السلام عليكم ورحمة الله وبركاته
شلونكم عساكم طيبين وبخير
اخواني واخواتي الاعزاء ,,
اسمي حمد ومن قطر ,,
انا حبيت استفسر منكم او بالاخص ابي المساعدة منكم بخصوص اني ناوي اسافر الى اوروبا ,,
ومحتآج جدول حلو وراح اعطيكم التفاصيل ,
الميزآنية : 50000 ريإآل قطري , تقريبآ حوالي ال 10 الاف يورو
الاشخآص : 2 < ذكور طبعإآ
عدد الايإآم : 12 يوم - 15 يوم ,,< بينهم تقريبآ
يعني هالمبلغ الي بيكؤن فيه التذاكر والسكن وتكاليف الرحلة كاملة
واهم شي اني ابي اروح ايطاليآ ,,
طبعإآ اول مكان بنزل فيه لرومآ على كلام احد الاصدقاء انها فالمنتصف وواقدر اروح للاماكن الي قريب منهإآ ,,
وهذي المناطق او الدول الي حآطهآ في بإآلي لو بتقدر تكون فالجدول او يمكن نخليهآ برى الجدول وتكؤن هناك مناطق اخرى ,,
ايطآليآ ( رومآ وميلآن وفينيسيآ واحد الجزر الحلوه ومعرف وين بعد ههه , زلآمسي , جنيف , فيينآ , ميونخ
يعني هل تنصحوني بهالمناطق ؟ مع اني اشوف ميوننيخ بعيد وراح تضيع علي وقت
بغيت جدول ممتع لابعد الحدود
وهل يوجد هناك مناطق فوق الجبآل ,
الي وهقني فالموضوع وماخلاني اجدول لنفسي عدم معرفتي بالفنادق والقطارات والمسافات بين المدن واين توجد المناطق السياحية واشياء واجد يعني اول مره اروح لاوروبآ
وترى جدولي من اول ماتطلع الشمس اكون قاعد افطر ,, ولا انام الا على الساعه 10 فليل تقريبآ يعني جدول عوائل ههه
هل راح تكفي , او بالاخص هل من الممكن ان تكؤن هناك مناطق اقدر اجيهآ بعد
طبعإآ وجهتي للسفر بالاسآس ,,والي احبه ,,
الطبيعه + الريآضة + الالعآب+ المناظر الحلوة والسيآحية ( التصوير )
يعني ابي اشوف اشياء واجرب اشياء مابعد جربتها فالخليج بتآتآ ,
يعني بغيت جدول ممتع لاني على معرفتي لبعض النإآس فالمنتدى يحب يسوي جدإآول واكيد ماراح يقصر معإآي لاني مبتدئ في هالدول ,,
وهل احجز عن طريق بوكنق.كوم او من هناك احسن
من الاخر اعتبروني اخوكم الصغير الي يبي حد يقوله سو كذا وروح مناك ومناك ههه
وتآريخ السفر ان شاء الله ,,

1. 2012

يوم الاحد من الاسبوع القآدم
الفيزآ جاهزة وكل شي جاهز باقي الجدول وبس