بص كل حاجه ليها وقتها وعلى حسب انت بتسمتع بايه لو شبابيه انصحك بشرم خصوصا الوقت اللى احنا فيه دا احسن وقت فيها رحلات بحريه وخروجات كتير اسكندريه حلوه دلوقتى للروقان والاستجمام
بس الشبابى القاهره حلوه كافيهات كتير ومولات ومطاعم مختلفه وسهرات على النيل
لو بتسأل عن الفنادق انحك ببوكينج شوف اللى يناسبك فى السعر وقولنا هنا نقولك حلو او لا على حسب التجربه

خذ جوله بالمنتدى وشوف مواضيع الاعضاء عن زيارة مصر - الله يعينكم على على التعامل مع سواقين التكسي والمطاعم فقد كثر منهم النصب ورفع السعر والغش والاستغلال على السياح العرب

بنسة للشباب وسهرات الشباب وين افضل شرم ولا القاهرة ولا الاسكندرية .. انا اول مرة انزل مصر ما اعرف شي .. ونسبة االامان كيف هناك ..

كم تبعد القاهرة عن شرم .. وهل اقدر التنقل بسيارة

كشباب وسهرات شرم الشيخ افضل واسكندريه برده لها طعم تاني زي ماتحب ... المسافه حوالي 7 ساعات بالسياره

الافضل للشباب وكمان من ناحية الامن والاستجمام .. شرم الشيخ .. حتلاقي تقارير عنها كتير في المنتدي
الانتقال من القاهره الي شرم الشيخ خليك في الطيران الداخلي ومنصحكش ابدا بالطريق البري عشان المسافه طويله ومرهقه
وكمان نقاط التفتيش بقت كتيره
القاهره ممكن تروحها لو حابب تزور الاثار المصريه سواء فرعونيه اواسلاميه
اسكندريه الاسترخاء والبحر والقهاوي علي الكورنيش والقلعه ومكتبة اسكندريه
لازم تحددلنا ميولك انت وصحابك عشان نقدر نفيدكم اكثر

من شرم للقاهرة حوالي 600 كم
بالنسبة للأمن فهو جيد وإذا أردت الإنتقال من القاهرة لشرم برا فهو أوفر شركة جوباص ممتازة

الافضل القاهرة وشرم
ولكن على حسب المدة اكثر من اسبوع حلو تقدر
3او 4 ايام شرم والباقي في القاهره
بالنسبة للمسافة بين شرم والقاهرة حوالي 700 كيلو
والسفر بالسيارة او الباص بيكون مرهق ولكن اوفر
واحسن باصات شركة جوباص
اي استفسار نحن بالخدمة

.
المسافة بين شرم الشيخ والقاهرة 540 كلم لكن ما يطول المشوار براً زحمة المرور عند دخول أو مغادرة القاهرة /الطريق ليس سريع وكثرة الشاحنات /الدوريات الأمنية في الوقت الحالي / التفتيش عند دخول نفق السويس . الأفضل السفر ليلاً لقلة الحركة المرورية وإنخفاض الحرارة . هناك اوتوبيس مكيف درجة سوبر لوكس يتبع شركة الجونة (go bus) يغادر محطة عبد المنعم رياض جنب هيلتون رمسيس الساعة 0:30 الفجر وأخر الساعة 1:15 الفجر يصل شرم 7:00 صباحاً يوفر ليلة في فندق ويمكن السائح من إستغلال اليوم من أوله . الأوتوبيس مكيف وبه حمام ومقاعده مريحة وعليه خدمة ضيافة والتذكرة في حدود 110 جنيه شاملة وجبة خفيفة ومشروبات . نفس التوقيت متوفر إنطلاقاً من شرم للقاهرة .
برأيي لو مدة اقامتكم أقل من 10 أيام خلوكم على القاهرة والإسكندرية أما لو 10 أيام أو أكثر يبقى القاهرة وشرم الشيخ مع إمكانية عمل زيارة بيوم رايح جاي للإسكندرية أو الإقامة بها ليلتين . على حسب طول مدة الإقامة الجملية . شرم يكفيها من 4 إلى 5 أيام . القاهرة بما أنها أول مرة تحتاج على الأقل 6 أيام الإسكندرية من 3 إلى 4 أيام خارج فصل الصيف .