ولاعليك امر ... اتمنى وضع الاستفسار في قسم استفسارات تايلند
كل الود

وعليكم السلام
اختي اهم شي تذكرين تاريخ الذهاب عشان نقدر نفيدك
بالنسبة للحجز بمدة كافيه افضل طبعاً راح يكون فيه فرق في المبلغ
والطيران ماهو شرط الناس تتكلم عن اير اسيا ارخص
لكن بالواقع وقت حجزي وجدت اغلى خطوط اللي هي بانكوك اير ارخص
تذكرتين ذهاب واياب لبوكيت بسعر 10600 بات واير اسيا
بسعر 13000 بات فأفضل لك تشوفين مواقع الخطوط على الانترنت وتقارن الاسعار
واهم شي تكون متأكد من الذهاب
بالنسبة للفندق يعتمد على برنامجك هل تفضلين الاستراحه بفندق في المطار ومن ثاني يوم
تكون رحلتك لبوكيت او راح تجلسين في بانكوك كم يوم
واخيراً عطيني الجدول والتواريخ وراح افيدك بأذن الله باللي اقدر عليه

وعليكم السلام
1- عن نفسي العام حجزت بعد ماوصلت لأنك ما تدري وش ظؤوف الطيران تتأخر تتقدم وكان حجزي على إير آشيا والأسعار فرق بسيط عن النت ولكن يكفي أنك تلعب ع المضمون وهذا ما سأفعله العام ورحلتي بتكون يوم السبت القادم 30 جولاي , فلو وصلتي ولك رغبة في مواصلة السفر يكون قرارك بيدك وإذا تبي تريحي في فنادق بانكوك كم يوم فقرارك أيضاً بيدك !
2- كل خطوط الطيران حلوة واسعارها متقاربة الأهم هو ما يناسب مواعيدك ولكن في حالة حجزك من المطار بيكون هناك فرق عن النت ولكن لا يتجاوز ال10%
3- الفنادق على حسب قربها وبعدها من أماكن تكاثر السواح , وأفضلك تختاري ريزروت عشان شوية خصوصية وجمال خاص بالمكان نفسه ..
السفر لتايلند متعة , والموضوع أسهل مما تتخيل ..
تحياتي .

الله يعطيكم العافيه اخواني بالنسبه لبرنامجي الاربعاء 27 june وصولي الى بانكونك ، ميزانيتي 12 الف ريال ورح اجلس عشر ايام واحتمال امددها
ابغى فندق جميل وسعره معقول ويطل على منطقه ساحليه وابغى الاسواق الحديثه ايضا
ابي اشوف العروض من حيوانات وثعابين وكل شي ابي اماكن جميله تنفع للتصوير
احتاج الى خريطه للتنقل ، تحدد لي المواقع اللي رح ازورهاممكن احددها عن طريق الايباد؟؟وسلامتكم

احتاج الى شريحه للانترنت بستخدمها للايباد
من وين اشتريها وبكم؟؟

من ناحية شرايح الجوال فأذكر العام اخذت شريحة من المطار قابلت واحد يبيع شرايح بدون اسم ولا خرابيط الظاهر للسواح بس ركب واتصل بكافة الاحجام يعني شريحة عادية وميكرو تنفع للايفون والايباد سعرها لا يتجاوز الألف بات وحطيتها في البي بي وفعلت منها خدمة البلاك بيري لمدة اسبوع انترنت لا محدود يمكن كانت الخدمة بحدود 250 بات او حدودها وكنت استقبل عليه كافة اتصالاتي من داخل وخارج تايلند
والموضوع مررة سهل ,,
أما من ناحية الفندق فلازم تدخلي بوكينق أو ماشابهه والتعرف على الفنادق بنفسك والأنسب لك وتعتبر منطقة الباتونق هي الأنسب من ناحية توافر الاماكن السياحية والشواطىء وغيرها .. أما الجولات السياحية فيوجد في كاونتر كل فندق مجموعة ضخمة من البروشورات التابعة للشركات السياحية والتي بإمكانك الحجز منها لأي وجهة وأي نشاط يناسب تطلعاتك .. تحياتي