الله يسهل عليك باولو
المعذرة ماعندي فكره عن الشاليهات بس فيه فنادق على البحر حلوه ممكن تحصل فيها فلل وبرضو الفنادق فخمة وحلوه.
أما بالنسبة للأماكن المحبب زيارتها
1- سوق واقف وهو عباره عن سوق شعبي ومبنى على الطراز القديم ويوجدبه مطاعم حلوه ومقاهي ومحلات تسوق بسيطه وغيرها، انصح زيارته مره بالنهار ومره بالمساء.
2- ستي سنتر مول حلوه وكبير وكل حاجه موجوده فيه.
3- فلاجيو مول برضو كبير ومبنى على عدة طرازات معمارية فخمة.
هذا ما أستطعت مساعدتك به.
وتقبل تحياتي

مرجبا اخووي بالنسبة للشاليهات عندك داخل الدوحه فندق جراند حياة يقع عند مدخل جزيرة اللؤلؤه فيه شاليهاات وفلل على البحر وعند فندق شرق هوتييل وانصحك بهما فقط لاغير ولا تدور غيرهم

عافاكم الله .. ما قصرتوا ق1

اخي الحبيب
انا بأذن الله حجزت على شاليهات جراند حياة وسبب اختياري ان اهل الزوجة سكنوا فيه العام الماضي ومدحوه بالمرة ..
الان عندهم عرض خاص وهو
Two bed rooms chalet 1500 QAR
Three bed rooms chalet 1800 QAR
Four bed rooms chalet 4000 QAR
4Bed rooms Seaview 8000 QAR
عن طريقهم مباشرة
تقبل تحياتي ,,,, موعود

أنصح بزيارة ( أكوا بارك ).
مدينة ألعاب مائية
الصراحة توسع الصدر
صح إنها بعيدة شوي بس حلوة
موقعها أول ماتدخل قطر وأنت جاي من السعودية تجي على اليمين.

كذلك أنصح بزيارة سوق ( فيلاجيو )
الصراحة جميل
وأنصح بتناول طعام الغداء فيه.
حيث يوجد سلسة من المطاعم والمقاهي ومحلات الآيسكريم.
سوق يوسع الصدر

ما قصرتوا حبايبي ..
حبيت اسألكم عن فندق رامادا انكور ؟
كذلك عن موقع الفندق .. يقولون في الدوحه القديمه ؟