 4 ايام
كولون 3 ايام
يوربا بارك -غوشت- 4 ايام وتقصدت انها تكون اربعة ايام عشان يكون عندكم اليوم الرابع تقدروا تزوروا التحفه الالمانيه مدينة بادن بادن او حتى لو حبيتوا تزوروا ترايبيرق وتعيشوا عبق اوربا ومكان صنع قاتوه الغابه السوداء ومحلات ساعات الكوكو
بكذا تقريبا نكون خلصنا حدود 11- 12 يوم
ميونخ 5 ايام
حسب مخططي :
السفر عبر الاماراتيه لانها حسب علمي هي الوحيده من شركات طيران الخليج اللي تصل مباشره لدوسلدورف
ووضعت ميونخ في الاخير لان اغلب التسوق يكون فيها عشان تتجنبوا نقل المشتريات عبر القطار في التنقلات
الخط تم رسمه حسب المواقع الجغرافيه لكل مدينه
فرانكفورت تجاهلتها لانها ليست وجهه سياحيه .. كان بامكاني اضافتها لكن وقتكم ضيق ..ويوجد مناطق اجمل واحسن واكثر متعه منها خصوصا للسياحه
رحله موفقه ام حمودي
واي سؤال لاتردك الا ساحة الاستفسارات
تحيتي

هلا و غلا بمشرفن Boby ا
الصراحه ما خاب ضني فيكم ...
بس مشرفي ... اسمح لي ىخذ من وقتك شوي
عندي كم سؤال على المخطط..... عادي و لا لأ
من خلال قرآتي لرحلات الاخوان
عرفت إنه دوسلدورف و كولون جنب بعض ... بس أكيد قلتلي أروح لهم عشان فيهم شي ... صح
الي أعرفه في كولون :
1- فانتازيا
2-حديقة الحيوانات
و إذا تعرف مكان خبرني الله يخليك
و دوسلدورف ما أعرف شو أزور فيها ، عشان جي استغربت
ممكن تفيدني يا مشرفي
و اللي سمعت عنه إنه يوروبا بارك في رست .... بس ما اعرف غوشت شو !!!!
و بعد وين أروح غير البارك في غوشت
و بادن بادن تكفيها زياره و رجعه و لا سكن
والله اسمحلي تعبتك وياي أدري .. إنته الخبره وما عندي أحد أساله
السموحه لأني بتعبك
اترياك

اختي العزيزة حياك الله واكيد الاخوة الاعزاء ماراح يقصرون
صح كلامك من دسلدورف الى كولون حوالي 41 كيلو وممكن ايضا زيارة مصنع الكاكاو في كولون
واي استفسارات اخرى ونساعدك ونتمنى لك رحلة سعيدة ولاتنسنا بالتقرير الرائع

مرحبا أعزائي
مارديتو علي اسإلتي
الله يرضى عليكم ... خبروني .....

هلا اختي ام حمودي
بالفعل كولون ودسلدورف قريبات جدا من بعض والمنطقه اللي حولهم مليانه بالامكان الجميله
اسبوع كامل في المنطقه هذي راح يكون شي جميل
تقدري مثلا يكون السكن دايم في دوسلدورف واذا حبيتوا كولون تطلعون لها زياره فقط وترجعوا في الليل لفندقكم في دوسلدورف
هذا موضوع فيه شوية شغلات عن كولون ودوسلدورف .. مع اني وعدت صاحب الموضوع باعطائه تفاصيل عن دوسلدورف وان شاء الله احصل وقت هاليومين لاني قاعد اجهز لكم تقرير قبل الصيف تفيد المسافرين الى المانيا
https://artravelers.com/p/re/263653
اوربا بارك موجوده في مدينة غوشت " بالانقليزي يسموها رست " وفي نفس المنتزه في عدد من الفنادق وهي افضل اختيار اذا كان يناسبكم ماديا .. ويومين او ثلاثة ايام يادوب تكفي .. البارك جدا رائع
تقدروا يومين او ثلاثه كلها في البارك واليوم الرابع تطلعوا زياره لبادن بادن او ترايبيرق وفي الليل ترجعوا للفندق في اوربا بارك
ان شاء الله تكون الصوره وضحت
واي استفسار نرحب فيه
تحيتي

مشكور الغالي Boby على المخططات
والله وايد احس توضحت لي أمور
و الصراحه بروح على المخطط اللي عطيتنياه .......
يعني
دسلدورف .. 3 أياام
كولون .. 3 أياام
رست.غوشت4 أيام
ميونخ .. 4أياام
بس لي آآآآآخر طلب
والله أدري إني تعبتكم .... .....
شو الفنادق اللي تنصحوني احجز فيها
يعني عطوني فندقين في كل مدينه ... بتقولون طراره :wink: و أتشرط ... ههه
اتريا ردكم .... لأني أبي أحجز ...
أو بالاحرى ردك يا مشرفي Boby
باي

اختي العزيزة السلام عليكم
في كولون انصحك في فندق Nh Media Park ولكن بعيد عن السنتر
اما دسلدورف سكنت في فندق Four Points Sheraton سعره معقول ولكن مستواه ليس يالمستوى المطلوب
وهناك فنادق بالسنتر لكن ليس لدي فكرة عنهم
كولون انتركونتنتال - هيلتون
دسلدورف انتركونتنتال - هوليدي ان