السلاام عليكم ورحمة الله وبركاته ..
اخوني محتاجه مساعدتكم ...
انا اول مره بروح اوروبا ولحد الحين ماحجزت وماعندي خبره لا انا ولا زوجي ,,, اتصلت على مكتب ******** .. على شان اعرف كم بيكلفني الموضوع .. بس لين الحين مااكدت الحجز ,,
حجزت الدوحه ميونخ - فيينا - الدوحه
من تاريخ 20 لين 26 في ميونخ .. ومن 26 لي 1 اغسطس في فيينا ..
والسكن ميونخ في الهيلتون بارك .. وفي فيينا خيرني بين الميريديان و ايرو تاور ناسبني سعر ال ايرو تاور ..
طلعت التكلفه كامله لشخصين
0ريال شامله التذاكر والسكن ..
زوجي حاط ميزانية السفره كامله من تذاكر وسكن واكل وصرف .. 30 الف ريال .. وانا احس انهم شوي وهو مصر انه مايزيدها ..
وبصراحه ودي اغير مسار الرحله وازيد سالزبورغ وزلامسي من كثر ماشفت التقارير قلت انها بتفوتني ..
اذا ممكن اترتبون لي جدول رحله يضم هالأماكن .. الدوحه ميونخ زلامسي سلازبورغ فيينا .. في فترة 12الى 14 يوم .من منتصف جولاي 15-7-2009. وبحدود ال 20 الف السكن والتذاكر .. والتنقل بالطياره لأني حامل وهذي انسب وسيله والفنادق 5 او 4 ستار وتكون نظيفه
والأماكن اللي تشجعوني ازورها ...
انتظر ردودكم ويعطيكم الف عافيه مقدماً ..
والله ماعندي حد استعين به الا انتوا .. اللي حوالي ماعندهم خبره الا في لندن ..
انتظركم