اهلا وسهلا اختي الكريمة
اول شي متى رحلة اخوك ؟
الامر الاخر كم شخص بيكون مع اخوك يعني العدد الاجمالي كم ؟
والشيء المهم لابد من اخذ جولة في المنتدى مع تقارير الاعضاء المميزة لان مهما كان الاذواق تختلف وصعب اخوك يسمع نصيحة شخص واحد وبناءً عليها يسافر .. فلذلك دائما ننصح بالاطلاع على اغلب واهم التقارير الخاصة بتركيا لكي يحصل على كم جيد من المعلومات والاماكن السياحية وبعد كذا اذا هناك استفسارات محدده يمكن طرحها وبنكون سعداء لخدمتكم ..
تقبلي التحية

هو للحين ما حجز بس ان شاء الله ناوي خلال الاسبوع الجاي او الي بعده
هو رايح بروحه ما معاه احد
بس حبيت اعرف وين يقدر يحصل مرشد سياحي

اختي مايحتاج مرشد لسطنبول
خليه يدخل هنى المنتدى ويشوف اسفسارات الاعضاء ووتقاريرهم المصوره وانا اضمن لج انه مابا يحتاج لأي شي
انا من ضمن الناس الي مثل اخوج كنت ماعرف اي شي عن تركيا بس لما قريت واسفسرت رحت لكل الاماكن في اسطنبول ورحت يولفا ورحت بورصه ورجعت واعرف الطريق ووين اوقف وين اروح وشو الميناء واسامي المناطق وكل شي وشو اركب وكل شي تعلمته من اسعار فنادق والمواصلات والجو كله من المنتدى
وفي ناس راحت مادخلت المنتدى ولا عندهم اي خبر صدقيني ماقدرو يستانسون في الرحله ولا يعرفون المناطق الحلوه والمناطق الي تستاهل تروحين لها جلسوو تقريبا اسبوع كامل في اسطنبوول وماطلعو منها في اماكن تستاهل الذهاب لها
وخليه يحاول يتبعد عن النصابين هناك
والتكاسي شوي غاليه

مشكورين اخواني ما قصرتو على الرد

خلية يقراء تقرير الاعضاء وبس وكل شي يعرفه فهذا الصرح العظيم يغني عن اي مرشد