- 6- هذا الجدول وتخطيطنا انا وزوجي واتمنى التعديل من ذوي الخبرة :
السلام عليكم ورحمة الله وبركاته
انا ماشيه باذن الله بتاريخ 20 اوغست والعودة 26 اوغست وعندي اسئلة كثيرة اتمنى المساعده :
1- ابي فندق قريب من الشانز ولكن سعره معقول ونظيف واكله ممتاز مايهم لو كانت الغرفة مش فخمه كثير ؟
2- شرايكم احجز من بوكينغ ولا من مكتب سياحه ؟
3- الان لو رحت باريس وحبيت اطلع على سويسرا اقدر ولا لا وكم التكاليف بالطائرة لان القطار بعيد وطويلة المده ومامعنا وقت ؟
4- اللبس انا رايحه بنهاية اوغست فهل اللبس يكون جاكيت خفيف ولا بلوفر ولا ايش ؟
5- شنطة اليد ايش افضل شنطة على الكتف عادي ولا الكروس باق ولا ايش ؟
6- هذا الجدول وتخطيطنا انا وزوجي واتمنى التعديل من ذوي الخبرة :
اليوم الأول : الشانز وقوس النصر (ووشرايكم ارقى لين فوق ولا اكتفي بالتصوير من تحت )
الثاني : ديزني لاند والاوت لت ( وسمعت انه لديزني لاند التذكرة اذا لقسم 61 -ولقسمين 74 تيب وش هالقسمين وعبارة عن ايش الاستديو ؟ وداخل درني لاند لما ادخل بالتذكرة القارب والقطار اللي داخل شامل مع التذكرة ولا كيف )؟
اليوم الثالث : ايفل ونهر السين
الرابع : اللوفر والكونكورد وحديقة لوكسمبورغ
الخامس : هضبة مونامرت
السؤال اللي بعده : المترو افضل اني اقص تذاكر له لمدة 5 ايام لمنطقة 1-2-3 ؟ وديزني لاند ادفع له
ولا اقص تذاكر لثلاث ايام لنفس المناطق وانا ودي بصراحه اركب التور او الباص السياحي فشرايكم اروح فيه لايش والمترو لايش ؟
السؤال ماقبل الاخير : الاوت لت ايش الماركات اللي فيها وتقريبا كم يكفيني اشيل معي وخصوصا بعد ماقريت انه في عمليات نشل وسرقه وكذا ؟
السؤال الاخير واعتذر لكم على الاطاله لو بروح بروكسل نص يوم تستاهل ولا لا بحكم قربها من باريس ولا ماتستاهل العنوه ؟
والله يوفقكم الاسئلة مهمه جدا جدا جدا بالنسبه لي شكرا مقدما للجميع
بالنسبه للبس خذي كل احتياطتك لان الجو متقلب مره برد ومره مطر ومره شمس
المترو خذي كارد باريس فزت واستفسري عن ديزني وفرساي مره وحده لوطالعه برا باريس
الباص الاصفر يوفر عليك يومين عن المترو لانو ياخذك من الشانز ويرجعك للشانز وصراحه جميل يعطيك لمحه عن اهم الاماكن السياحيه وتقدري تصوري وتنزلي وتبدلي
الاوت لت ممتاز وحلو تروحي ومعك الفيزا وانصحك بفيزه التسوق اريح واسهل والماركات قوتشي وبربري وهالطقه بس الاسعار بطله
الشنطه سوا كانت ان شولدر او كروس انتي حاولي تكوني عمليه اكثر ومش ملفته للنظر وخفيفه
بالنسبه للجدول السياحي :
اول يوم قلتي الشانز طيب باقي اليوم ؟ حاولي تقسمي وقتك كل اليوم بالشانز ملل خلي فطورك بالشانز مثلا والعصر روحي ايفل لين الليل و اطلعي رحله نهريه مع عشا بالليل روعه
اليوم الثاني ديزني والاوت لت حيكون شوي ضغط لان ديزني كبيره وبتطلعي منها تعبانه تدوري السرير وهي عباره عن استديو يقفل 7م
وبارك يقفل 11 م والفلج فاتحه اذا دفعتي التذاكر خلاص كل شي جوا فري الا الشوبينج والاكل طبعا
الاوت لت مش عارفه كيف بتروحي له لانه يقفل كمان 7 م ولاتروحي ويك اند زحمه
واختاري يوم غيم تروحي فيه ديزني احلا واروق
اليوم الثالث قلتي ايفل ونهر السين طيب نقول هالكلام الصباح والعصر وين ؟؟ خلي ثالث يوم مونمارت ونوتردام واللاتيني سانت ميشيل وقسمي فترتين
اليوم الرابع خليه اللوفر صباح مع كونكورد وحديقه ترويلي جنب بعض والمساء خليه حديقه لوكسمبورغ
اليوم الخامس روحي الاوبرا والغاليري لافييت والمسا روحي لاديفانص شوبينج
بكذا غطينا اهم الاماكن بباريس وقسمنا الوقت فترتين