بدررر
01-12-2022 - 04:57 pm
السلام عليكم ورحمة الله وبركاتة
ان شاء الله راح تكون اول زيارة لي ولزوجتي العزيزة ولبنتي الشيخة لين للامارات دبي بالتحديد نهاية هذا الشهر ولمدة اربعة ايام فقط للاسف
ارجو من اهل الامارات اعطائي نبذه بسيطة عن الاماكن الحلوة الي تصلح للعائلة وانا بصراحة حابب اتمشى فقط كأول زيارة يعني خلي الشوبينغ بعدين وما يمنع من زيارة بعض المجمعات و عشاء رومانسي و غيرة مع ثقتي ان المدة قليلة جدا على دبي بس ظروف العمل.
مع العلم اني حجزة في فندق تاج بالاس "وش رايكم فيه؟؟؟"
انتظر الرد مع خالص شكري وتقدير
اخوكم بدر
5 نجوم وعائلي ومافيه خمر وخرابيط، مع اني عندي بعض التحفظات على المنطقة اللي فيها الفندق
بشكل عام في دبي، لو خليت الشوبينغ على صوب، ماراح تلاقي أماكن وايد تروحلها، لأن السياحة في دبي تعتمد بشكل أساسي على المراكز التجارية
عالعموم أنصحك بالحدائع العامة في دبي، طراز محتلف عما تعودنا عليه في الخليج
من أهم الحدائق حديقة زعبيل، وحديقة الخور، وحديقة الممزر
وفي مكان على البحر فيه مطاعم وقهاوي اسمه مرسى دبي (دبي مارينا بالانجليزي عشان اذا ركبت مع تكسي)
وفي فندق ضخم في دبي فيه مطاعم راقية وقناة مائية وقوارب صغيرة تمشيك في القناة، الفندق اسمه ميناء السلام (الأصح انهم ثلاث فنادق في بعض، بس أشهرهم ميناء السلام)
وأتمنالك التوفيق في سفرتك