وعليكم السلام
هلا وغلا ..
ناس في أحضان المطر وناس تطبخ من حرارة الشمس ..
شوفي طال عمرج ..
الشهر الي فات رحنا برايتون ( حوالي 55 دقيقه من لندن بالقطار ) ولقينا فيها اوت لت عند سوق المارينا ..
وأذكر الأهل تسوقوا منه والي اذكره كان فيه شنط ماركات ..
وكانت بعض المحلات امسكره عشان احنا جينا متأخرين اشوي السوق ..
فأنتوا حالوا اتروحون برايتون كسياحه لأنها فعلاً حلوه ونفس الوقت شوفوا السوق ..
الروحه والرده في نفس اليوم ..
أي خدمه احنا في الخدمه

في اوت ليت بس مافيها الماركات اللي تبين .
اوت لت في سويندون والثاني في هاتفيلد. الاول يبعد عن لندن تقريبا ساعتين والثاني حوالي ساعه.
وهذي مواقعهم وشوفي بنفسك ايش المحلات الموجوده قبل ما تروحين.
http:/http://www.swindondesigneroutlet.com/consumer.asp?url=mcarthurglen

هذا الرابط كتبت فيه عن جميع مراكز الاوت لت في بريطانيا كلها شوف اللي جنب لندن وتلقى موقعه وعنوانه
وترى اوت لت اشفورد ممتاز ويبعد ساعتين عن لندن وهو في مدينه اشفورد
https://artravelers.com

طيب انا ابى اسال هل يسوا انى اضربله مشوار
يعنى بلاقى شئ ولا كل شئ امداهم الناس خلصو

لندنيه كول انا كنت بسويندون اوت لت الثلاثاء الماضي وبصراحه كان فيه اشياء حلوه. على سبيل المثال شنطه بربريز ب 99 باوند وعندهم تخفيضات على الملابس بعد. رالف لوين عنده تخفيضات حلوه وكذلك تومي. في حلات فيها مجموعة ماركات يعني مش متخصصه بشي بس شكلهم يجمعون الستوكات حق الماركات يعني يمكن تحصلين شي عندهم حلو ورخيص. سويندون فيها اوت لت حق قاب وماركس سبنسر ونكست بالاضافه الى بقية المحلات حتى محل الالعاب هاميليز هناك. اما بالنسبه للمجمع الثاني وهو القاليري ففيه نكسن وماركس سبنسر ومكس (عنده حاجات واجد حلوه ورخيصه) بالاضافه الى بوتيك بنص المركز يبيع تايورات نسائيه ماركات والله عندهم حاجات روعه بس للاسف المقاسات هي السبب (اقصد العيوش اللي تكبر الكروش). عندهم محل فيه جواتي ماركة لاكوست وسعره مناسب جدا 30 باوند.
كفايه هذي المعلومات ولا بعد؟

أنا نفسي أعرف يعني شنوو أوت لت! مافهمت!
وويش الفرق بينه وبين الموول

الاوت لت هو مجموعة محلات مثل المول بس بضائعه مخفضه. تصل نسبة التخفيض الى 70%

مجنونة لندن
الاوت لت مراكز تسووق تكون غالبا خارج المدن تضم اغلب الماركات العالميه وتكون بسعر مخفض لانها غالبا تكون بضاعة السنه اللي راحت
وبصراحه مايتفوت لان الاسعار مغريه جدا وهو مخفض طول العام وعلى التخفيض الاساسي يخفضون زياده في اوقات معينه زي الكرسمس والايستر ونهاية شهر جون
يعني ممكن تشترين قطعه في الاساس هي غاليه بس بالاوت لت تاحذينها ب7 باوند وزي كذا
وتلقين اغلب الماركات المشهوره زي كالفن كلاين _ بربري _ديور _ دكني _مكس_ مون سون _ قاب _ تيد بيكر _ تومي _ نكست _ دبنهامز _ بوما _ كلاركس ............الخ
واقرب اوت لت الى لندن هو قرية بيتسر فليج _ واوت لت اشفورد وموجود في مدينة اشفورد ساعتين عن لندن
وتقدرين تطلعين على جميع مراكز الاوت لت في هالرابط وتشوفين وش اقرب لك
https://artravelers.com

مرحبا
تاخذ القطار الي مدينة Swindon من محطة Padington والرحله اقل من ساعه وعند الوصول خذ تاكسي 5 دقايق الي Guilt Free Outlet فيها تقريبا كل الماركات