- عندي مجموعه اسأله بخصوص اورلاندو وميامي
سلام عليكم اخواني
صارلي اسبوعين بس اقرا بهل موقع الرائع من غير ما اشترك..مشاء الله عليكم ابداع بكل ما للكلمه من معنى
عندي مجموعه اسأله بخصوص اورلاندو وميامي
1_ابي افضل عشر اماكن للكبار في اورلاندو (ألعاب كبار.ألعاب مائيه...الخ ) للعلم ان المسافرين شباب اعمارنا من 19 سنه الى 21 سنه يعني كلنا شباب..مانبي شي للأطفال (وياريت تذكرون اسعار التذاكر اذا ممكن وشنو افضل انواع التذاكر)
2_اسعار تأجير السيارات بالاسبوع في اورلاندو (سياره تشيل 4 او 3 اشخاص كافي) حتى لو صغيره..وشنو الاوراق المطلوبه للتأجير ..يعني بس ادفع فلوس وخلاص؟ ولا في رسوم تأمين الخ؟؟
3_شنو اسم المنطقه القريبه عند ديزني..عشان لو ببحث عن سكن بشوف حواليها ..لأن ابي قريب عند ديزني
ميامي : )
1_هل احتاج سياره بميامي؟ ولا مو ظروري؟
2_افضل الاماكن السياحيه في ميامي (ألعاب كبار.. مدينه مائيه..الخ)
3_افضل مكان للسكن في ميامي (اقصد المنطقه ) لأن مرات اشوف SOUTH BEACH بس مادري شنو قصته هل مكان؟؟
4_اذا باخذ تذكره (طيران من ميامي الى اورلاندو ) كم سعرها؟؟ وطريقه الحصول على التذكره بالمطار ولا لازم احجز قبلها بفتره؟كم المده بالطياره من ميامي الى اورلاندو؟
اخر سؤال والله...الفيزا بالكويت حمدالله انشالله سهالات وطلعتها سهله
بس المشكله (بالمقابله راح يكلمنا انجليزي ولا عربي...لأن يمكن انا اعرف شوي انجليزي بس الي معاي ما يعرفون خير شر ؟؟؟ وشكرا
والله ادري اسألتي وايد وتعبتكم معاي ...
أورلاندو
1- هذا الرابط راح يفيدك ..
https://artravelers.com/p/re/461274
بالنسبة لأسعار التذاكر يفضل الدخول على المواقع الرسمية لكل مكان والاستعلام عنها ( مرفق في الرابط أعلاه )
2- هذا الرابط راح يفيدك ( بكل ماتحتاجه لاستئجار السياره ) ..
https://artravelers.com/p/re/269604
الأوراق المطلوبة : رخصة القياده من بلدك سارية المفعول - يفضل استخراج رخصة دولية ( للاحتياط فقط .. من أي مكتب سياحي )
3- اسم المنطقة ( كيسمي ) ... ولكن أرشح السكن في منطقة اسمها ( شارع الانترناشيونال درايف ) قريبة نسبيا من أغلب الأماكن الترفيهيه ( ولا تشيل هم المواقع ما تبعد عن بعضها كثير .. كحد أقصى 30 دقيقه ) وخصوصا معكم سياره .
ميامي
1- وجودها ما يمنع !! ( ممكن تستفيد منها بزيارة مدينة فورت لودريدل .. أو إذا في نشاطات تحتاج تذهب لها بالسياره )
2- هذا الرابط راح يفيدك ..
https://artravelers.com/p/re/461274
3- نعم ( SOUTH BEACH ) من الأماكن التي ينصح بها بالسكن .
4- تختلف الأسعار من وقت لآخر .. شيك مع موقع اكسبيديا ( ويفضل الحجز المبكر بكل تأكيد )
http://www.expedia.com/
تقدر تطلب مترجم إذا حبيت !!
أتمنى لكم التوفيق