1. السلام عليكم احبابي الكرام

السلام عليكم احبابي الكرام

هذي اول اشارك فيها واكتب عن زيارتي للمغرب الحبيب ,,, كانت بداية رحلتي من مطار دبي الساعه السادسه الفجر طبعا من كثر استعجالي على السفر ما مداني اغير ثيابي وسافرت بلبسي الاماراتي المهم وصلت المطار واقلعت فينا الطيارة وجلست جنبي في الطياره مغربيه عليها ريحة خلتني طول الرحله متلثم ,, المهم وصلنا كازا الظهر تقريبا بس اول مرة اشوف المعامله ديالهم طيبه ولا في مغثه المهم كان ينتظرني السواق ديالي اتصلت فيه قبل لا اطير من دبي وطلعنا على طول على الرباط كان الجو حار بالزاف,,
المهم وصلت للشقه وكانت قمة في الروعه سعرها باليوم 600 درهم مغربي وكن بنفس الوقت انتظر اصحابي من الكويت يجون الرباط ,,خذيت دش طيب وبعدين رحت اشتري بطاقة جوال وعينك ما تشوف الا النور خذيت البطاقه واتصلت بالربع في الكويت بعد يومين قلت لهم الرباط غير عن اغادير ما فيها حياة قالو اجل طير لاغادير ونحن بنجيك هناك بالفعل طرت ثالث يوم على مدينة الحب والجمال وعلى طول على رياض كرم طلعت لغرفتي وعينت من الله خير ونمت ,,على العصر سبحت ورحت على مرجان وخذيت شوية اغراض اول يوم استمتعت فيه بس اللي خرب السفرة حملة المداهمات على الفنادق وصرنا ما نعرف شو بيصير لنا ثالث يوم ما عجبني الوضع ورجعت لكازا وكان معاي في الرحله عشرين سعودي شكو لي من سوء المعامله ,,وصلت كازا ورحت فندق الكندره كانو الربع ينتظروني هناك المهم قضينا ليله جميله وثاني يوم على الرباط لان نريد ناخذ فيلا هناك وما جربنا هالشي من قبل دوخونا السماسرة وسعر الفلل نار من 5000 الى 10000 في اليوم في الاخير حصلنا فيلا ب 4000 قلنا خلاص ولا هالتعب والله ارتحنا في الفيلا قعدنا ست ايام وبعدين رجعنا على كازا لانه حان موعد السفر لبلادنا .اسمحولي يمكن طولت عليكم بس ما ادري اذا كان اسلوبي في شرح الرحله زين ولا لا هذي اول مرة اكتب في منتداكم الموقر .
تحياتي.