- علشان كذا لاتشغل بالك بمايكتب وخذ ما انت ترتاحله ويتناسب معاك
- وغيره ياكيان
- طيب يا كيان رحنا ساند قلقن ووين بعد
هل انتم اول مرة تزورن النمسا وخائفين وتاهيين ما انتم عارفين وش الاجواء هناك وكيف بتكون رحلتكم ... تعالو ندرش مع بعض واقرؤا مقالي للاخير ان شاءا لله يفيدكم
بصراحة انا لاحظت تخوف عند كثير من المسافرين والبعض منهم يسأل عن ادق الامور وقلق بشكل كبير
انا ابغى من كل عائلة تاخذ الامور ببساطة وارتياح وتسأل عن الافضل وتاخذ ما يناسبها حتى لو جدت هناك تناقض بين الاشخاص المجربين .. لان كل واحد يحاكيك من وجة نظره ومن خلال تجربته
علشان كذا لاتشغل بالك بمايكتب وخذ ما انت ترتاحله ويتناسب معاك
دائما انا انصح الناس تستاجر سيارة افضل بكثير من الشحططة بالباصات والقطارات ولو حسبتها من الناحية المادية ما رايح تلاقي فرق ابدا ويمكن العوايل الكبيرة بيدفعون اكثر في الباصات والقطارات وثق ما رايح تصييع واللي خايف من انه يضيع لا تبعد كثير خل حدك 200 الى 150 كيلو وخل ااستاجرك ونطلاقك من زيلامسي
طيب فيه ناس تقول ما احنا عارفين وين نسكن وكم كل المدة
اولا انا انصح بالسفر للنمسا عن طريق ميونخ .. للى راح عن طريق فينا برضووه مو مشكلة
خذا 4 ايام في فينا كاقصى حد .. وانصح بالسكن في السنتر لقربها من شارع المشاة الكارتنر
عندك ماريوت وردسن ساس وفيه شقق بالمنطقة اللي يبحث بالنت بيلاقيها وغيرها من الفنادق
من الفندق تقدر تسأل عن اهم الامكان اللي يمكن زيارتها في فينا وبتلاقي اصلا برشور عن هذه الاماكن في الفنادق وعندك سيارات الايجار على باب الفندق جالسة بس تقول وين تبي تروح والا الباصات والمترو نفس الشىء ولا اذكر اني تعاملت معاهم بش هذا اللي اعرفه
طيب خلاصنا من فينا وين نرووح ... تاخذ القطار للي ما معاهم سيارة ومحطات القطار معروفة واقرب تاكس يوصلكم وتقدر تقص التذاكر قبل بيوم وشيل عفشك وانطلاق الى زيلامسي هناك اكيد بتكون مرتب لك سكن فندق او شقة واللي ما ر تب مو مشكلة انت بس لف اليلد وبتلاقي لوحات التاجير تصوت لك تعال عندي تعال عندي هذا اللي معاهم سيارة ويلفون براحتهم واذا ما عجبتك الشقق اطلع لكابرون 5 كيلو عن زيلامسي وبتلاقي الشقق على قفى من يشيل ويمكن ارخص من لو حجزت عن طريق النت او مكتب سياحي وانا من مؤيدين عدم استاجر الشقق في المناطق الريفية للي معاهم سيارات رح هناك ولف تلاقي في كل مكان لوحة شقق للايجار شقق للايجار .. اما اللي ما معاهم سيارات يمكن المسألة صعبة يجلسون يبحثون مع تكسي او غيره
طيب اخذنا سكن في زيلامسي وين نروح وين نتمشى .. والله ما فيه اسهل منها اكيد كل واحد عارف المناطق اللي تنزار من زيلامسي وعلى سبيل المثال
شلات كريميل وهاذي 80 كيلو عن زملاسي وعلى فكر وانت في الطريق لها هناك منتجع يجيك على يمين في وسطه بحيرة حلوة وحولها جلسات وامكان شوي رسوم الدخول لها بسيطة جدا ووسط البحيرة العاب واذا ما انت خايف على عيالك من البرد خلهم يسبحون هذا المكان تقضي فيه نص يوم حلو والجلسة قدام البحيرة وهي عبارة عن مبسح طبيعي كبير ترد الروح
تقدر تروح بعد الى قرية فوش هاذي يمكن 20 كيلو عن زيلامسي فيها العاب بسيطة للاطفال وحديقة حيوان حليووه تصلح لاصغار وعندها بوابة تزور منها منطقة من اعلى مناطق المنسا وتاخذ صور وتتفرج على الغيوم تحتك وبعض الشلالات الصغيره( ناسي اسم المنطقة ) وعلى فكرة القيادة وان طالع الجبال تخوف شوي يعني ما تتجاوز 30 كيلو او اقل خطرة وبالهداوه بس ممتعة جدا انصح باللي معهم سيارات يرحوون طبعا تدخل مع البوابة برسوم ولا هي غالية ما تتجاوز 20 يورو
طيب وغير ه يا كيان
فيه مطار عند زيلامسي 5 كيلو او اقل تركب طيارة صغيرة وتلف فيك فوق زيلامسي متعة جدا ما اتذكر الرسوم يمكن 20يورو للصغير و40 الى 50 يورو للكبير او اقل ما ادري ( اسالو الفنادق بيقولون لكم )
وغيره يا كيان .... طيب غيره
الزحليقة كلكلم تعرفونها وهي 20 كيلو عن زيلامسي على طريق سلفدان تراى لوحتها مو واضحة انتبو
وغيره ياكيان
لا تفوتكم ساند قلقن بلدة ولا اروع تبعد عن زيلامسي 90 الى 100 كيلو تقريبا روحوا لها بدري شوي تاخذ منها باخره وتلف البحيرة زتزور بعض القرى وتتمشى في ذي القرى يعني تاخذ ساعة او اقل في كل قرية وبعدين تجي الباخرة وتاخذكم للي بعدها يعينى يبغى لك يوم كامل هناك متعة الركوب بالباخرة وسط البحيرة مرة رهيبة والبحيرة عبارة بحيرتين متصلت ببعض .. لا تقوتكم هاذي التمشية
وبعد في ساند قلقن مطعم اسماك حلو مرة وعندك مقهى فيه ايسكريم شي ام بس ادفعو
طيب يا كيان رحنا ساند قلقن ووين بعد
سيلزبوغ تبعد عن زيلامسي يمكن 120 كيلو ما نصحكم تسكنون فيها وانتم بكيفكم ما فيها الا المدينة القديمة في السنتر كفايه تزورها يوم وترجع لكن ما نصح السكن فيها تتمشى في وسط المدينة القديمة ما تدخل على رجولك السيارات لان شوارعها ضيقة بالمرة وفيه ماك للي بيبي يتغدا هناك
وبعيدين .خلاص بعدين روقوا في زيلامسي ومو لازم ركضة كل يوم وحد زيلامسي اسبوع للي ما معاه سيارة
على فكرة اللي معاة سيارة افضل يختار قرية ضغيرة ارخص سكن ومنها ينطلق الى كل الريف النمساوي وبعود الى شقته ومن ضمنها زيلامسي وغيرها
بعدها على ميونخ والا اختر اي قرية من على الخريطة وتكون على بحيرة وناطلق لاكتشافها برضووه للي معاه سيارة
معلومات مفيدة و جزاك الله خيراً