onoony
11-08-2022 - 11:59 pm
السلام عليكم
صراحة اشكر القائمين على المنتدى الرائع
ما تحلى السفرة ولا يضبطها بعد الله الا هالمنتدى واللي فيه
هالمرة طالعه لاوروبا ان شاءالله
لمدة ثلاث اسابيع تقريبا انا وزوجي
ومو مشكله نزيد كم يوم
وعلى النمسا والمانيا ان شاءالله
واحترت كثير بتحديد المدن والايام
وهذا اللي طلعت فيه
وقولوا رايكم
كويسة المدن والا اعدل فيها ؟
الوصول ان شاءالله فيينا والمغادرة من ميونخ
فيينا 3 ايام
سالزبروغ 3
زيلامسي 6
روست 4
ميونخ 4
وش رايكم بالايام
انا ما بعد شفت الاماكن والتمشيات تحديدي للايام من المواضيع اللي قريتها
ناوية ان شاءالله يوم من ميونخ نروح لقارمش ونرجع بنفس اليوم
وروست يوم نروح لليوربارك
والتنقلات كيف بالنمسا والمانيا
قريت ان فيينا مو كويس فيها استجار السيارة ونستخدم المترو
والروحة لسالزبروغ وزيلامسي ناس قالوا سيارة وناس قالوا قطار
وش الاحسن برايكم
وكم بعد زيلامسي عن روست؟!
ونروح بسيارة أو قطار ؟
انتظركم الله يعافيكم
من زيلامسي الى روشت تقريبا 6 ساعات . لو ما في مشكله عندكم بالمسافه ممكن تتطلعون لها او وضع مدينه بالمنتصف مثل غارمش او شتوتغارت او كونستانتس ..
طبعا بالقطار ما ينفع ابدا لصعوبة الرحله ..
بفينا كا تحتاجون سياره تنتطلقون الى سالزبورخ ومن المدينه الملاصقه لها الالمانيه فريسلانق تستلمون السياره من مكتب سيكست وترجعونها اول سوم وصول ميونخ بعد انتهاء من سالزبورخ وزيلامسي وروشت .. او بعد زيارة غارمش من ميونخ مع امكانية زيارة غارمش من ميونخ بالقطار الالماني وببساطه لقربها من ميونخ .
دمتي بخير