WALEED-999
01-05-2022 - 11:43 am
بسم الله الرحمن الرحيم
السلام عليكم
اول شي اشكر جميع القائمين على هالمنتدى الرائع من اداره ومشرفين واعضاء
هذي اول مشاركه لي في المنتدى واتمنى الاقي اجابات لتساؤلاتي
ثاني شي انا باذن الله قررت اروح للندن في نهاية شهر ديسمبر بعد 3 شهور تقريبا
والمشكله الى الان ماقد طلعت الفيزا وماعرف اصلا كيف اطلعها ( فيزا المملكة المتحده والشنقن )
يعني مادري وش المطلوب واي وقت اروح لهم وهل فيه مكاتب سياحيه تزينها لي
وانا حاب تكون جوله اوروبيه غير مقتصره على بريطانيا فقط
وحطيت لي جدول مبدئ وابي اشوف نصائحكم
الرحله 12 يوم ( لشخصين )
البدايه ( لندن - باريس - وابي شي زياده انا افكر في زيارة برشلونه او فرانكفورت )
بحيث اكون في باريس ليلة رأس السنه
فما ادري هل اختياري لها موفق اول لا
كنت اتمنى زيارة سويسرا بس الكثير في المنتدى ماينصحون بزيارتها في وقت الشتاء وصرفت النظر عنها
وكم المسافات بين (باريس وفرانكفورت) - ( باريس وبرشلونه )
واذا فيه اي نصائح لي كمسافر جديد لاوروبا ترانا مانستغنى عنكم
وجزاكم الله خيراً
في مواضيع بالمنتدى تبين كيفيه استخراج الفيز لكل دوله ..
هذا للاخ المزعج لاستخراج فيزا بريطانيا
https://artravelers.com/p/re/421112
بالنسبه ل 12 يوم .. فاعتقد بتكون يادوب جق لندن و باريس .. اذا ظفت دوله ثالثه بيكون زحمه و بتكون ما عطيت كل دوله حقها ..
لندن كزائر لاول مره في اماكن وايد داخلها و خارجها للزياره .. و باريس كذلك .. عندك يوم يومين بعد ممكن تروح ديزني باريس .. يعني انا اشوف تستقر علي هالدولتين عشان تكون فعلا زرتهم .. و تروح رحلات خارج لندن ..
اما اذا كنت مصمم تزور دوله ثالثه .. ممكن تروح ميلانو ايطاليا .. بالطياره اقل من ساعتين ..
اما فرانكفورت فما فيها شي .. ممكن ميونخ اونس ..
عندك بلجيكا ممكن تزورها يومين ..
لكن لندن و باريس كافين اذا 12 يوم بس .. لا تنسا ان يوم الوصول و يوم المغادره ساقطين من الحسبه ..