أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
الخميس غندي سفره سريعه لبيروت و اول مره اروح لها
بليز ابي تولون لي وين اروح كلها يومين و نص ابي جدول مزدحم و مابي ثلج معاي بنتي صغيره عمرها سنه
بس قولولي اهم الاماكن بليز و اذا عندكم سايق ثقه يا ريت تعطوني رقمه
مرحباً أخي أو أختي لأو لفيت فبوابة الإستفسارات شوي راح تستفيد
لكن ولا يهمك بما أنك اول مره تروح للبنان هذي الروابط لجداول بعض الأخوه راح تفيدك وتختار منها ما يناسبك https://artravelers.com/p/re/302548
وايضاً شوف تقرير الأخوان راح تفيدك أيضاَ
ولا تنسانا بالتقرير
اتمنى لكم رحله سعيده مقدما .. هذي بعض الاماكن الي انصحك فيها... من مطاعم وفنادق وغيره... وبالنسبه للسكن... لا تتعدون المركزيه.. الفنادق منطقه عين مريسه فندق راديسون ساس مارتينز فندق فينيسيا فنادق بالام بيتش فندق مونرو شخصيا، أنصح وبقوه السكن في منطقه عين مريسه في الفنادق اعلاه واذا رغبت في منطقه أخرى فهناك فندق الهوليدي ان ديون في منطقه الفردان وشقق المركزيه التابعه لفنادق مونرو في السلوليدير هذي الفنادق الي انصح فيها وبقوه، غير هذي المناطق لا تعجبني في حال رغبتكم السكن خارج بيروت وبالتحديد في الجبل منطقه بحمدون زحمه جدا في الصيف من قبل الكويتين والسعوديين لكن المنطقه بارده وجميله وجنبها منطقه عاليه وللاسف ما قد سكنت فيها وعندكم كذلك برمانا... ديره حلوه وفنادقها بشكل عام ممتازه منطقه جونيه، سكنت فيها من زمان ولا انصح بالسكن فيها اطلاقا الاماكن السياحيه
مغاره جعيتا - ضروري جدا تزورها وخاصه المغاره السفليه
متحف المشاهير في نفس طريق مغاره جعيتا
وفي نفس يوم زيارتكم لمنطقه جعيتا... توجهو الى منطقه جونيه وتغدو في مطعم مانويلا ولا تنسون تطلبون سمك السلطان ابراهيم وفي جونيه اركبوا التلفريك واطلعوا لمنطقه حريصا واذا نزلتوا خذو لفه على شارع المعاملتين
لا تنسوا ... جعيتا وجونيه.. خليها في نفس اليوم
كذلك هناك منطقه دير القمر... منطقه اثريه ورايقه جدا
منطقه جبيل... زورها في نفس يوم زيارتكم لجونيه... روحو للبلد القديم... اسواق وسكيكات صغيره توسع الصدر.. عباره عن منطقه اثريه رائعه جدا.... انزلوا فيها وفرفرو الين ما تدوخون وفيها متحف للشمع انيق جدا ضروري تدخلونه كذلك لا تنسون زياره بيت الدين... قصر اثري مميز فيه قلعه اسمها قصر موسى... يلزمكم زيارته في بيروت... لازم تروحون يوميا للسلوليدير واحسن وقت من المغرب الى العشاء العصريه ضروري يوميا تروحون لمجمع ABC في الاشرفيه مجمع رايق وكله محلات وقهاوي ومطاعم كذلك فيه في بيروت صخره الروشه والكورنيش ومجمع ستي مول ومجمع الديون في فندق الهوليدي ان ومنطقه الفردان بشكل عام بتلقى كثير محلات وقهاوي ومطاعم القهاوي السلوليدير: منطقه كلها قهاوي ومطاعم وانصح بالتالي قراند كافيه... هاجن داز... ستار بكس... روتانا وفيه قهوه هاديه جدا ومحد يجيها... موجوده داخل محل الرفاعي جنب