azoze
22-02-2022 - 08:59 pm
السلام عليكم ورحمه الله وبركاته
بصراحة انا صارلي يمكن 10 سنوات ما زرت الامارات وصدفة خلال الشهر القادم بزورها مرتين انشالله
الزيارة الاولى بتكون دورة عمل لمدة 5 ايام في ابو ظبي والدورة بتكون في فندق Novotel Centre Hotel Abu Dhabi
وسعره غالي ومافي غرف فاضية بتاريخ الدورة الي هو 23 - 28 مايو 2009
اتمنى منكم مساعدتي القى فندق قريب من مكان الدورة وسعره مناسب لاني بحثت بكل مواقع النت واقل فندق لقيته ب 600 ريال الليلة
وانا بصراحة ما اجلس بالفندق ابد يعني وقت النوم بس فما يهمني يكون 5 نجوم والا نجمتين اهم شي نظيف
والزيارة الثانية انشالله بتكون بعدها باسبوعين ولمدة 3 ليالي
وانشالله ناوي اسكن بدبي وهالجية سياحة طبعا وودي بفندق حلو وفخم وسعر الليلة بحدود 500 - 600 ريال ويكون قريب من المجمعات والاماكن الحلوة يعني مو لازم اشغل السيارة كل مرة عشان انزل مطعم والا كوفي
وبصراحة بحثت بالنت ومواقع الحجوزات وطلعلي عدد فلكي من الفنادق واسعارها نوعا ما مناسبة ولكن الحيرة باختيار الفندق والمنطقة
انتظر منكم ارائكم يا اهل الامارات وجميع الاعضاء
الف شكر لكم مقدما
هذيك المنطقة فيها الكثير من الشقق الفندقية
بس بشكل عام .. صعب تلاقي فندق رخيص في ابوظبي
فإذا لقيت شي .. انصحك تاخذه .. حتى لو كان بعيد عن نوفتيل
شوف هالموقع
http://www.visitabudhabi.ae/
بتلاقي فيه اسماء اغلب الفنادق والشقق الفندقية في ابوظبي
ممكن تكلمهم وتسأل عن موقعهم
مكان النوفتيل في شارع حمدان بجانب حمدان سنتر .. شوفلك شي قريب منه .. واذا لقيتهم كلهم غاليين (وهذا اللي اتوقعه) .. ماراح يفرق معاك موقع الفندق
بالنسبة للزيارة الثانية
انصحك ماتحجز من الحين
لأن غالباً الأسعار بتنزل في الصيف
احجز بعد 15 مايو .. او في اول يونيو
وأنا أنصحك بفندق كراون بلازا فستيفال سيتي
ملاصق لمركز فستيفال سيتي
ويطل على البحر
وسعره في الصيف يكون في نفس الميزانية اللي انت حاطها