هذي اول مشاركه لي في المنتدى وانشالله تعجبكم واعذروني على بساطة التعبير لان هذي اول مره اكتب تقرير عن رحلة قمت بها
الحقيقه انا رحت لبنان قبل سنه تقريبا الصيف الماضي وكانت اول رحله خارجيه لي يعني اول مره اطلع خارج المملكه العربية السعوديه بالرغم ان عمري 25 سنه بس نشأت في عائليه محافظه جداا يعني متدينين يعني كانو ما يحبون السفر الى خارج المملكه وصلت السن القانونيه اللي اقدر اطلع فيها جواز سفر واسافر بس ما طلعت ما كنت متحمس لاني تعودت على ربوع الوطن بس الصيف الماضي قررو بعض اصدقائي السفر الى لبنان واصرو علي وحاولو فيني اروح معهم وبعد محاولات كثيره اصرار منهم وافقت وقررت السفر....
اول خطوه : كانت اطلع جواز سفر رحت هذيك اليله اللي قررت فيها السفر وسددت جميع مخالفاتي المروريه اللي بلغت 2300 ريال عن طريق الصراف الالي ومن اليوم الثاني الصباح وانا محضر في الجوازات انهيت كافة الاجرءات وعطوني موعد اليوم الثاني استلم الجواز وفعلا جيتهم اليوم الثاني وخذيت الجواز
ثاني خطوة: رحنا كلنا وعددنا 5 اشخاص الى مكتب الطيار نسوي حجوزات وتفاجئنا ان الحجز فل ما فيه مجال حتى انتظار على جميع شركات الطيران وبعد محاولات واتصالات ( واسطه) لقينا حجز بعد خمس ايام على الخطوط السعوديه وكان سعر التذكره 2700 ريال درجة الضيافه قطعنا التذاكر والحجز تاكد ok وطلعنا من مكتب الطيار للسفر والسياحه بعد ما جلسنا عندهم ثلاث ساعات مليت فيها بغيت اكنسل السفره من الطفش
ثالث خطوه : هي الملابس وما ادراك ما الملابس جلست ادور ليل نهار في جميع اسواق الرياض لاني كنت اعاني من مشكله وهي الوزن كان وزني كبير وما القا مقاسي بسهوله المهم تسهلت وشريت ملابس اللي احتاجها وجزم اعزكم الله جميع مستلزمات السفر وكلفتني تقريبا 6000 ريال جهزت الشنطه وكل شي ما بقي الا اركب الطياره اللي كان موعدها بكره الساعه 1 الظهر
باقي التفاصيل في الجزء الثاني