السلام عليكم .
عندي كذا استفسار .انا اول مره اروح لباريس ومعي زوجتي (قال بمشيها) وماتبي بعد.المهم انا حاجز منتجع ماريوت بدزني لاند وابي اعرف ايش وضعه؟
تستاهل المدام

• وايش الاماكن الحلوه اللي اروح لها؟

غير دزني لاند عندك في باريس نفسها
برج ايفل
قوس النصر. الشانز كله كافيهات ومطاعم
متحف اللوفر
قصر فيرساي
هضبة المونامارت
اللاديفانس
الحي اللاتيني
متحف الشمع. وللتسوق الجاليري لافاييت واسواق كثيره
.
الاوت لت جنب ديزني

• وكم بيكون مصروفي اليومي وانا قاعد 7 ايام؟

بدون تذاكر وسكن احسب 100-150 يورو لليوم تزيد او تنقص
ديزني لها ميزانيه بروحها!

• واين الشوبنق؟

باريس شوارعها كلها محلات!
لكن غير الاوت لت عندك الجاليري لافاييت ومجمع البرنتان جنب بعض. مول الفصول الاربعه في الاديفانس..
الشانز كله محلات ممكن تتسوق منها..
ومترو كيف اجيب تذاكرة واين الوجاهات الافضل؟
تذاكر الميترو من محطات الميترو نفسها. فيه مواضيع في البوابه تشرح لك كل شي يخص الميترو بالتفصيل

• والتكاسي من المطار كيف واسعار التكاسي بشكل عام؟

التاكسي غالي جدا. بس مريح اذا ماحبيت الميترو
الاتصالات ايش افضل شي اخذ معي هنالك لانه لازم اكون على اتصال بأعمالي هنا ؟
ان شاء الله يفيدوك الاعضاء بهالجزئيه لاني استخدمت جوالي هناك
الله يسهل امركم وتتهنون يارب

المافيا42
اولا الفندق ما سكنت فيه لكن اذكر اعضاء قالوا انه مناسب
ثانيا الاماكن الحلوة - هذه بعض الافتراحات وانت اختار ما يناسبك
برج ايفيل
طلوع مراكب في نهر السين
دزني
حديقة فرساي
شارع الشانزيليزية
حديقة لوكسومبورج
متحف الشمع
متحف اللوفر
حديقة توليري
المصاريف
تعتمد عليك طبعا لكن المتوسط 2000 ريال يوميا لشخصين غير تذاكر السفر
التسوق في لا دفنس - شات لي - جاليري لافا يت
المترو - تذاكره من شباك التذاكر من اي محطة
اشتريه بالعشرة - اسمه - كارنيه - العشرة ب 12 يورو
وتبقى التذاكر غير المستخدمة تستعملها لو بعد 10 سنوات
او تأخذ تذكرة باريس فزت 3 مناطق لمدة 5 ايام مثلا تروح بها 90 % من الاماكن
التكاسي من والى المطار في حدود 50-55 يورو تعتمد على الوقت والزحام الخ
اذا اول مرة ما انصحك تأخذ قطار من المطار - رايح تتعب من الدرج ومع العفش
الاتصالات - خذ شريحة من اورانج ب حوالي 10 يورو واشحنها ب 35 يورو او اكثر حسب استخدامك - لكن الرصيد الذي لا تستخدمه في المدة المحددة - اعتقد شهرين - يروح عليك
إن شاء الله باقي الاعضاء سيعطونك اقتراحات او وجهة نظر اخرى
مع تمنياتنا لكم برحلة موفقة

ردي ورد مسافرة 27 جاء في نفس الوقت تقريبا
عشان التنافس على اشده - ها ها هأ
لمزيد من المعلومات عن التسوق وغيره شوف موضوع الموسوعة الفرنسية - مثبت - فيه روابط لكل شيء تقريبا

واذا تبي باص ديزني من المطار ب 18 يورو للشخص ولا نزلت هناك تأخذ الباص اعتقد رقمه 14 الي منتجع ديزني لاند بس كلم الفندق يمكن يوفر مواصلات وفيه ناس معاك بالطياره بيطلعون يمكن يكون ارخص ولا تاكسي وريح دماغك
اعتقد انك تاخذ باريس فيزت 3 ايام وتحللها ولا خمس ايام كويسه لك