ستار بكس (نصيحه.. ابعدو نهائيا عن البتي كافيه وقهوه اسمها الظاهر زاتا شي زي كذا) مجمع ABC هاجن داز... بول Poll وفيه قهوه بالدور الاول تحت درج نسيت اسمها.. حلوه ورايقه مره خاصه الشاهي له طعم ثاني هناك بالبريق حقهم منطقه الفردان قهوه اموري.. قهوره رايقه وحلوه طلباتهم مره بس انتبهوا لا يكون فيه حد ادنى للطلب .. تأكدوا قبل لا تجلسون ستار بكس وفيه جوا فندق الهوليدي ان كذا قهوه المطاعم مطاعم بيروت السوليدير: انتركوت كافيه دي باريس (يبيع ستيك لحم.. ضروري تاكلون فيه.. اكله حلو مره وهو فرع للمطعم الموجود في جنيف وباريس ولا تنسى تخليهم يطبخون اللحم مره well done) مطعم ايطالي اسمه سكوزي جنب انتر كوت.. اكله لذيذ يبيع باستا وبيتزا ومن هيك شغلات فيه مطعم يجيكم على اليمين قبل دوار النجمه (اذا خليت انتركوت على يسارك) نسيت اسمه بس مطعم رايق وبتشوف جلساته الداخليه رايقه مره واكلهم خطير انتبهوا تاكلون في مطعم البلد في السلوليدير (كان جيد بس خربوا) منطقه الاشرفيه: منطقه حلوه وفيها مطاعم خطيره مره واغلبها يلزمكم حجز (كلم الاوتيل التي تسكنين فيه وقول لهم يحجزون لك) مياس (اكل ارماني حلو وغير طبيعي ولا تنسى تطلب سلطه ارمينيه وكباب بصلصه الكرز ) عبدالوهاب (اكل لبناني) جولياس (مطعم ايطالي رايق مره)
انتركوت (فرنسي)
مجمع ABC
الدور الثالث فيه كذا مطعم.. لكن احلى مطعم فيهم اسمه مطعم ليلى من لبنان.. جلسات خطيره واكل خرافي.. كل شي عندهم خطير .. حتى البيبسي .. وبعد ما تخلص اطلب منهم كنافه عثمليه (يلعن بليسها.. طعم غير طبيعي)... لازم ثم لازم ثم لازم تروحون لهذا المطعم فيه كذلك مطعم واتر ليمون ومطعم كافيه بلان وكريب اواي ومطعم سوشي وغيرها في نفس المجمع وبنفس الدور فيه سينما وكذلك فيه سينما بمجمع الديون بفندق الهوليدي ان فيه في منطقه الروشه مطعم هندي اسمه ميراجا موجود في النادي الرياضي... منطقه مخيسه وجلسات رايح بعين امها.. بس اكل... خطير مره منطقه برمانا مطعم منير ومطعم فخر الدين بحمدون جنه >>> غير طبيعي وجلساتهم فوق جبل واكلهم حلو مره واحلى وقت.. وقت الظهريه جونيه مانويلا.. اكل بحري رايق ولذيذ ولا تنسين تطلبين سمك السلطان ابراهيم فيه مطعم اسمه نبع الصفا... ما يفتح الا بالصيف بس.. بعيد عن بيروت.. اسئل السواق عنه اذا عندكم وقت روحو لزحله.. بس تراها بعيده شوي بس تسوى مره ومرو المطاعم على نهر العاصي والبردوني... جو ثاني وخيالي وفيه شي مهم جدا... ركزو على فواتير المطاعم والقهاوي... ولا تستحي من احد ابد... وفيه عندكم كذلك Edi sand Beach حلو تروحون له.. وباليل فيه مطعم ايطالي... حلو جلساته مره باليل... رحله سعيده ان شاء الله والله يحفظكم واي شي بالخدمه
لكن ولا يهمك بما أنك اول مره تروح للبنان هذي الروابط لجداول بعض الأخوه راح تفيدك وتختار منها ما يناسبك
https://artravelers.com/p/re/302548
وايضاً شوف تقرير الأخوان راح تفيدك أيضاَ
ولا تنسانا بالتقرير