للعلم تم حجز فندق Fraser Suites Harmonie Paris La Défenseوياليت القى غايتي بردودكم ..

مكان الاوتيل روعه والله يوفقكم اما عن ترتيب الرحله ان شاء الله راح اكتب لك برنامج وان شاء الله يعجبك بس انت ودك تسكن في ديزني ول سد رد

عشره ايام حلوه بباريس
لكن بما ان معكم طفل حلو تاخذو في ديزني يومين لان المشي الكثير والتنقلات حتكون تعب علي البيبي
انا راح اكتب لك الاماكن القريبه من بعض والمهم زيارتها وانت عاد نسقها سبت احد اثنين ع راحتك
اول يوم حيكون راحه وبما ان فندقكم في اللاديفانص لايمنع اذا عندكم وقت استكشاف المكان
ثاني يوم الباص السياحي والفطور في الشانز والتجول فيه في شارعين احبهم يتفرعون من الشانز اول شارع جورج سانك يعني جورج الخامس تدخله بين لويفيتون ومقهى الفوكيت واخره شارع الماركات الافينومونتين
ثالث يوم ايفل والتجول في ساحه مارس والصعود للبرج (مع اني ماحبيت التجربه) وانتم احرار واخر شي الرحله النهريه والعشاء في الشانز
اليوم اللي بعده الرابع الكنكورد وحديقه تويلري واللوفر جنب بعض الحديقه تربط بين الكنكورد واللوفر اللوفر فيه مول جميل جدا للهدايا والتسوق
اليوم الخامس الفتره الصباحيه فرساي واذا خلصتو وفيكم حيل ع العصر روحو الحي اللاتيني ومتحف الشمع والتجول في البازارات اللي في نفس المنطقه
اليوم السادس الاوبرا والغاليري لافييت منطقه تسوق
السابع والثامن مثلا نخليها ديزني لاند
اليوم الاخير كاتدريه نوتردام والهضبه مونمارت واذا ظل وقت حديقه لكسمبورغ حديقه رايقه جدا
المهم حاولوا تقسمون الوقت لفترتين عشان تستغلون الوقت
والاماكن المقترحه هي من اهم المعالم ومثل ماقلت لك الايام انت حطها
ورحله موفقه

مغرور نجد
ياجعلك سالم يالغالي. . لا انا بخليها صد ورد على حسب مافهمت كلها 40 دقيقة .. واكون شاكر لك عزيزي ..

لندنيه 2011
الله يعافيك اختي .. ماقصرتي .. شرحك مختصر ومفيد بنفس الوقت اخذت فكرة عن المعالم البارزة بباريس .. وبالنسبة للسكن في ديزني والتنقل .. يعني نخلي الولد يتعود ع المشي شوي

اليوم الاول / الشانز + قوس النصر وانك تتعشى في بيتزا بينو ع الشانز.
اليوم الثاني / برج ايفيل والصعود الى اعلى (( الحجز عن طريق النت افضلك)) + ساحه التركديرو+ جوله في نهر السين
اليوم الثالث / الشانز والجلسه هناك في احد الكافيات + متحف اللوفر + الذهاب جسر العشّاق
اليوم الرابع / الغاليري لافييت + الاوبرا + ساحة الفاندوم (( دايم تصير دعايات عندها ))
اليوم الخامس / قصر فرساي
اليوم السادس / الاوت لت +ديزني لاند -(( انصحك بالبارك دام معك طفله ))-
اليوم السابع / هضبه مونمارت + اللاديفانس تتمشى فيها
اليوم الثامن / الحي اللاتيني + كنيسة نوتردام
اليوم التاسع / متحف الشمع + حديقه بولونيا والرجوع الاوتيل
اليوم العاشر تمش ف الشانز واللي تبيه سوه لانك اعتقد انك قفلت كل الاماكن

مغرور ... لبى خشمك .. مشكور ياعزيزي .. الف الف شكر .. ريحتوني الله يريحكم .. بس فيه سؤال الحين بالنسبة للتنقلات .. هل اقدر استفيد من المترو فيها كلها والا لا ؟؟

مغرور بحكم خبرتك .. انا رحلتي الثلاثاء القادم .. بالنسبة للاماكن اللي ذكرتها هل فيه يوم معين لكل معلم سياحي عشان اتجنب الزحمه ,, والا عشوائي ؟؟ لاني سمعت فيه ايام يتسكر المتحف اعتقد على كلام اخونا فيصل ..

ايه معظمها ع المترو