اعتقد بنظري وايد 25 يوم وراح تمل غير وخليها بين ماليزيا وتايلند ....المنتدي متروس بمواضيع ممكن تستفيد منها

خليفة العنزي
الاخ خليفة العنزي
تحية طيبة
بس ما حددت المبلغ الي بتاخذ وياك، وكم منطقة تبي تروح ولازم ترتب سفرتك للمناطق الي تبين تروح مثل: اذا تبين تروح من البلد الي انت فيها الى بانكوك وبتقعد يومين بعدين بتروح لشانغ ماي بتقعد 5 ايام ومن شانغ ماي بتروح على بوكيت 5 ايام وبترجع بانكوك وبتقعد فيه 5 ايام لشوبنج او تبي تزيد في المناطق مثل جزيرة كسوموي .
واذا في اي معلومة انت محتاجه انا حاضر وكثر وما اقدر بحاول اساعدك والاخوان في المنتدى مب مقصرين بالمواضيع الي مطروحه وانا حسب الخبره الي عندي من زيارتي لي تايلند باحاول اساعدك فيه ومن القراءه المواضيع في المنتدى.
:smile127:

هلا والله وان شاء الله سفره سعيده
بانكوك تاخذ ليلتين في النهر او تروح لمنطقه قريبه لبانكوك اسمها كشنباري غابات ونهر حلوه بصراحه
بعدها تطلع شانج ماي ممكن تنوع فيها يعني يومين بالغابات ويومين بالمدينه
بعدين من شانج ماي الي بوكيت بالطيران دايركت علي الخطوط التايلنديه فقط
بوكيت ممكن 5 ايام كفايه
وترجع لبانكوك والسكن في نوفوتيل سيام لايفوتك موقعه

دلوعة يعقوب
للاسف اني ماراح اقدر اغير الخطه لأني حجزت التذاكر .. والايام طلعوا 26 بعد مو 25
بصراحة المنتدى فيه الكثير الكثير من المواضيع المفيدة ..:x1:

MEMO_BAHRAIN
هلا والله ميمو ... المبلغ بيكون ان شاءالله 2000 دينار كويتي وبحاول اني اتكلف 1500 بس
المناطق انا ماعندي خبره منو الاحسن وشنو الانسب ..
بنزل بانكوك وعلى طول بطير طيران داخلي لبوكت وبقعد فيها اسبوعين تقريباً وبعدها بروح شانق ماي وبقعد اربع ايام ... بس هذولا اللي اعرفهم وبالاخير برجع لبانكوك وبقعد اربع ايام تقريباً عشان التسوق ومنها بتكون الرجعه للكويت .. لكن بعد شانق ماي وين اروح ماادري ؟؟
مشكور وماقصرت الغالي ..

abdullah2am
هلا بك اكثر اخوي الغالي ..
مافهمت قصدك اني اخذ ليلتين بالنهر ؟؟
كشنباري كم تبعد عن بانكوك وشنو المواصلات المقترحة للوصول لها ؟؟
بجرب نوفوتيل سيام ان شاءالله .. بس ممكن اعرف جم الليلة فيه ؟؟
شكرا لك اخوي

ابدا بشنقماي افضل
جدول مقترح
شنقماي 5 ليالي ثم بوكيت 10 ليالي ثم كوساموي 3 ليالي ثم 8 ليالي بانكوك
بانكوك ليست للتسوق فقط هي اكثر مكان في تايلند يوجد فيها رحلات وترفيه
تحياتي
دولي

