- بسم الله الرحمن الرحيم
- موعد السفر 7-9 الى 18-09-2011
- تم الحجز اول 3 ايام في فندق Swiss-Belhotel Mangga Besar
بسم الله الرحمن الرحيم
في البداية حبيت ارد جزاء من فضل المنتدى واسجل ملاحظاتي على بلاد العمه بعد سفرتي الثالثه وكانت سفرتي الاخيره مع المدام ( زوجتي العزيزة) على عكس السفراتي السابقه عام 2006 و 2008 وبما انو صارت لدي خبره عن بلاد العمة فقرارت ان تكون رحله منظمة نظرا لوجود الاهل معااي وتم الصرف من هنا في السعودية من المدينة المنورة .
موعد السفر 7-9 الى 18-09-2011
وكان الحجز على الخطوط السعودية منذ وقت مبكر على مقاعد v كلاس ب 1900 لشخص الواحد وكان الهدف من الحجز المبكر هو الاستفاده من عرض التخفيض وكذالك السبب الثاني الاكثر اهمية هو تحديد مقعد الجلوس في الطائرة وكنت احجز المقاعد الواقعه امام بوابات الدخول والخروج الاستقيد من المساحه في التحرك وكان التخطيط هو اول 3 ايام في جاكرتا بعد ذالك 3 ايام في الجبل والعودة لجاكرتا 4 ايام ( طبعا اعرف مسبقا ان 4 ايام في جاكرتا كثير )
وقت الوصول كان العصر وكان فيه زحمة شوية في المطار طبعا حظت ختم الجوازات بعد ان تم اخذ الفيزة الموظف بيطالب بالهدية وبيقول مافيه هدية انا عملت نفسي مو عارف شي وانو اتكلم مع الزوجه . المهم اخرناا كم دقيقه كدا وانا عامل نفسي انو مرره مو فاهم . ختم لنا وخرجنا ومن المطار على الفندق ب170 الف ربية .
تم الحجز اول 3 ايام في فندق Swiss-Belhotel Mangga Besar
وسبب حجزي لهذا الفندق هو قربه من منطقة انشؤول وكذالك قربه من اسواق منقادوا ، وكذالك لوجود عرض وخصم من موقع اقودا تقريبا اليوم ب 190 ريال الفندق جديد وغرفه واسعه وجود سخان موية وكذالك وجود ثلاجة صغيرة في الدولاب تحت التلفزيون عيب الفندق الوحيد في نظري هو عدم وجوده على الشارع الرئسي وانما تحتاج للمشي مسافه ممكن 50 متر للوصل للوصول لشارع مثل ماهو واضح في الصورة
المهم الحادثه الاولي لي كانت محرجه بعض الشي كان الحجز عن طريق بطاقه الفيزا البنك الاهلي وعند عمل الشك ان الدخول بيقول الموظف البطاقه عطلانه مابتسحب قلت البطاقه صالحه ومستعملها قبل يوم عمل كدا محاولة مانقع . قلت اوك اروح اصرف وارجع لكم لانو في نفس الفندق موجود صرفات راح معاي السكورتي من شان يدلني على مكان الصرفات ويساعدني في السحب مشالله الخدمة عندهم كويسة . خلال الوقت دا جلست المدام في الوبي بتاع الفندق وشربوناا عصير مجانا لظيافه
بعد تنيزل الشنط والعفش في اغرفه على طول استحميت وعلى اسواق منجا دوا الي كانت مرره قريبه ناخذ شريحه جوال اندنوسي ونتعشاء .
وبكدا انتهاء اول يوم في جاكرتا .
بداية قوية تنبئنا عن تقرير خيالي