قوة اخوي خليفة:
باعطيك بعض الملاحظات وان شاء الله يفيدونك حسب خبرتي القليلة وحسب قرايتي في المنتدى:
1- سالت انا في البحرين عن سعرصرف للدولار مع البات فعرفت ان 100 $ تساوي تقريبا 3350 او 3450 بات.
2- الطيران الداخلي حاول تحجزه من الانترنت عن طريق مواقع الطيران مثل thai airlines او
one two go او air asia .طبعا حسب الرحلة الي انت ماخذه والتوقيت ولازم على الاقل تخلي وقت عند وصولك لي بانكوك والرحلة الي بتسافر عليه الى فوكت او اي منطقة على الاقل ساعتين.
عشان تضمن الرحلة وما تخسر فلوسك وتضيع عليك الرحلة الداخليه.
3- انا من ناحيتي اطالع ان كثير على فوكت اسبوعين يا انك تخليه اسبوع واحد او 10 ايام وتاخذ راحتك فيه.
وعندك شانغ ماي تجلس فيه 7 ايام و بانكوك 7 ايام وباقي الايام سوا كانت 4 او 5 ايام تختار فيه بين كسوموي او اذا كان لك خاطر بتايا .
4- اذا ما حجزت فنادق ، حاول تحجزه يا عن طريق مكتب سفريات او عن طريق الانترنت على المواقع asiaroom او asia travel.
انا اسكن في فوكت في ( patong merlin ) وهذي بيكون على البحر ويمه فندق الهوليدي ان وحاسب ان هذي الفندق في نفسه فندق نفس الاسم بس يفرق بينهم ان الفندق الاول بدون اسم فندق والثاني بهذي الاسم ( patong merlin hotel ) او ( هوليدي ان ) او فندق تار بتونج بيج .
واسكن في بانكوك في فندق زنث او عمااري بوليفار او جرند برزدانت وفيه فناق كثر .
بس في شانغ ماي او كسوموي او بتايا ماعندي فكره عن الفنادق بس المنتدى :x1:مب مقصر ويانه في اي شي نطلبه.
وبخصوص مبلغ 2000 دينار انا اطالع ان لمدة 25 يوم تكون كافيه بس لمصرف اليد يعني رحلات و اكل وتسوق وبالاضافة انك تخلي المبالغ والجوازات والبطاقات الي ما تحتاجه واغراضك المهمة في صندوق الامانات ويكون اما في الغرفة او في الاستقبال ويكون اضمن لك .
وحاول ان ما تاخذ مبلغ اكبر من الي انت تحتاجه و اصرف المبلغ كل يوم لا تصرفه مره واحده لان احتمال يرتفع الدولار او ينزل وروح اكثر من محل للصرافة .
وبنسبة للاطفالك حاول اتوفر لهم الاشيه المهمه من سن بلوك واخذ الي قوته (50) درجه و تاخذ جاري(بلغة البحرين ) عاد عندكم مادري شنو يسمونه حق الاطفال وياك بخاخ عن الحشرات يكون تبخ على جسمك وجسم العائله بحيث تبخ على المناطق الظاهره من الجسم يعني الايادي والرجول عن القرص .
ووفر لهم الحليب والحفاضات و بساتيك الاطفال يكون افضل ويوجد في البقالات الخبز الحلال والجبن الحلال بس لازم تقرا عليهم ان موجود عليهم الحلال هذي يكون لك اضمن وافضل.
واقتراح اخونه دولي 9 حلو البرنامج الي سواه لك
واذا بقيت حاجه لاتردك الا رسالتك (اللسانك) وانا حاضر لك في اي شي
انا مسافر على تايلند في تاريخ 12-07-2009 ورجعتي على تاريخ 24-07-2009 على طيران الخليج (بحرين - بانكوك - فوكت - بانكوك - بحرين) :bounce8:
:smile001:

دولي 9
اهلين اخ دولي ..
رحلتي على طيران الخليج يوم 20 / 7 .. وبنزل بانكوك .. يعني الافضل اني اسافر بنفس اليوم على طيران داخلي لشانقماي ؟؟ ولا شلون ؟؟
بالنسبة للجدول المقترح هل كل التنقلات راح تكون عن طريق الطيران ولا كيف ؟؟
سؤال مهم بعرف اجابته منكم يااخ دولي .. بالنسبة للجو في تايلند هل الجو في بانكوك مثله في بوكيوباقي المناطق ولا لا ؟؟ واذا كان لا منو الافضل فيهم برايك ؟؟
بصراحة انا ماعرف عن تايلند اي شي من قبل كل اللي عرفته من هالمنتدى المفيد بجد .. وماكنت اعرف ان بانكوك لشي لغير التسوق ..
بالبداية افكر اقسم ايام الرحلة على المناطق اللي ابي .. وبعدين ابحث عن كل منطقة شنو فيها وبضبط لي جداول من قبل لااروح عن خطط لكل يوم تقريباً ..
سؤال اخير .. فكرت وهذا احتمال بعيد .. بس طرى على بالي وابي اخذ رايكم فيه .. لو حبيت اطلع من تايلند على ماليزيا أو اندونيسيا مثلا شلون بتكون الطريقة .. وهل يشترط اخذ فيزتهم ولا لأ ؟؟
شاكر لك الغالي وبانتظارك